عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الاثنين، 28 يونيو 2010

اظن اننى اعيش فى سن الطفوله


السلام عليكم ورحمة الله وبركاته.
(اتمنى ان تشارك فى مستطيل الدردشه الموجود فى يمين الشاشه وهو بعنوان كيف ترى مصر فى هذه الايام .ومن رئيسها القادم)
اظن اننى اعيش فى سن الطفوله
حيث كثرة السؤال وبراءة الاطفال وعقل الصغار ...
كثرة السؤال التى لم اجد لمعظمها حلول
وبراءة الاطفال التى تثق فى كثير من الاصدقاء
وعقل الصغار التفكير فى الخيال ونشر الخير لجميع الناس
اظن ان هذا الموضوع (البوست) هو الرابع او الخامس من نوعه الذى يبدا
بـــــــ لمـــــــــاذا
وهذا الموضوع لا يخف بااحد...
لمــــاذا عندما امسك مصحف فى الميكروباص واقراء الذى بيجوارى يظن اننى من الاخوان.
لمـــاذا . عندما امسك المصحف فى الكليه اصدقاءى يقولون لى انت من الاخوان.
لماذا .عندما امر بالمعروف وانهى عن المنكر فى اى مكان يقال لى انت من الاخوان.
لمــاذا . عندما اتحدث عن شئ فى السياسه يقال لى انت عاوز تدخلنا السجن ولا ايه. انت من الاخوان .
لماذا السياسه طعمها وحش ولا هروين ولا بانجوا.
لمــــاذا اذا وضعت صورة الامام القرضاوى والدكتور بديع وشرفاء مصر على مدونتى يقال هذه المدونة لاخوانى ..
لماذا يقال لى هذا .
هل لا يوجد احد من غير الاخوان يتحدث فى هذا .
هل وصل بنا دنى الثقافه والفكر حتى اى احد يتحدث فى اشياء مفيده يقال عليه انت من الاخوان.
اقسم بالله انه يوجد اناس لا يمشون مع الاخوان افضل من الاخوان عند الله .
وهذا الموضوع لا يخف بااحد سواء كان من الاخوان او غير الاخوان.


20 فــارس وكــتب تــــعــليـق:

| فارســ الأندلســ | يقول...

سلام عليكم.........
كلام صح اوي وفي الصمييم
جُزيتم خيرا يااخ بلال

Unknown يقول...

الاخ بلال
واضح انك هاتوصل بدر ؟؟؟
يا حبيبي انت لسة امامك مستقبل باهر ..
لية تدخل هذة الدائرة برجلك .
ماشي خلي قلبك الفارس بقة ينفعك ....ههههههه
امزح معك طبعا ...
ربنا يوفقك
ملحوظة علي فكرة اعتقد ان المشاركة في الدردشة انتطرحها علي يسار الشاشة وليس علي يمينها كما كتبت انت عدة مرات..
والله حاولت اشفها علي اليمين لم استطع الا من خلف الشاشة هههههه
تحياتي لك
م / علي يونس

بلال عادل رجب. يقول...

الرد على فارس الاندلس
جزاك الله خير على الزيارة ياشيخنا الفاضل

بلال عادل رجب. يقول...

المهندس
ali younes
لالا مش هوصل والله
المستقبل مش باين اوى فى ظل الظروف التى نعيش فيها
وجزاك الله خير على الزيارة
اما بخصوص الدردشه
فهى على يمين الشاشه
وعلى يسار القارى
وثانيا
جزاك الله خير على الزيارة والمدونة نورت

Mahmoud Ahmed يقول...

اعمل الصح و خليك في طريقك انت الى انت راسمه لنفسك
و ابعد عن دوووول و عن دوووول كمان
خليك في حالك يحتار عدوك فيك ^___^

ربنا يوفقك

أنا - الريس يقول...

أقولك حاجة
وفيها ايه لو انت من الاخوان
دا شيء يشعرك ويخليك تقول لماذا
انا عارف ناس كتير فيهم محترمين
لكن مش عارف ليه الأخوان بيكون ليهم شكل مميز
لو انت اللي بتعمله غلط أقولك انك تقول اشمعني
لكن مادام كل افعالك صح في مجتمع اصبح الصح مستنكر
فاحمد ربك

بلال عادل رجب. يقول...

الرد على
سبايدرمان
حاضر انا هعمل الصح
بس كان نفسى اعرف مين دول ومين دول
وانا لا اعترف بهذه الجمله خليك فى حالك يحتار عدوك فيك

بلال عادل رجب. يقول...

الرد على
MR.PRESIDENT
انا قلت هذا الكلام لا يسئ لذاك ولا ذاك
فشئ يشعرنى بالفخر اننى من الاخوان او غير الاخوان
مادام باامر بالمعروف وانهى عن المنكر واعمل الصحيح واصحابى محترمين
فالحمد لله
وهسير فى طريقى

راجية الرحمه يقول...

حضرتك لو بصيت بصوره اوسع شويه
هتلاقى ان الناس مش بتسيب حد فى حاله
لا الكويس ولا الوحش
فمدام حنا كدا كدا مش متسبين فى حالنا
يبقى نعمل اللى احنا شايفينه وشايفه المجتمع انه صح وينطبق على عادتنا و تقاليدا وعرفنا
ومش الاخوان بس هما اللى ملتزمين يعنى فى البلد
فى ناس كتير كويسه بفضل الله

هو حضرتك بقى من الاخوان ؟

مدونه هنا السناهره يقول...

الله ينور
ارجو منك زياره مدونتا وابداء رايك في المدونه

حياتى نغم يقول...

السلام عليكم ورحمة الله وبركاته
ان كانت هذه الطفولة فلتحيا الطفولة

واسمحلى اشاركك طفولتك

لماذا الانسان المنمق المهذب اللبق البشوش الايجابى الفعال المحب للجمال والنظام والنظافة المتحدث الموهوب يتصف ويتهم بحب الظهور

وما اكثر ظلم الانسان لأخيه الانسان

أما أن يقال انك من الاخوان ولست منهم على امور راقية تقوم بها فهو الخير والله

فينا وليس منا ومنا وليس فينا .

خالص تحياتى

موجة يقول...

كلام جميل فعلا وعندك حق
خالص تحياتي
موجة

موجة يقول...

ربنا يحققلك كل اللي نفسك فيه

بلال عادل رجب. يقول...

الرد على
راجيه الرحمه
ايون الناس مش بتسب حد فى حاله بذات لو الواحد اللى عارف طريق ربنا
اما السؤال اللى بيقول حضرتك من الاخوان ولالا
فااقول لو لم اكن منهم لو دت ان اكون منهم

بلال عادل رجب. يقول...

الرد على
حياتى نغم
نعم مااكثر ظلم الانسان لاخيه الانسان

ساسو يقول...

عندك حق والله
كلامك كله صح


ياريت تنور مدنتي

افروديت يقول...

أولآ أذا افرض حتي وكنت من الأخوان فهذالايعيبك فكل أنسان من حقه أن يختارأنتماءاته السياسيه سواء لجماعة أو حزب ولكن أيضآ هذا يكلفك دفع الثمن أذا كان أنتماءك لحزب او جماعة غيرالحزب الذي يحكم بلدك..ولكن عندما تمارس أي شيء تعودت عليه أو تقرأورد في أي مكان لاتهتم بنظرات الناس ولا كلامهم..فكثيرآ مايسيئون التقدير..تحياتي ليك

بلال عادل رجب. يقول...

الرد على
ساسو
الله يخليك
دا انتى اللى نورتى

بلال عادل رجب. يقول...

الرد على
افروديت
نعم هذا لا يعيبنى وانا قلت هذا الكلام
وانا لا اهتم بنظرات الناس
ولكنى احببت ان انبه على هذا

♥ ♥ Amira Samy ♥ ♥ يقول...

السلام عليكم
اكيد فى ناس كتير كويسة من
الأخوان ودى شىء طبيعى
بس الناس بتقول على كل ملتزم
اخوان لانهم يظنوا ان الأخوان
ناس غريبه لأنهم بيقرأو قرأن و
بيأمروا بالمعروف و ينهوعن المنكر
بس لية مش كل الناس تكون دة
سؤال
هو حضرتك من الأخوان ؟؟؟؟

تحياتى لك و اعتزر عن التأخير

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )