عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الأحد، 13 يونيو 2010

يا شعبي حبيبي يا روحي



يا شعبي حبيبي يا روحي يا حبيبي ياحاطك في جيبي يابن الحلال

يا شعبي يا شاطر يا جابر خواطر يا ساكن مقابر وصابر وعال
يا واكل سمومك يا بايع هدومك يا حامل همومك و شايل جبال

يا شعبي ياللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال
واحبك تأيد تعضد تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل لي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك وأذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

12 فــارس وكــتب تــــعــليـق:

-_- يقول...

دي من الروائع على فكرة و في برضة قصيدة حمامة السلام .. روعة

♥ ♥ Amira Samy ♥ ♥ يقول...

بجد راااااائعة

حسبنا الله و نعم الوكيل فى كل ظالم
وجبار يا ظالم منك لله

تحياتى لك

أنا - الريس يقول...

أحمد فؤاد نجم إن شخصه مش محترم .. فكلماته رائعة وازجاله اروع ..

أنا - الريس يقول...

أحمد فؤاد نجم إن شخصه مش محترم .. فكلماته رائعة وازجاله اروع ..

سجود يقول...

السلام عليكم
حسبنا الله ونعم الوكيل
انا بدون تعليق مش هقول غير قول الرسول صلي الله عليه وسلم
اتقوا الظلم فان الظلم ظلمات يوم القيامه
ولو تسمح لي اخد صورة شهيد قانون الطوارئ

زهرة(جنى)الاسلام يقول...

السلام عليكم
بجد كلمات رائعة وبتوضح مدى المأساة
اللى بيعشها الشعب المصرى

العلم نور يقول...

حسبنا الله ونعم الوكيل .. فالظلم طغى فعلا وطفح

(ست* جنى* الحسن) يقول...

سلامو عليكو..
الله يحرق قانون الطوارىء اللى يعمل فلى ولادنا كده.
كلمات مميزة واحساس واضح.
الله يعزك ويثبتك.
لك تحياتى

المجاهد الصغير يقول...

السلام عليكم
حسبنا الله ونعم الوكيل
اللهم انصر الاسلام والمسلمين وارفع رايه الحق والدين
جزاكم الله خيرا
وفقكم الله

ماجد العياطي يقول...

جميل جدا يابو الفوارس

انك افتكرت نجم واشعاره المعبره عن الاسى

اللي احنا بنعيشها

معلش ياصاحبي انا مقصر في حق مدونتك

تحياتي

غير معرف يقول...

ان الله لا يغير ما بقوم حتي يغيروا ما بانفسهم

غير معرف يقول...

مفيييييييييييييييش فايدة

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )