عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الخميس، 30 سبتمبر 2010

لن احلم ثانية


السلام عليكم ورحمه الله وبركاته
تذكرت فيلم مطب صناعى
عندما قال الممثل الكوميدى احمد حلمى للممثله نور وهما راكبين المركب
يلا نامى ونتقابل فى الحلم .
فقالت انا مش بحلم
فقال لها يااااه بضيعى نومك فى ايه ......
تذكرت هذا وضحكت بعد فترة من التفكير فى احلامى الكثيرة التى تمر عليها هذه الايام
وقلت يارب اكون زى نور فى اننى مش احلم .
لان احلامى غريبه اليومين دول ....
احلم مرة برئيس حزب الوفد ان هو رئيس لمصر وده من رابع المستحيلات ..
لانى الريس محمد حسنى مبارك موجود ..
وتذكرت موقف بيقول
واحد مصرى بيسأل الريس ينفع ياريس واحد مسيحى يمسك الحكم .
الريس قال ولا مسلم يابنى ....
هكذا هو الحال
حلم اخر ...


حلمت باانى انا وبعض من اصدقائى الملتزمين وغير الملتزمين واستاذ بيننا
حلمنا ان احنا بنحارب اسرائيل
فااستاذنا مات فى الحرب
وكانت الحرب فى فلسطين ولما واحنا جايين فى الطريق
اقمنا فى مركز فاقوس ( ايه اللى جاب فاقوس مش عارف)
وبعدين قلت لاصدقائى اقعدوا تحت الكوبرى علشان مش فيه حد يشوفكم بالطائرات لعند لما اروح اجيب حاجه وااجى
فلما مشيت بعيد لقيت حفرة او نفق تحت الارض ومبنى فيه مخبز . قلت هاتوا عيش (خبز ) لاصحابى وبعدين وانا راجع فى الطريق شاهدت الطائرة وهى تضرب نار على اصدقائى وايجوا عليا بسرعه وقلت اليهم حد مات قالوا الاستاذ فااخذت ابكى كثيرمع ان هو مات من زمان قبل مانيجى فاقوس
قمت مستغرب وبعدين نمت تانى ....
مش عارف ايه الحلم الغريب ده
اما الحلم الذى يطاردنى من زمان . بس الحمد لله مش بحلمه بقالى مدة وهو ..
ان وانا جاى فى الطريق فبلاقى كلاب كتير تجرى عليا وبعدين انا اجرى بسرعه فائقه لعند لما ادخل البيت مش كلاب وبس وحاجات غريبه..
كمان اخر حلم ...............
اما الحلم الجميل او مش عارف هو جميل ولا ايه بالضبط ... والحلم الاخير ...
حلمت ااننى طلعت على سطح بتنا فوجدت حمام فى الحجرة اللى بنربى فيها الطير حمام كتير فقلت ايه ده جبنا وقت ايه . فماما قالت جبنا من زمان . قلت دا جميل طلعت تانى مرة وجدت الحمام قد باض فاستغربت فقلت ياااااااااه الحمام لسه جاى امبارح ايه الحاجه الغريبه دى دا وايه فى بيضه كبيرة كمان مش بيضه حمام فنظرت الى الجهه الاخرى وبعدها نظرت مرة اخرى الى البيض وقد وجدته قد فقس طلع منه حمام صغير وبدأ يمشى علشان يعرف يطير
.......
شوفتوا اغرب من كده
ياريتنى ما بحلم
ولا ابقول طيب اضيع وقتى فى النوم ازاى ...

4 فــارس وكــتب تــــعــليـق:

أنا - الريس يقول...

بص يا مولانا الحلم الأول ملوش تفسير بتاع الرئاسة ومتودناش في داهية
الثاني بقي ان كتر ما نفسك حدثتك بالجهاد طغي عليك الحديث ومع اشتغال ازمة العيش تأثر الجهاد بالعيش ويفضل ما تقولش علي حد ان غير ملتزم لأنك مش عارف هيتختم ليك بايه وهوا بايه .
الثالث مش عارفه تفسير
الرابع ان الفتن بقت سريعة
-----------
بعد ما قريت اللي فوق اقولك اني كنت بفلك وبفشر اصلا لان مفيش حد أوتي تفسير الأحلام إلا يوسف الصديق ، وأما تأويل ابن سيرين فيحتمل الصواب والخطأ . واللهم أعلم والشيوخ اللي بيفسروا دول بيكلوا عيش علي قفا الشعب الغلبان .

الثاني لما تحلم حلم وحش متحكهوش لحد واستعذ بالله واسفل علي شمالك ثلاث ولن يصيبك منه شيء ان شاء الله .

الثالثة تابته أنا نفسي أحلم حتي لو بكوابيس عشان مش بحلم .. طبعا انا مش قصدي كوابيس بس نفسي احلم .

تحياتي يا معلمه

أبو مصعب يقول...

اولا سلام عليكم
ثانيا بص يا بنى حل مشكلتك عندى
انت تتغطى كويس جدا قبل ما تنام
وتحاول تاخد حد عارف المكان معاك لو هتسافر فى الحلم او حاجه
وكمان انت ممكن تنام بدرى مش عارف ليه
بس اهو كده وخلاص
واخيرا عذرا على طول غيابى عن مدونتك لان انا مش كنت فاضى خالص
على فكره انا بحراوى

mrmr يقول...

انت مش ناوى تجيبها لبر
يا ابنى ما انا قلتلك اتغطى كويس والاحلام دى مش ح تزعجك تانى ههههه
ابقى اسمع الكلام

واللى يسمع كلام كبيره يا تعتيره
مش عارفه المثل صح ولا لا

ساسو يقول...

اتغطي كويس قبل ما تنام
وأمن نفسك جامد
وانت هتبطل احلام
ربنا معاك

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )