ياا ماما انا خايف

السلام عليكم ورحمه الله وبركاته
لا مش تخاف من الشكل ده ...
لا لا ..
انت خايف من اللى عمل فيه كده ...
لالا ..
مش تخاف ..
مش وحش من الوحوش اللى بتسمعها فى الافلام الرعب ..
وكمان .
مش شبح من الاشباح اللى بتسمعها فى الافلام الرعب والاشباح ..
وكمان ..

مش اسد ولا نمر وحشى ولا ذئب ولا دب اللى عمل فيه كده..
اقلك مين ..
واحد من البشر اللى عمل فيه كده
تقلى والله انت كذاب . الانسان مش يقدر يعمل كده
اقلك.والله واحد والمصيبه الكبرى واحد مصرى اللى عمل كده.
والمصيبه الاكبر ان احنا واضعينه فى منصب للحفاظ علينا .
والمصيبه الاكبر ان هو مسلم والصورة دى اللى انت قرفان تشوفها او خايف منها ده مسلم كمان .
وحش وشبح متنكر فى شكل انسان.
انت بقى بفهلوتك تقلى ..
يااااااااه تلاقيه عامل مصيبة كبيرة علشان اللى حصل فيه كده .
انا اقلك
لا والله.
دا قال للظابط احمد عثمان فى قسم سيدى جابر بالاسكندريه او للمخبرين مش اليكم تفتشونى .
فامسكوه وعملوا فيه كده.
فعلى طول تفتكروا الكلمه اللى قالها الرئيس محمد حسنى مبارك فى مجلس الشعب اعقاب مباراه مصر والجزائر.وهو بيقول . كرامه المصرين بالخارج من كرامه مصر .
والمنافقين بتوع الحزب الواطى فى المجلس يصقفوا اليه كتير كتير
وعلشان تفتكروه صح الفديو اهو

___________________________

___________
واعلق تعليق بسيط على كلامه وانبهكم بحاجه ..
الريس لما كان بيقول كرامه المصريين بالخارج وليس بالداخل .
ياريت تكونوا فاهمنى

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى

بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف