عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الأربعاء، 28 يوليو 2010

الفن التركى انه اعلام اردوغان

السلام عليكم ورحمه الله وبركاته
لا احد منا ينكر ما هو تاثير الفن اى المسلسلات والافلام على شعوب العالم ..
فمنها المفيد ومنها الضار والضار يغلب المفيد ... ..
اى نعم
يوجد مسلسل تركى يتكلم عن الارهاب
فبعد مسلسل نور ومهند الرومانسى الذى فجر العالم العربى .. وايضا يحيى ولميس ..
فظهر المسلسلات السياسيه
وكثير منا يعرف المسلسل الذى فجر الخلاف بين تركيا واسرائيل وهو مسلسل صرخه حجر .
وهو يتكلم عن الحاله الماساويه فى فلسطين .
وبعد ذاك وذاك اتى مسلسل يتحدث عن الارهاب لالالا
ليس الارهاب الذى تجيدونة على الساحه العربيه وهو المعروف بالرجل الدينى الذى يلبس العمه والجلباب ..
ويقصر جلبيته ...
فهذا هو الارهابى فى نظر الاعلام العربى ..
اما الارهابى فى نظر الاعلام التركى فهو الارهابى الصحيح .. .
يقتل الكبير والصغير العجوز والشاب الرجل والمراة لا يعرف ام ولا اب له ولا اخ ولا اخت له .. نعم هذا هو الارهابى يقتل الجميع ليس له ديانه.. مسلم وياكل لحم الخنزير .. نعم لا يعرف له ديانه .... وهذا مختصر فى مسلسل الارض الطيبه ....
ليس عن ذاك نتحدث
الجميع طبعا يعرف ماهى تركيا وكيف سقط على يد مصطفى كمال أتاتوك الذى اعلنها دوله علمانيه لا تعرف بالدين الا فى المساجد فقط
وكيف سقط الماذن فى تركيا ...
وبعدها وبعد رئاسه رجب الطيب اردوغان لمفاتيح الحكم
صارت تركيا فى الطريق الذى يكره الغرب وهو الاسلام .. _وهو الطريق الصحيح_
مااوقفنى عند مسلسل الارض الطيبه
كان جنرال بيتكلم او واحد مسئول فى الجيش عن الارهاب بيقول يجب ان نحتفل اكثر بالاعياد الدينيه ....
اول ماسمعت الكلمه دى قلت مش تسمعها فى مسلسل عربى او مصرى خالص .
وكمان فيلم تركى رعب صراحه انا مش عارف اسمه ولا سمعته بس واحد صاحبى حكى لى عليه..
وهو عبارة عن بنت لبسها عفريت وظلت تذهب الى دجالين فاازداد المرض .. وبعدها ذهب الى شيخ فااخرجه منها . فرجعت الى الله وصامت وتابه توبه نصوحه. وذهبت الى المساجد....
فهذه خطوة الى طمس العلمانيه فى تركيا ....
ملحوظة
بهذه الكلمات لا ادعوا الى سماع المسلسلات والافلام

الاثنين، 26 يوليو 2010

هى الدنيا مصالح.....؟؟


السلام عليكم ورحمه الله وبركاته
الدنيا مصلحه . دا دول اصحاب مصلحه ولما المصلحه تخلص هينسوا بعض ..
كتير سمعت هذه الجمل ولكن هل الاصدقاء الايام دول مصلحه فعلا ..
اتذكر الدكتور ايمن عكرش مدرس ماده مجتمع ريفى فى كليتنا ...
صراحه من افضل الدكاترة فى الكليه مع اختلاف وجه نظرى السياسيه معه ...
كان لما جينا نمتحن الامتحان الشفهى لقيته بيقول والله ...
سنه اولى دى افضل ناس
تعرفوا ليه
قلنا ليه يادكتور
قال لان الصحبيه فيه مش مصلحه
اما سنه تانيه وتالته ورابعه وبقية عمركم مصالح
مش فيه حد هيتصل بيك الا بمصلحه او هيخبط على باب بيتك الا بمصلحه ..
صدقونى امرحوا والعبوا واتصاحبوا على ناس تحبكم .........
وبهذا الكلام لم انساه حتى اليوم .. وعلق فى ذهنى اشياء كثيرة ....
فقسمت بالله ان اذا صاحبت احد ساصاحبه بجد ليس لمصله او غيرة
.......
ســـؤال
هل احد منكم واحد صاحبه اتصل عليه وقاله انا بتصل عليك بطمأن عليك ....
السؤال ده موجه للموظفين يعنى اللى تخرجوا من الكليه
ومسموح للطلاب ايضا بالتعليق ....
وسلاااااااااااااام

السبت، 24 يوليو 2010

نقطه تـــــــــحول ........


وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالآخِرَةَ ذَلِكَ هُوَ الْخُسْرَانُ الْمُبِينُ.سورة الحج ايه 11...
نعم يوجد اناس يعبدون الله على حرف فاان اصابه خير شكرا الله وان اصبته

موقف ما ....
طالب جامعى فى النصف الاول من العام الدراسى الاول . كان تبع اولاد فى الكليه .كان الاولاد دول محترمين الى حد ما وانا اعرفهم كويس لانى عاملتهم كانوا ومازالوا محترمين كان كل فرض يصلوه بيعيبنوا بعض على الصلاة وتلاوة القراءن وهكذا من الاعمال الخيرة .فبعد ظهور نتيجه الفصل الدراسى الاول وشال كذا ماده . انقلب الحال لم يعد يمشى مع هولاء الطلاب واصبح يمشى مع طلاب السجائر والبنات وهكذا ولكنه لم يذهب معهم فى هذا الطريق لسه الشيطان مش تمكن منه .....
......ودعواتكم النتيجه هتظهر بكرة بعد الظهر دعواتكم دعواتكم ان شاء الله اللى مش يدعى لى من قلبه يجى اليه شكه فى قلبه .....

الأربعاء، 21 يوليو 2010

اظن انه لسه يدرى على رجال السياسه فى مصر

السلام عليكم ورحمه الله وبركاته
اظن انه لسه بدرى على رجال السياسه فى مصر من حيث الادب والذوق فى الكلام مع اى احد كان .. واظن ان الكثير من رؤساء الاحزاب التى تروج على انها معارضه وتحب وطننا الحبيب مصر . اكتشفت ان الهدف الاساسى لها هو حب الشهرة وامساك المناصب .
والدليل على كلامى يقول الاستاذ رفعت السعيد رئيس حزب التجمع رد على دعوه المرشد..... لا المرشد ولا 10 منه يستطعون استدعاء التجمع "بالتلفون "
اظن يااستاذ رفعت لو بتحب مصر هتيجى فى لقاء زى ده ولو برساله sms اه والله .ام انك تريد ان تتزعم مثل هذا اللقاء .. اذا كنت تريد ان تتزعمه فعليك ان تكتشف وسائل للتقرب من الاحزاب اى نعم عليك ان تبتكر وسائل لاتحاد الاحزاب واستخدمها فى خدمه الوطن .. ومن بديع هذا هل هو تلميذك ام ماذا ام انك كنت تعطيه المصروف ام ماذا الدكتور بديع من افضل 100 عالم بيطرى على مستوى الدول العربيه . واخذ العديد من شهادات الدكتوراة . وايضا له 88 عضوا فى مجلس الشعب اما انت فلك 1.
فعليك ان تاخذ الحرص الكامل فى الحديث معه او عنه او عن الجماعه . فهى جماعه لها تاريخ عريض منذ 82 عام . وحزب التجمع يعتبر حفيد وليس ابنا لهذه الجماعه .
اما موقف اخرفهو من احد ابناء قريتى وهو فى احدى الكليات اى طالب جامعى . اخذ يثور ويجول ويهادى معى . ويقول ان 88 عضوا من الاخوان فى مجلس الشعب لم يفعلوا كما فعل النائب مصطفى بكرى . فقلت ياااااااااه والبلتاجى وفريد اسماعيل الم يفعلوا فقالى اه البلتاجى اللى كان عامل حوار مع منى الشاذلى وكان وراهم علم الاخوان وبتاع نحمل الخير لامتنا وللعالم قلت اليه ده المرشد .. وصراحه ضحكت فى وجه وقلت دا انت مش تعرف مرشد الاخوان يبقى تعرف مين فى الاخوان ... لما تعرف حد من الاخوان ابقى تعالى كلمنى .فصار وجه احمر كحبه الطماطم ومشى ...
اما من ناحيه صاحب قنوات دريمرجل احمد بهجت . وتصريحاته عن الاخوان وان الاخوان يبعدوا عن السياسه اظن انه هو ايضا لا يعرف من مرشدهم وماهو مكتب الارشاد . وعلما باان احمد بهجت حامل الجنسيه الامريكيه . ...
وأضاف رجل الأعمال المصري، صاحب قناة دريم الفضائية ومدينة "دريم بارك الترفيهية :" المشكلة فى جماعة الإخوان، إنهم بيتحشروا فى السياسة، والدليل على ذلك أن لدينا 88 عضوا منهم فى البرلمان عمرنا ما سمعنا عن طلب إحاطة ولا موضوع أثاروه وأفاد البلد" ..
اظن انه لا يعرف مجلس الشعب ومايدور فيه . ولا يعرف خمسه من 88 عضوا فى مجلس الشعب واظن ان الاعلاميه منى الشاذلى استضافت الدكتور فريد اسماعيل وهو يحمل اوراق ومستندات وشكاوى وطلبات احاطه عملت فى مجلس الشعب ..وطبعا ده كله على قناه الدريم فى برنامج العاشرة مساء
واظن ايضا انه لا يسمع الا الافلام والاغانى على قناه دريم ......
اظن ان الكثير من رجال السياسه فى مصر فى بوطقه التكبر وعدم الولاء للوطن ...
وايضا اظن ان رجال السياسه فى مصر كلهم فى حجرة كبيرة اذا خرج احدهم من الحجرة خرج الجميع ولكن كلما اراد ان يخرج هذا الرجل ظلوا يشدون فيه بالحبال ولا يريدون له الخروج مع ان لو خرج ليخرج الجميع ...
وايضا اظن ان بعض من رجال السياسه مثل هذه الصورة

الأحد، 18 يوليو 2010

ماذا تفعل لو كنت مكانه ... هل ستتحول ارهابى ام لالالا

..السلام عليكم ورحمة الله وبركاته
العنوان ده مااخوذ من مدونة الاستاذ فهمى هويدى
وكان يتكلم عن واحد دخل السجن واتعذب وبعد ماطلع مش عرف يشتغل فى شغلانه حكومية ولا ابنه عرف يلتحق بكليه حربيه وهكذا بسبب ان هذا الرجل مقيد لدى امن الدوله .......
وهذا الموضوع على مدونة مــش فــاضى
اول صلوا على النبى
فى فيلم كان بيتكلم عن الارهاب سمعته وكان بيتكلم عن سبب الارهاب ...
ولما سمعته كان ايه هو سبب الارهاب ..
ان الواحد بيدخل السجن ويتعذب وبعد مايتعذب يكره الامن ويجى اليه حاله من اخذ الثار وضربهم ..
كما حصل فى جماعه التكفير والهجرة .
..
صراحه بعد ماسمعته قلت يااااااه لو ده يحصل معايا ممكن فعلا اكون ارهابى واقتل الامن مش عارف والله ..
وايجا لى حاله تعاطف شديد لهم ..
اذا كان السجين الذى اصبح ارهابى بعد الاعتقال او الضابط الذى عذب السجين الذى اصبح ارهابى ..
عندما يقتل الارهابى اقصد السجين الضابط اقول احسن ان هو قتله ...
وبعد مده ليست بكثير تاتى لى حاله اقول حرام عليه دا عندوا اولاد عاوز يربيهم ....
وبهذا اصبح حاله اضراب نفسى واخذت عهد على نفسى ان انا مش افكر فى الحكايه دى تانى
بس سبحان الله الواحد لما يهرب من حاجه لازم ترجع اليه تانى
وبعد مالاستاذ فهمى فكرنى بيها ... قلت لا لالا ...
لازم اشوف حل ..
وانتوا كمان لازم تشوفوا لى حل ....
إذ عذبت بالصعق بالكهربى في الأماكن الحساسة من جسمى، وتعرض للضرب والسحل وإلى أمور أخرى كثيرة حولتنى إلى إنسان بلا كرامة.
مـــــــاذا افعل
او بمعنى اصح
اذا دخلت انت السجن وعذبت وبعد خروجك ماذا ستفعل .. ...
هتاخذ حقك ازاى
ولو مش اخذت حقك قانونى ماذا ستفعل .. هــل تنقلب ارهابى وتقتل الضابط او المخبر اللى ضربوك وعذبوك وهانوك وسلبيوا كرامتك (هــل ستصبح ارهابى ) ام ( انك ستقول حسبنا الله ونعم الوكيل وستصبح مظلوم )
مــــــــــــــــــاذا ستفعل .......... لو اعتقلك وعذبوك وسلبيوا كرامتك واهانوك .. فاصبحت انسان بلا كرامه
مــاذا ستفعل

السبت، 17 يوليو 2010

الفرق بين حسن وحسين ... اختصارا للحياه


السلام عليكم ورحمه الله وبركاته
كيفكم ياشباب اتمنى ان تكونوا بخير . ومش يكون حالكم اتقلب زى البلد بالضبط ....
الفرق بين حسن وحسين .
لالالا
مش تفتكروا ان السؤال ده فزورة عاوزكم تحلوها ... او علشان تقولوا لى الفرق حرف الياء او حرف الواو
لالالا
بس علشان اختصر الحياه التى تشقلبت ( انقلبت ) راسها تحت ورجلها فوق .
وحتى المناخ الصيف بقى صيف والشتاء بقى صيف ...
الحال تغير فى كل الاحوال
الفرق بين حسن وحسين ..
اول فرق
حسن طالب ذكى وممتاز زاكر واجتهد . ذاكر ليلل ونهار . لم يلعب قط . هدفه التفوق على اصدقائه ويكون الاول عليهم .. وها قد نال حلمه اصبح الاول فى الشهاده الابتدائيه والاعداديه والثانويه وتفوق على جميع اصدقائه فى كل المراحل . وهاقد اتمم الثانويه ذهب ليختبر فى كليه حربيه لم يقبل فيها مع انه كامل الاوصاف ولكنه لم يقبل لان لم يجد وسطه . دخل كليه ممتازة كليه الهندسه وتخرج منها ذهب ليجد عمل ما هنا وهناك فلم يجد فجلس بجوار امه .........
حسين طالب مستهر وخايب لم يذاكر ولم يفكر قط فى التفوق على اصدقائه يلعب لليل ونهار . كان ينجح بالصعوبه البالغه فقد تخرج من الابتدائيه والاعداديه ودخل الثانويه تخرج منها بـــ 60 % . وكان اهله مرموقين فى اوساط مجتمعهم ودخل الشرطه واصبح ضابط وفتح بيت واصبح من اغنياء البلد ..........
ثانى فرق
حسن عامل فى احدى الشركات موظف يشتغل بضمير لياكل هو وابنائه منذ ثلاثين عام لم يترقى عن العمل لانه لم يجد وسطه فى عمله
حسين عامل مستهتر يعمل مع حسن فى الشركه لا يحبه اصدقائه بسبب مشاكسته وكبريائه وغرورة لا يحب الا نفسه لم يكمل 5 سنوات ترقى فى عمله واصبح المسئول عن حسن لان له وسطه كبيرة فى العمل ...
ثالث فرق
حسن شاب محترم مش اليه دعوة بحد بيقف مع الحق دائما . مش بخاف طول ماهو على الحق . بقول للظلم لا والحق اه . دخل المعتقل بتهمه الارهاب ومخالفه القانون وتلفيق تهم ...
حسين شاب بلطجى وقح لا يهمه احد . يجلس على المصطبه يسب ويشتم ويعاكس البنات . يشرب البانجو الحكومة تركاه . الناس بيخافوا منه مش بيقدروا يقولوا اليه تلت التالته كام
..................................................
هذه هى الفروق
الدنيا تحولت
ليه بجد
ليه بجد البلد بقي حالتها كده ...الحرامي بقي وزير والشريف بقي سجين ... اللي يدافع عن حقه يبقي مجنون اللي يحاول يخده يبقي موهم ...ليه بجد

الأربعاء، 14 يوليو 2010

ايه ياشباب عيد ميلاد المغنيه اصاله انهاردة

السلام عليكم ورحمة الله وبركاته
..
طبعا كلنا او الاكثريه يعرفوا الفنانه اصاله صاحبه الجماهير الكثيرة ..
صراحه هى اكثر الفنانات احترام من الموجودين على الساحه حتى الان .
لانها كانت المفضله عندى .. اما الان الحمد الله لم يعد للاغانى مكان فى عقلى او فى قلبى .
والحمد لله نشكرة ونحمد فضله .
المهم
اليوم كان عجيب شويتين
كنت ذاهب لادفع فلوس النت انا فى ابوحماد وكنت رايح ادفها فى الزقازيق ....
الثلاث مواصلات اللى انا كنت راكبهم وانا رايح
كانوا مشغلين اصاله ..
الثلاثه ..
حتى وانا جاى من ثلاث مواصلات .
كان فيه مواصلتين مشغلين اصاله ...
فاتعجبت قلت هو فيه حاجه من الثلاثه
1. اصاله عيد ميلادها اليوم
2. اخذت جائزة عالميه
3. ماتت ( توفيت)

الثلاثاء، 13 يوليو 2010

الرد على تعليقين . ولو مش عجبكم ردى ..ممكن تردوا عليا او عليهم .

السلام عليكم ورحمه الله وبركاته
ارد على تعليقين اه
هما حقيقه حلوين بس استفزونى شويه ..
الى حد ما ....
اولا قبل الرد
عاوز اشكر كل من فى التعليقات
1. مجداويه
2. الريس

3. المهندس محمد اشرف

4. ام الخلود

مدونتها اسمها اعقل مجنونه فى الوجود مش عارف مسمايها ليه كده ولازم تسميها اعقل العاقلين
هههه
بهزر
5. سلسبيل

6. سبايدر مان

7. مجنونه كتابه

8.زهرة (جنى ) الاسلام

9. شارم

10.البشير اون لاين
11. mrmr
12 . السلطانه
مع حفظ الالقاب
كان اول رد على الاستاذ شارم استاذى .صراحه انا متابع مدونتك ومعجب بها كثير ...
وهذا هو تعليقه
و ليه ييجوا جنبك اصلا
هو انت بتقول حاجة غلط
ولا اللي يطلب حقه في البلد يبقى غلط و لازم يتمسك.....
ياسيدى ويااستاذى
نحن فى مصر ام الدنيا وارمله الديمقراطيه
وازاى مش يجوا جنبى دا البلد بلدهم بالصلاه على النبى اه والله دا بلدهم واحنا شغالين عندهم ...
تحت قانون الطؤاى يعنى ..
اللى مش يعجبهم حتى لو بيعمل حاجه صح بيجوا يااخذوه . تحت قانون الطؤاى
نحن فى مصر
لو لم اكن مصريا تحت الحكومة المصريه لودت ان اكون مصريا خارج الحكومة المصريه
اه والله . والدليل على ذلك
يوجد الالاف فى السجون المصريه تحت قانون الطؤارى ...
ثانى رد
على mrmr
وهذا هو تعليقها
حال قرييك ذيها ذى قرى كتير قوى فى مصر حالها مايل ويحزن
لكن لا يضيع حق وراءه مطالب.
اى نعم قريتى زيها زى اى قريه اخرى
ولكن الجمله الثانيه
لا يضيع حق وراءة مطالب
والله كنت اتمنى ان تتحق هذه الجمله ( انا لا اييائس ولا ادعوا للياس )
فى هذه البلاد وتحت هذه الحكومة ولكن لن تتحقق هذه الجمله الا بعد الاطاحه من هذه الحكومة وازالتها من هذه البلد وتغير وزراءها ..
اه والله
لن تتحقق الا بعد ماقلت عليه
............
مـــــع الف سلامه

السبت، 10 يوليو 2010

قريتى النموذجيه التى لم تصبح حتى الان نموذجيه


السلام عليكم ورحمة الله وبركاته
اطررت ان اكتب عن عدت اشياء فى قريتى . لعلى وعسى ان يكون احد متابعى مدونتى من عصافير امن الدوله فيذهب ليبلغ الصقور التى تجبرة على ان يكون عصفورا . بهذا الخبر . يمكن ان يغيروا شئ . اى نعم يمكن اعتقل ويمكن انضرب ويمكن يكون فيه خالد سعيد 2 ..
بس يلا كله من اجل رضا الله وقريتنا الحبيبه ..
قريه القطاويه من احدى قرى مركز ابو حماد .. تعد من اكبر قرى ابو حماد كثافه سكانيه وايضا نسبه تعليم.
. وتعد من اشهر قرى ابو حماد ..
حيث تخرج منها اعلام . فى كثير من المجالات
حيث تخرج منها .
د.احمد الملط حيث كان نائب مرشد الاخوان الاسبق مصطفى مشهور.
المهندس / محمد سيد أحمد حسن (عضو مجلس الشعب 6 دورات متتالية) .
الفريق أول/ محمد أحمد صادق (وزير الحربية الأسبق عهد السادات)
و.. بلال عادل صاحب مدونة قلب فارس
والتعريف عليها اكثر
اضغط هنـــــــــــــــــا
...
مااريد ان اتكلم عليه اليوم
هو حادثه منذ خمس سنوات اى سنه 2005 منذ انتخابات مجلس الشعب السابق .
وفوز عبد الستار ابو راس مرشح الحزب الوطنى على السيد حزين مرشح الاخوان . بالتزوير حيث كان يزيد فارق الاصوات فى الاعاده نسبه تزيد عن 20000 صوت ...
وكان سيد حزين عندما فاز فى انتخابات مجلس الشعب لدورة 2000 قام بااعمال منها عمل كوبرى ليقرب المسافه بين الكثير من المراكز فيداءة من سنه 2000 ولم ينتهى حتى الان . فبعد خسارته فى دورة 2005. لم يطرق فيه مسمار . وكثرت الشائعات فى القريه من هروب المقاول وايضا من خطأ فنى فى الكوبرى الذى كلف الملايين ولكن لم اصدق هذا الكلام .
فاليوم سالت احد الغفر الموجودين هناك ( حارس المكان ) فقال يابنى مش هرب ولا حاجه دا هى حكومة بنت ..... ( وطبعا القطاطوة مش بيتوصوا )مش راضين يدوة فلوس . وطلع خسران منها المتر طالع اليه بااربع الاف وهو عامله باالف . بس هو اللى غلطان لانه تاخر ...
فقلت . يعنى ياعم الحج مش هرب زى مالناس بتقول ..
قال لالا دا راجل واصل مناسب وزير والناس دول مش بيهربوا بساهل ...
. فااود ان اقول للنائب عبد الستار ابو راس ارحم بلد القطاويه واعمل الكوبرى. حتى لو تاخذها جميله على القريه فى اخر الايام الدورة وبدايه دورة جديده . لمصلحه مصر اولا ثم القطاويه ثانيا ...
وايضا عندما فاز سيد حزين عمل على دخول صرف صحى فى البلد وبدا فيه وكان يوميا المهندسين والعمال بيشتغلوا فيه ._ اه هما كانوا مش بيشتغلوا بسرعه بس اهو بيشتغلو _ وبعد خسارة السيد حزين وفوز عبدالستار ابو راس نائب الحزب. ايضا لم يعد عماله فيه فبدا الكسل وعدم الشغل. والبلد متغرقه صرف صحى وكانها بحر .
وحتى الان لم يعمل احد على اتمام اى من هذه المشاريع فى البلد ...
فاادعوا الله ان يرى هذين الشكوتين اى احد من المسؤلين ...

الجمعة، 9 يوليو 2010

بابا اشترى لى طفطف بدل ماانا عاطل كده


السلام عليكم ورحمة الله وبركاته
كيفم يارب تكونوا بيخير
وشغالين وبتجيبوا فلوس علشان مش تكونوا عاله على بابا حسنى وماما سوزان واخوكم جمال ... يعنى العائله الكريمه بصلاه على النبى. يعنى مصر .يعنى ام الدنيا وارمله الديمقراطيه . يعنى هبه النيل والنيل خلاص خلص (بح) خلوا بالكم من هبه لانى انا خايف حد يخطفها زى ماخطف مصر . يعنى مصر الحلوانيه علشان كده بتلاقى كله مسكر ودمه خفيف ومهما حصل فيه من ضرب وتعذيب فى اقسام الشرطه هو راضى . ومهما حصل فيه من شتائم من ناس مش تستاهل فى الشارع برضه راضي ...
يلا ربنا معانا ياشعب مصر ....
صلوا على النبى
بس سؤال فى حد منا مش يعرف الطفطف كما هو مشهور فى بعض القرى او ( التوك توك ) كما هو مشهور فى بعض القرى والمدن ..
اه التوك توك ..
بعد ماصليتم على النبى وعرفتم تجاوبوا . وعرفتم التوك توك .
انا فى اجازة ومش ينفع اشتغل فى العاشر او اتعلم اى صنعه علشان دورة icdl
يومين فى الاسبوع .
فقلت لبابا وزى اى حد يقول لابوه اشترى لى طفطف يابابا او اشتغل على طفطف .( لانها الموضه عند الشباب فى هذه الايام الشباب المكسل زى حال كتير من الشباب )
فرد عليا وقلى ايه . عاوز تشتغل ايه. وعلى ايه .ولا عاوز اشترى اليك ايه .
قلت تانى وبكل حسن نيه اشترى طفطف علشان اسوقه بدل ماانا قاعد على النت .
قالى اى حاجه تتعلمها الا تسوق طفطف ويويلك لو شوفتك بتسوق طفطف .
استغربت صراحه لان بابا عاوز يخلينى اشتغل بااى
طريقه فى الاجازة واول مرة يعيب على شغلانه ( ليس عيبا فيه ولا عيب على الشغلانه ولا عيب على اللى بيشتغلوها )
المهم
قلت اليه.. ليه يابابا وهى حرام ولا قله ادب ولا بندخل بيها السجن
قالى علشان وانت ماشى تشغل الاغانى بااعلى صوت زى الناس الهبل اللى بيسوقوها . ولا علشان تبقى حشيش زيهم وبتاع بنجوا .
فقلت فى سرى ولو اهو ابعدنا عن عيون الحكومة لانها عاوز كده .
وهو عمال يتكلم ..
فقلت وليه مش اشغل قراءن واو اسمع اناشيد وانا فى الطفطف . برضه الكلام ده فى سرى . فقلت دا لما اعمل نغمه التلفون نشيد ب.... .......
المهم
انا مشيت وسبتنى من الكلام اللى بينقال
وقلت يلا يعنى الشباب اللى خلصوا الكليه قاعدين فى البيت مش لقين شغل وانا يبتاعه ولا اللى بتعمل فيها بتاعه عاوز تشتغل يلا بلاها شغل روح ياض اقعد على النت دردش واقراء.. فى حد واخد منها حاجه ..
.....
فاريد ان اكتب سؤال ..
ليه الحكومة كما قلت فى موضوع سابق بااسم لو الجميل يكمل وهو يتكلم عن سواقين السرفيس ...
مش يعمل دورات تدريبه فى فن التعامل مع الناس واحترام الطرق والتنبيه على ذلك بالقانون والمعاقبه القانونيه ...
وليه اصلا الحكومة مش توفر اليهم فرص عمل فى المصانع علشان ينتجوا بدل ماهما شغالين على توصيل الناس كده ...

الخميس، 8 يوليو 2010

والذاكرة رجعت شويه . وسؤال للاستاذ معتز ولمدحت شلبى والمعلقين الرياضيين

السلام عليكم ورحمه الله وبركاته
طبعا بعد كسر بعض من الخصام بين المصريين والجزائرين
بسبب زيارة الرئيس المصرى مبارك الى الجزائر لتعزيه الرئيس الجزائرى فى اخيه .

فرجعت بالذاكرة للخلف مدة لا تزيد عن 9 شهور وهى ميعاد الازمة بين مصر والجزائر اى (المباراه بين مصر والجزائر فى ام درمان.
وافتكرت هيافه الشعبين المصرى والجزائرى . (ناسف للالفاظ بس الواحد بيضايق لما يفتكر الحاجات دى ) .
وبالاخص هيافه الاعلام المصرى اللى نزلنا فى الارض واخص الاعلامى المصرى
1.مدحت شلبى نمرة one
2.وخالد الغندور صاحب برنامج الزمالك اليوم ( الرياضه اليوم ) نمرة two .
والباقى من المذيعين الرياضين .
وحتى الجمهور المصرى ذهب وراء هولاء الاعلامين .. الذين فجروا الازمة بين مصر ام الدنيا وهبه النيل وجند الله فى الارض وبين الجزائر بلد المليون ونصف المليون شهيد ..
وحتى الان يوجد خلافات حاده وجمهور متعصب لا يقبل احد ان يقال امامه كلمه الجزائر او مصر .
وكمان فى يوم الازمة او بعدها لا اتذكر والله .
كنت اسمع برنامج 90 دقيقه وكان الاستاذ معتز كان اللى ماسك الفقرة .
وكان فيه تقرير فى الشارع المصرى بااسم هل تتوقع ان المصريين هيشتروا العلم بعد مباراه مصر والجزائر ..
طبعا لو السؤال ده اتسال لى كنت هقول بصوت عال
المصريين مش هيفكروا يشيلوه وهما ماشين فى الشارع كده .... ايون كان ردى كان هيبقى كده . مش هنافق ولا اتاثر بالموقف اللى كنت هكون فيه .. ...
والحمد لله كان واحد فى التقرير ده قال كده برضه قال مش هتوقع ان المصريين هيشتروا العلم بعد المباراة ....
المهم فى الموضوع ده كله .....
كان الاستاذ معتز تعليق على التقرير قال علم مصر فوق الجميع والناس هتشتريه ..............
وياااااااااااه لو الواحد شاف الصالون اللى كان فيه الاستاذ معتز كان علم مصر بيرفرف فى الصالون وكان جميل جدا جدا جدا جدا جدا جدا .................
طيب دلوقتى
يااستاذ معتز فين العلم دلوقتى وهل فعلا العلم بنشوفه كتير ...
فين العلم فى الصالون اللى حضرتك قاعد فيه ...
____
وسؤال اخر مين اللى كان بيحرك الاعلام المصرى ايون ميـــن اللى بيحرك الاعلام المصري
فبعد زيارة مبارك انقلب الحال الى حال
الدليل
اضغط هنا ماذا قال المعلقون الرياضيون بعد زيارة مبارك الجزائر
وان شاء الله لنا وقفه اخرى لمدحت شلبى .......
والفديو ده هديه منى اليكم اه هى غنيه بس حلوه وانا بقلب فى اخبار مصر والجزائر لقيتها

الثلاثاء، 6 يوليو 2010

معنى الرجوله



** السلآم عــليكـم و رحمــهـ الله و بــركـاتـهـ

**ما هي الرجولهـ   الحقيقيهـ؟

كل رجل يدرك معنى الرجولهـ الحقيقيهـ ؟

لا نعتقد ذلك .. ولكن ما هي الرجولهـ الحقيقهـ ..

تعالوا نعرف معانيها الحقيقيهـ وبوضوح تام ....

** الرجولة **

كلمة شرف وموقف عز !

** الرجولة **

هي البذل والعطاء والتضحية والفداء!

** الرجولة **

هي أن تحسن إلى من أحسن إليك ولا تسيء إلى من أساء اليك !

** الرجولة **

هي أن تحترم الآخرين وتحترم وجهات نظرهم ولا تستصغر شأنهم ولا تسفه ارائهم !

** الرجولة **

هي أن تقول الحق وتجهر به ولا تأخذك فيه لومة لائم !

** الرجولة **

هي الشهامة والمروءه في أجلى معانيها !

** الرجولة **

هي أن تعطي كل ذي حق حقه !

** الرجولة **

هي الأخلاق الكريمة والمعاملة الحسنة!

** الرجولة **

هي تحب لغيرك ما تحب لنفسك !

** الرجولة **

هي إنصاف المظلوم من الظالم !

** الرجولة **

هي أن تمد يد العون للمحتاج في كل الظروف !

** الرجولة **

هي تعرف قدر نفسك فلا تتجاوز بها الحد !

* الرجولة **

هي أن تغفر وتعفو عند المقدره وأن تمسك نفسك عند الغضب!

** الرجولة **

هي أن تمسح بيد حانيه دمعة ألم عن وجه بائس !

** الرجولة **

هي أن تنام قرير العين مرتاح الضمير غير ظالم !

كم من تلك الصفات تجدها في نفسك قد تجتمع الصفات في رجل واحد

، وقد يجتمع الرجال في صفة واحدة .

فلتسأل نفسك أخي العزيز اي الرجال

انت؟

سياحه مصر لن تقبل المحجبات والمنقبات على شواطى الاسكندريه ..ونساء اوربا المسلمات لن يلبسن المايوة بعد اليوم

السلام عليكم ورحمه الله وبركاته
قبل الكلام
انا بقول كل واحد حر يلبس حجاب يلبس نقاب مش يلبس خالص حسابه عند ربنا بس اقول كلمه ان الحجاب فرض والنقاب سنه عن امهات المسلمين وهو ليس فرضا ولا مرفوض...
كنا ولا زلنا نسمع عن البلاد الاوروبيه التى تمنع المنقبات او المحجبات من الحصول على حقوقهم المسلوبه
ومع انى حر فى بلد مقيد كنت بفكر.. وقلبى ساعات يعطف على المحجبات والمنقبات اللى فى هذه البلاد الاوروبيه وساعات اخرى اقول البلاد الاوروبيه دى يمكن يكون عندها حق فى حكايه النقاب فقط بسبب خوفهم من حدوث عمليات ارهابيه । اما المحجابات فقلبى معاهم وهم لا يؤثرون خطر على البلد الموجودين فيها ....
اما اذا حدثت هذه المواقف فى بلاد اسلاميه بل المصيبه الكبرى عربيه وهذا ماحدث نعم حدث فى بلد عربيه اسلاميه بل من اكبر البلاد العربيه الاسلاميه التى تعتبر قلب البلاد الاسلاميه
وهى
مصــــر العربيه
نعم
فى احدى شواطئ الاسكندريه
للعام الثاني على التوالي، رفعت شواطئ "بيانكي" بمحافظة الإسكندرية لافتة "لا للمحجبات والمنتقبات" في وجه المصطافين الذين فوجئوا باللافتات التي تحظر عليهم الدخول بغطاءٍ للرأس، وتمنع نزولهن البحر إلا بـ"المايوه"
وتسبب القرار في حالةٍ من السخط العام بين المصطافين الذين رفضوا القرار من الأساس، وأكدوا أنهم لا يرتكبون جرمًا حتى يتم منعهم بهذه الطريقه
وتساءل المصطافون: "هل يليق أن يحدث ذلك ببلد الأزهر الشريف؟، وهل هناك قانون يمنع دخول المحجبات الشواطئ والمطاعم؟، وهل هناك تمييز بين المحجبة وغير المحجبة؟، وهل إذا وُجد هذا التمييز أن يصب في صالح غير المحجبة؟!
الخبر منقول من احدى مواقع الانترنت
هــــذا مع حدث والله انا زعلت
وقلت ليه طيب احنا مضايقين من البلاد الاوروبيه ومن سويسرا من منع الماذن ومن فرنسا فى محاربه النقاب ومن الدستور البلجيكى من منع النساء المنقبات فى السير فى الطرق العامه ..
ليه مضايق وزعلان ومحموق .. وانت اصلا يامسلم مانع المنقبات بل المحجبات من اخذ حقوقهم ........
وكنت قد قراءت فى مدونة مـــجداويه هـــذا الحوار انصحكم قراءة لانه بدا.. ويعبر عن مستقبلنا المؤالم

تحديث
دكتور محمد (( باصص للنص الفاضي )) هل تسمعني ؟

حول

*****

مصر في عام 3010 م


حوار تليفزيوني مع الداعية زيزي طالح

المذيعة : مدام زيزي حضرتك هاجمتي الحجاب وقلتي ده عادة جاهلية وليس عبادة وإن منظره بيخليكي مشمئزة ياريت توضحي للمشاهدين أدلة أن الحجاب عادة وليس عبادة ؟

زيزي طالح : شوفي أنا حاجيبلك اثباتات من كتب , ومجلات , ومدونات التراث, إن من حوالي ألف سنة الغير محجبات كانوا عادي جداً في كل مكان ومش بس كده دول مش من عامة الشعب لكن أساتذة في الجامعة ومتخصصات في الشريعة الإسلامية !!
و سيدات المجتمع الراقي , """من أكبر رأس""" إلى أصغر رأس, كلهم كانت راسهم مكشوفة عااادي جداًً ,
وكان وجود الحجاب وقتها مجرد عادة لكن من بعد ثورة 2200 وانتهاء عصر مبار
ك وفوز حزب الوفد , خلاص كانت دي نهاية التشريع الإسلامي وبقينا دولة مدنية سبور ولارج ,

ووقفت بنات مصراللي كانوا لسه محتفظات بالعادة الجاهلية دي وخلعوا الجهل والتخلف عند موقف أحمد حلمي,
اللي اتسمى بعد كده موقف "حلمي بس "
عشان اتحقق هناك حلم كل بنت في المدنية والتنوير ,,
فالبنات المضحوك عليهم الآن من البعض و رغم إنهم قلة مندسة لكن بيعتمدوا على كتب الإمام مصطفى حسني والإمام عمرو خالد اللي بيدعوا للحجاب وبيقولوا فيه إنه فرض , نقولهم إن فيه معانا سيديهات, ودي في دي وكليبات أثرية لعلماء آخرين بيهاجموا الحجاب أمثال سيىء القمىء وده واخد ثلاثة دكتوراة في حتى وعن وفي !

وفاروق حوستي وده كان وزير ثقافة يعني من كبار رموز الفكر اللامتغطي وترك لوحات رسمها بريشته بتدل بكل وضوح على فكره اللا متحجب !!
والعالمة إيناس الدغيدي وفنها اللامتحجب واللا متغطي خالص , والعالمة إقبال بركة وكتبها اللامتحجبة والتي أبحرت فيها في أغوار الماضي السحيق ورأت بأم عينها أن الحجاب لم يكن فرضاً أيام الرسول الكريم وعادت بهذا اليقين اللامتحجب , والعالمة نوال السعداوي وعالمها الرجولي اللامتحجب الحاقد على الرجال ودي بقى أمهم كلهم وكبيرة العالمات وكان
ت معروفة ومشهورة بنكشتها وشعرها الأبيض الناصع , ومعانا صورتها وحنوريها للمشاهدين .

_______________
والله انا خايف الحوار ده يحصل فى المستقبل
......................
الابتذال ليس لازماً للسباحة"
.. إنها الرسالة التي توصلها المسلمات إلى العقل الأوروبي المعاصر، وبخاصة أولئك المتمسكات بحقهن في ممارسة رياضة السباحة وفق التعاليم الإسلامية والفطرة السليمة
ومع سعي المسلمات لنيل حقهن في السباحة وهن محجبات ورفضهن للتعري عندما تكون السباحة إلزامية كما في المدارس ـ
بدأت العديد من الدول الأوروبية والأمريكية تعرف ظاهرة الشواطئ والمسابح الخاصة، كما ازداد قبول سباحة المسلمات بالحجاب، وانتشر بيع ما يعرف بـ"لباس السباحة الشرعي
في ايطاليا .. تخصيص أوقات للمسلمات في "بيرجامو
تمكنت الجالية المسلمة في مدينة "بيرجامو" الإيطالية من الحصول على أوقات خاصة في المسبح المحلي، حيث تتمكن المسلمات من ممارسة رياضة السباحة بحرية وأمان.
- فقد أفادت صحيفة (كورير ديلا سيرا) الإيطالية أنه تم مؤخراً تحديد أوقات محددة في الأسبوع لا يسمح للرجال بدخول المسبح ما يمكن المسلمات في المدينة من السباحة، وقد كان الأمر في البداية مستغرباً لبعض النساء المسلمات إلا أنه مع الوقت أصبح فرصة لممارسة الرياضة والترفيه والتعرف على أخريات من الجالية المسلمة في المدينة، وأغلبهن مهاجرات من : تونس، والمغرب، ومصر، وإيران.
ولا تعد هذه هي المرة الأولى التي يتوفر للمسلمات في إيطاليا فرصة السباحة الخاصة، ففي
مدينة "ريتشوني" ـ أكثر المنتجعات شعبية على البحر الأدرياتي ـ كانت سلطات المدينة قد سمحت بإقامة شواطئ مغلقة للنساء المسلمات، وقد بادر مالك أحد أكبر الفنادق في المدينة إلى تخصيص مساحة ألف متر مربع، وتعيين دوريات نسائية للحراسة والإنقاذ.
كما كانت مدينة "ريتشوني" قد أعلنت عن عزمها تخصيص أحواض سباحة خاصة للمسلمات.

في السويد .. معركة قضائية تنتهي لصالح المسلمين

وقد ربحت سيدتان مسلمتان العام الماضي المعركة القضائية ضد التمييز الذي مورس عليهما من قبل المسؤولين بمسبح مدينة "جوتنبرج" الذين قرروا طردهما وأطفالهما لارتدائهما الحجاب، على الرغم من عدم وجود لائحة مكتوبة تمنع من ارتدائه.
وطبقاً لصحيفة (ذا لوكال) السويدية فإنه على الرغم من أن محكمة "جوتنبرج" قررت أن الطرد ليس تمييزاً ضدهما، زعماً بأن ارتداء ملابس سابغة لا يتفق مع قوانين الصحة والسلامة، إلا أن محكمة الاستئناف قررت أن ما حدث هو تمييز لأسباب دينية، وأمرت بدفع تعويض قدره 20 ألف كرون لكل منهما.

>والمفارقة أن المدينة ذاتها شهدت تأسيس أول شركة متخصصة في إنتاج ملابس سباحة وملابس رياضية للنساء المسلمات
وفي النرويج .. مقاطعة نرويجية تبدي تفهماً مع الطالبات
>أعلنت مديرة التعليم في مقاطعة أوست ـ أغدير النرويجية وتدعى "كارين جنكر" إنه لن يتم إعفاء الطالبات المسلمات من دروس السباحة بسبب عدم رغبتهن في كشف أجسادهن.

وقد نقلت صحيفة أغدير بوستن عن مديرة التعليم إنه لا يوجد في القانون ما يسمح باستثناء الطالبات المسلمات من دروس السباحة، لكنها قدمت بعض الاقتراحات التي تمكنهن من اجتياز هذه الدروس مثل استعمال لباس يغطي سائر الجسد، أو تمكين المسلمات من السباحة وحدهن قبل بقية الآخرين وتوفير غرف مغلقة لهن لتبديل الملابس
وساعات للمسلمين
لا يقتصر الأمر على إتاحة المجال أمام المسلمات للسباحة، بل يحاول الرجال المسلمون أيضا الحصول على ساعات خاصة للسباحة، لا يسمح فيها للنساء باستخدام المسبح، ويكون على جميع الرجال الموجودين ـ وإن كانوا من غير المسلمين ـ أن يرتدوا لباساً شرعياً يغطي من السرة إلى الركبة.
هذا ما حدث بالفعل، فبحسب صحيفة (ديلي ميل) فقد أتاح مركز ثورنلي هيث الترفيهي بلندن ساعتين بعد ظهر يوم الأحد للرجال، تمنع خلالهما النساء نهائياً.

وقد حذا مركز "كليسولد" الترفيهي شمالي لندن حذو سابقه.
وقد أثار هذا الأمر استياءً كبيراً لدى الكثيرين ممن اعتبروا هذه السويعات إعلاناً عن نفوذ الإسلام وسيطرته، لا أنها مجرد حق طبيعي في ممارسة الرياضة بما لا يتعارض مع معتقد الإنسان.
وفي مقاطعة أوترخت الهولندية لم يكن تخصيص أوقات في مسبح المدينة أمراً خاصاً لتلبية حاجة المسلمات، بل لقد تم تخصيص مساء الاثنين لدروس السباحة الرجالية تلبية لحاجة الرجال المسلمين.
بعض اشكال المايوهات المحجبات التى انتشرت:

كنت عاوز اوثق الخبر بالصور بس نسيت وانا بنقل الخبر من زمان انقل الصور
عقبال عندنا خبر قديم




الاثنين، 5 يوليو 2010

رسائل موبايل


السلام عليكم
انا هكتب موضوع غريب شويه على اسلوب قلب فارس
وياريت ماالاقى معارضه من اصحاب المعارضه فقط
ولو اللى يعجبه الموضوع يشكرنى ايوة يشكرنى من لا يشكر الناس لا يشكر الله
واللى مش يعجبه الموضوع مش يعلق
ههههههههههه
بضحك
ياعمى لو عاوز تعلق وتشتمنى عادى ياعمنا
اللى انت عاوز تعمله اعمله
مـــــــــــوضوع عباره عن رسائل موبايل
ياريت كل واحد يستخدم الرسائل دى فى محلها
يعنى الشاب يبعته لخطيبته وهما مخطوبين قبل مايتجوزوا لانهم هيشوفوا الغم
ههههههههه
يعنى الولد يرسلها للولد
والبنت ترسلها للبنت
علشان مش اخد ذنبها او ذنبه
وانا برئ من كل اللى يستخدمه فى الطريق الخطأ
1
. هديك شيك بمليون بوسة أصرفه من بنك حبي شارع قلبي الدور الأول من روحي


2. سألت العسل مره مالك زعلان ليه ,,قال حبيبك سرق اسمي


3. رسايل جتني ومافتحتها ورسايل جتني ومسحتها إلا رسالتك في قلبي حفظتها


4. يوم تحس بضيق وانك حزين والدمعة تنزل من عيونك اتصل اعطيك مناديل


5. أنت مطلوب في شرطة الحب بتهمة سرقة قلبي ولاتطلع إلا بكفالة قيمتها 1000 بوسه


6. أرسلتلك ملاك يحرسك رجعلي الملاك وقال: الملاك مايحرس ملاك!!


7. خمسة ولهانين عليك..!!قلبي..وعقلي..وعيوني..وروحي..وأنا


8. ابتسم ابتسم شوى ابتسم بعد شوى احترق الفلم من حلاك


9.








شفت الفراغ اللي فوق ؟ هذي الدنيا بدونك..


10. انت وأنا شجرة توت,انت فرع ذهب وأنا فرع ياقوت,والى يفرقنا يارب يموت


11. انت الجمال انت الدلال انت الغزال انت عشرة منك بريال


12. انت شمسي انت همسي انت حاضري وامسي انت عندي اغلا من البيبسي


13. مدرسه تقول لطفل عد للخمسه بعطيك بوسه وقال اعد للعشرة تطلعين معي


14. االبريد الوارد صندوق الحفظ الأرشيف كلهم مشتاقين لرسايلك يالغالي


15. الكواسر .... الجوارح .... البواسل .... وقريب ترقبوا . العوازم !


16. تمنيت أن أكون دمعه حتى أولد في عينيك وأعيش على خديك وأموت عند شفتيك.


17. بردان : بوسه تدفيني ،،، مشتاق: صوتك يكفيني ،،، مظلوم : شوفتك تواسيني


18. س:أعرب الهواء ؟ ج:فاعل مرفوع بقلة أدب يرفع فساتين البنات من غير سبب


19. صعيدى بيتمشى في حديقة الحيوانات شافوه القرده قالو يلعن أم الواسطه


20. سأظل احبك وأن طال انتظاري فأن لم تكن قدري فقد كنت اختياري


21। الزوجة تحب أربع حيوانات الدب تركبه والغزال تلبسه والنمر تنام عليه والحمار الي يشتريلها

وانتظروا المزيد فى الايام المقبله

السبت، 3 يوليو 2010

حلم تائب الجزء الرابع


السلام عليكم
اتمنى ان تشارك فى التصويت فى استطلاع الراى
قصه حلم تائب
عبارة عن موقف من الجزء الثانى لفيلم عزازيل
الذى انتجته قناه فور شباب الرائعه
وهو عبارة عن شاب احذ يفكر فى طريق التوبه قبل النوم بسبب دكتور اثر فيه بعد معرفته
وهذا الرابط الجزء الاول من الموقف وهو يتكلم عن الموت
اضـــغط هنــا
الجزء الثانى من الموقف وهو يتكلم عن اصحاب النار والمنافقين
اضــغط هنــــا
الجزء الثالث من الموقف وهو يتكلم عن اصحاب الاعراف
اضــغط هنــــا
______
بعد ما خرجت من النار وبعدت عن النار
وبعد مامررت بااصحاب الاعراف ।فحمدت الله انى بعدت عنهم
فلا اريد ان اكون مع اصحاب الاعراف فسوف ادعى اللى الله وامر بالمعروف
ولا اريد ان اكون مع المنافقين فسوف اقول مابداخل قلبى
ولا اريد ان اكون مع اصحاب النار فسوف اعمل الصالحات
....
وبعد ما ذهبت بعيد عن اصحاب الاعراف والنار
شاهدت منظر جميل انها شجره وانا منهك جدا جدا
سوف اذهب لاستظل تحتها....
فقلت الحمد لله ان الله جعلها لى لاستظل تحتها الحمد لله اشكرك يارب فجعلت ابكى واقول يارب ارحمنى واغفر لى
فسمعت صوت من رب الرحيم يقول هل عسيت أن تسألني غيره
فقلت لا لا الحمد لله اليك يارب الحمد لله انك رحمتنى فجعلت لى هذه الشجرة لاستظل تحتها ।
فنظرت الى اخر نظرى فوجدت شجرة اخرى جميله فطمعى كاانسان
فقلت أي رب قدمني إلى هذه الشجرة فأكون في ظلها وآكل من ثمرها
فسمعت ايضا ।هل عسيت إن أعطيتك ذلك أن تسألني غيره.
فقلت لا يارب سوف استظل بهذه فلن اطلب شئ اخر
فنظرت ايضا وانا بااكل من ثمار هذه الشجرة فوجدت شجرة يوجد تحتها ماء وثمار وظل اكبر
فقلت । أي رب قدمني إلى هذه الشجرة فأكون في ظلها وآكل من ثمرها وأشرب من مائها.
فسمعت الصوت ايضا يقول هل عسيت إن فعلت أن تسألني غيره
فقلت ।لا يارب لن اطلب غيرها اريد فقط ان اشرب من ماءها واكل من ثمرها واستظل بظلها
فنظرت ايضا الى اخر نظرى
فيالله ماهذا انه باب الجنه يالله اريد ان اذهب اليه
فقدمنى الله برحمته وعزته
فدخلت فقلت يارب هل هذا لى
وجميع الناس نزلوا منازلهم وااخذوا اخذتهم
فقال لى أترضى أن يكون لك مثل ملك ملكٍ من ملوك الدني
فقلت نعم يارب رضيت
فقال لك ذلك ومثله ومثله ومثله
فقلت فى الخامسه رضيت يارب
فقال فيقول هذا لك وعشرة أمثاله। ولك ما اشتهت نفسك ولذت عينك
فقلت رضيت يارب
ومن اعلى اهل الجنه منزله
قال اولئك الذين اردت غرست كرامتهم بيدى وختمت عليها فلم تر عين ولم تسمع اذن ولم يخطر على قلب بشر وقال ومصداقه فى كتاب
فقلت فى سرى اذا انا ادنى اهل الجنه منزلا
نعم ادناهم منزلا
فااخذت افكر كثير فى نعيم الجنه والقصور و
النساء الحور
فسمعت صوت التلفون يرن عليا فاستيقظت من النوم وسمعت اذان الفجر
فذهب الى الصلاه
وبعدها ذهب لحضور حلقات المسجد وجلسات ذكر الله
وذهبت الى الصحبه الصالحه تشجعنى على الخيرات والطاعات
اتمنى ان تنال اعجابكم تاليف

مــــدونة قلب فارس

الجمعة، 2 يوليو 2010

ورجعنا لمدونة مش فاضى

السلام عليكم ورحمة الله وبركاته
مدونة مش فاضى
هى مدونة لنقل المواضيع (التدوينات) من على المدونات الاخرى ووضعها فى مدونة مش فاضى
مع حفظ المصدر
لنشر المنفعه بين المدونين
مـــــدونة مش فـــــاضى اضــغط هنا

نرجوا من سيادتكم ابداء ارائكم فى التعليقات فى مدونة قلب فارس او التعليقات على مدونة مش فاضى




مـــــــــــــــــــدونة مش فاضى
http://meshfade.blogspot.com/