عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الخميس، 27 مايو 2010

ذكر البط واحنا بنذبحه بيفكرنى.. بالحزب الوطنى فى هذه الايام..

ورجعنا تانى قبل الامتحان بثلاث ايام
ومبروك للاهلى والله كنت عاوز الزمالك يفوز علشان يفرحوا لله مرة واحد...
...
طبعا هتستغربوا من العنوان شويه لا مش تستغربوا فهو صحيح الحزب الدكتاتورى بيفكرنى بذكر البط لما دبحناه
.توضيح ...
ذكر البط قبل ما ماما تذبحه مش كان قادر يمشى (كان اعرج) واحنا ريحين نمسكه مش كان قادر يجرى فمسكناه بسهولة( بس لما فكرنا نمسكه) وبعد كده دبحناه.قفز قفزة فظيعه وكان بيجرى والمصيبه حاول يطير
ولا كأنه مذبوح وبيجرى
و قبل ما كان مذبوح مش كان قادر يشمى ومسكناه بسهول....
طبعا حتى الان بتقولوا مش ذكرت الحزب الوطنى فى اى شئ ..
لا الحزب الوطنى زى ذكر البط بالضبط
ازاى
طبعا كلنا نعرف فى هذه الايام .كيف ثار الشعب المصرى فى وجه الحكومة ..
والدليل على كده الاعتصامات امام مجلس الشعب .. والمظاهرات للنواب امام مجلس الشعب ... وكمان مظاهرات شباب 6 ابريل..والكثير الكثير.. والمصيبه الكبرى ان الاخوان رشحوا 14 واحد فى مجلس الشورى ..
الحزب الوطنى بيندبح دلوقتى فبيبدأ ضرب كل المتظاهرين بيد من حديد ..
والدليل على كده كتير كتير
الصور اللى عرضتها
مدونة لسه عايش
وكمان جريده اليوم السابع
وكمان التلفزيونات
...
هقول بقى التشابه
1. ذكر البط قبل مانذبحه كان بيعرج
1. الحزب الوطنى كان قبل كده بيعرج
2.ذكر البط اخرج كل قوته لما دبحناه ومش عاوز اقول ان هو طار
2. الحزب الوطنى نفذ كل قوته فى هذه الايام وبدا بضرب الناس من يد من حديد لترهيب الناس ( لانه يبذبح فى هذه الايام ) بدا بضربهم فى المظاهرات ووايضا مراقبه نواب الشورى امام بيوتهم نعم امام بيوتهم .. والدليل على ذلك فى قريتى الاستاذ عيد دحروج مرقبينه امام البيت 24 ساعه علشان اول مايطلع من البيت المخبرين( وعلى رائ مدونة طبيب اطفال امجنى) المخبرين يبلغوا المركز والمركز يعرف ان ا.عيد سيذهب الى اي بلد وبعدين يذهب الامن ومعه سكنه عسكريه يحاصر البلد من جميع النواحى مثل ما عمله فى فاقوس وحاصروا قرية سواده اضغط هنا وكمان فى ابوكبير اضغط هنا
3. ذكر البط مات
3. وبااذن الله الحزب الوطنى هينشال هينشال ويتخلى عن الرئاسه
ومع الف سلامه
يمكن تكونوا مخالفينى فى الامر
ولكن هذه وجه نظرى

11 فــارس وكــتب تــــعــليـق:

غير معرف يقول...

هينشال هينشال باذن الرحمن


وابقي سلملي علي ذكر البط !!!

بلال عادل رجب. يقول...

الرد على غير معروف
السلام عليكم
ياريت كنا نعرف اسمك
واتمنى من كل الزائرين المعلقين ان يكتبوا اسماءهم فى اخر التعليق
...
ووالله يسلمك ياسيدى

أنا - الريس يقول...

ميه مسه علي الفارس وقلبه ..

بالعكس دكر البط له لازمة

الحزب الوثني قصدي الوطني ملوش

الحكومة الآن تخشي الشعب بشده

وترتعد من بكره

لذا

الضرب اشتغل

مع ان الضرب في الميت حرام

وللميت حرمه

بس للأسف مصر عمرها ما هتموت

وان شاء الله

مصر للمصريين وليس للمستفيدين الشرذمة

القلائل ولاد القلائل طبعا ان مش قصدي حد

AHMED SAMIR يقول...

الاتنين بيندبحوا
و الاتنين بيفرفروا

بلال عادل رجب. يقول...

MR.PRESIDENT
نعم مصر للمصرين فقط لاغير
وجزاك الله خير على المشاركة

بلال عادل رجب. يقول...

AHMED SAMIR يقول...
بااذن الله هينذبح
وهيفرفر
وان شاء الله يبعد بعيد عن الحكم
كل احترامى وحبى وتقديرى

احمد هلال محمد عوض يقول...

ما احلى هذا الموقع الرائع الجميل الذى ليس لهو مثيل ارجو من اللة ان يرزقك بذكر البط الرائع @اخوك احمد هلال

احمد هلال محمد عوض يقول...

اللة اكبر على يديك ورجليك واذنيك ارجو من اللة ان يوفقك الحاج|عيد دحروج @#@# احمد هلال

ماجد العياطي يقول...

المشكله ان دكر البط في اوهن حالاته

افضل من حالتنا احنا

لاننا بنعرف نمشي بس واقفين مطرحنا

لكن البطه زي ماانت قولت كانت على الاقل

بتجري وهي عرجه وكانت بتحاول

خاطره غريبه شويه بس حلوه وفي الجون

يامعلم

ومبرووك للاهلي مره تانيه

وفقك الله

جلال كمال الجربانى يقول...

السلان عليكم

ويسمع منك ربنا

ودمت بخبر وفارس

انا مش معاهم يقول...

ههههههههه

حلوه حكايه البط وافرفره دي

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )