عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الأربعاء، 4 أغسطس 2010

رمضان قرب

بسم الله الرحمن الرحيم

اخواني واخواتي .. السلام عليكم ورحمة الله وبركاته

باقي من الزمن ايام قليله.................

يا ترى صحينا ولا لسة في العسل نايمين؟!!!! يا ترى فقنا ولا لسة غافلين ؟!!!!! يا ترى استعدينا ولا لسة مكسلين؟!!!!!!!!!

ها .. عملنا خطة لرمضان ولا لا؟؟ طيب ناويين نعمل ولا لا؟؟ طيب بنفكر ننوي اننا نعمل ولا لأ؟؟

طيب ناويين نصوم رمضان السنة دي ولا زي كل سنة ؟!!! عارفة هتقولوا ما احنا كل سنة بنصوم .. لا ..لا..وكمان لا .....

يا جماعة احنا عايزين نصوم رمضان السنة دي بجد ...مش مجنون ولا بخرف.. لا انا واعي بكل كلمة بقولها... مش عايزين صيامنا يقتصر على الامتناع عن الاكل والشرب فقط .. لا احنا عايزين نصوم بكل جوارحنا .. احنا بنصوم عن المباحات يبقى الاولى نصوم كمان عن المحرمات ولا ايه؟؟؟؟

عايزين نتوب في رمضان توبة صادقة ومتقولش ربنا مش هيقبلني .. خلي عندك حسن ظن بربنا ومتنساش الاية الكريمة اللي بتقول"قل يا عبادي الذين أسرفوا على أنفسهم لا تقنتوا من رحمة الله إن الله يغفر الذنوب جميعا.." وركزوا اوي "ان الله يغفر الذنوب جميعا" وركزوا كمان "جميعا"

عايزين نفتح صفحة جديدة مع ربنا في رمضان .. عايزين رمضان يبقى ميلاد جديد لكل واحد وواحدة مننا .. عايزين رمضان يبقى نقطة تحول ..

يا جماعة مش عايزين رمضان يعدي الا ونكون استفدنا منه اقصى استفادة .. على الاقل منخرجش منه الا ونكون اكتسبنا طاعة جديدة واتخلصنا من معصية ..

وافتكروا حديث الرسول (صلوا عليه) صلى الله عليه وسلم "خاب وخسر من أدرك رمضان ولم يغفر له"

وتخيلوا معايا ان في اوكازيون اتعمل لسلعة معينة احنا متعودين نشتريها طول السنة ايه اللي هيحصل؟؟؟ اكيد هيكون الاقبال عليها كبير صح؟ اكيد كل الناس هتشتريها وتقول (فرصة) صح؟ اكيد هنجيب منها كميات كبيرة ونخزنها ونقول (اصل الفرصة مش بتيجي الا مرة واحدة) صح؟؟؟

طيب خلونا نسأل نفسنا عن السبب .. ليه بنقول كده مع ان السلعة دي قدامنا طول السنة ؟؟ ليه بنقبل عليها في الوقت ده بالذات مع انها متوفرة في الاسواق في كل الاوقات؟؟؟ ...... اقولكوا انا .. احنا بنعمل كده لانه اوكازيون .. يعني نفس السلعة بس عليها تخفيض صح؟؟

بالظبط رمضان .. اوكازيون .. ايوة اوكازيون بنعمل فيه نفس الطاعات اللي بنعملها طول السنة لكن بأضعاف اضعاف الثواب ... وبرده رمضان (فرصة) وبرده (مش بيجي الا مرة واحدة) صح ولا انا غلطانة؟؟؟

طيب ليه منقبلش عليه برده؟؟ نقبل عليه بالطاعات .. بالعبادات...بالصدقات .. بالصيام والصلوات ....... بترك الشهوات ......................

الاخوة الافاضل والاخوات الحلوات ... هتفق معاكوا اتفاق بس بشرط .. اللي موافق عليه يبلغني برسالة خاصة في موقعي او بتعليق على السؤال ده المهم اعرف .... بصوا .. هنعاهد ربنا ان كل واحد وواحدة فينا مش هيخرج من رمضان الا وبقى انسان جديد .. في كل حاجة .. في تعاملاته .. في عباداته .. في خلواته .. في كل حياته (وطبعا التغيير يكون للأحسن) .... والله أعلم مش ممكن يكون ده اخر رمضان في حياتنا؟ ليه نضيعه؟؟؟؟

ونخلي نيتنا نصرة الاسلام لان زي ما كلنا عارفين "ان تنصروا الله ينصركم" .. نحط لنفسنا شعار (إن الله لا يغير ما بقوم حتى يغيروا ما بأنفسهم)

يا جماعة عايزين في الـ 3 ايام دول نكون حطينا خطتنا وبدأنا في تنفيذها كمان لو قدرنا ..

وطبعا اللي هتوصلني منه رسالة انه معايا في حملة التغيير دي هنتفق مع بعض على خطة مشتركة ننفذها كلنا بحيث نشجع بعض وناخد بإيد بعض تمام؟

يلا مستني مشاركاتكوا ورمضان كريم

3 فــارس وكــتب تــــعــليـق:

أنا - الريس يقول...

كل سنة وانت والإسلام طيب
ولعل الله يتقبل
وفعلا لازم نحسن الظن بالله .
ربنا يخرجنا من رمضان القادم مغفور
لينا
قادر يا كريم
تكرم يا قلب الفوارس
وتذكر أن كل كلمة من القرآن أخذت عليهم حسنات وكذلك الحديث وكذلك النصح :) بحسد ياعم
أقصد بغبطك

بالتوفيق

بنت الاسلام يقول...

السلام عليكم ورحمة الله وبركاته

رمضان هو موسم المؤمن
الحسنات فيه مضاعفة
فلابد ببعاقل أن يغتنم هذا الشهر الكريم فى الطاعات حتى يرضى رب الأرض والسماوات

جزاكم الله خيرا

ساسو يقول...

كل سنه وانت بخير
ورمضان كريم

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )