عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الثلاثاء، 14 سبتمبر 2010

كنت اتمنى ولم اعد اتمنى .. لما رائيته

السلام عليكم ورحمه الله وبركاته ...
من باب المثل الشعبى " اللى يشوف مصيبه غيره تهون عليه مصيبه نفسه " ..
انا شاب عمرى 18 سنه وحيد اى انا الولد الوحيد لبابا وماما .. كنت اتمنى ان يكون لى ولد اخر حتى يمارس معى هوايتى المفضله .و ان يكون اصغر منى بسنه او سنتين حتى يفهمنى وافهمه .. وكنت لما اشوف اصدقائى ماشين مع اخواتهم ويلعبوا مع بعض كنت بحسدهم على حبهم لبعض ودفاعهم عن بعض ...
ولكن عندما كبرت او فى سنى هذا وفى وقتى هذا ... انقلب الحال الى حال ... لا لا لا
ليس بسبب الجيش ... لا لا لا لا

ليس بسبب ذاك ولا ذاك
ولكن بسبب الذى رايته
...
اليكم ماحدث
فى ايام العيد
كنت اشارك ابى فى مواصله صله الارحام وعند سيرى معاه فى الطريق كنت اساله عن ذاك وذاك وماهو وماهى معاملاته وهل هو محترم ام انه غير ذاك ... هل اشاركه فى عمل ام لا ...
كانت كل هذه الاسئله اسئله ايها ...
الا سؤال واحد ماهى معاملاته مع اخوته "اشقاءة "
فبعد سيرى الطويل معه ...
رايت رجل يقف فى اخر الطريق الذى كنا نسير فيه رجل كبير فى السن يفوق سنه 60 .. اظنه وقف الى احد اخر ولكنه وقف الينا يسلم عليا وعلى ابى
الرجل الغريب .. ازيك ياعم الحج كيف الاحوال
بابا .. الله يسلمك كل سنه وانت طيب ..
الرجل الغريب .. وانت طيب عملت ايه فى الطلب ده
...
بابا .فقال والله خلاص هما قالوا استنى بقى لما احنا الاربعه نتفق ..
الرجل الغريب .فقال طيب انا هروح ارفع عليهم ...
فلم يلفت انتباهى لهذا الكلام ولكن بعد رد بابا بقول
بابا .. اللى انت عاوزة اعمله اعمله بس الخلاف اللى بينكم هما عوزين يجيبوا من اول ماابوكم مات لعند دلوقتى اما انت عاوز من حته معينه
فبعد هذا الرد لفت نظرى واستغربت وقلت مشكله اخوات يااااه يروح يرفع قضيه على اخواته .. ليه
فبعد ذهبنا بعيد عن هذا الرجل فقلت لبابا
ايه مشكله اخوات
قال اه
قلت ياااه يرفع قضيه على اخواته
فقال انت تحمد ربنا ان مش اليك اخوات
وبعد هذا الموقف ليس بكثير بمده لا تزيد عن ساعه او نصف ساعه تقريبا نفس الحال
بابا . بيكلم واحد ..
بابا .. هاا اخواتك عاملين ايه
الراجل اهو ياعم الحج بياكلوا ويشربوا ..
صراحه استغربت
بابا .. مش فيه اى تقربات
الرجل لا احنا كده قطعنا الميه والنور من ناحيتهم
بابا ربنا معاكم
.....
فقلت لبابا حتى ده متخانق مع اخواته
بابا .. قال اه عااادى على ان هى كلمه عاديه
قلت يااااه عاادى كده
قال يابنى وانت لسه شفت حاجه اكثريه البلد كده ...
فقلت الحمد لله
وبعدها انقطعت سيرة ان كنت اتمنى ان يكون لى اخ
الحمد لله يارب ان مش فيه لى اخ
فتذكرت قصه قابيل وهابيل
قلت ياااه المشكله من قابيل وهابيل
حتى الجيران والاخوات وحتى الدول العربيه
يااارب يهدى
للتذكره
"صوابع يدك مش زى بعضها "

8 فــارس وكــتب تــــعــليـق:

أنا - الريس يقول...

الشيخ مبروك قال كلمة " احنا مفكرين صلة الرحم يا إما سمنه علي عسل يا أم مفيش كلام

صلة الرحم لو واحد اذيني اذيك الله يسلمك عامل ايه الحمد لله "

دا علي فكرة عشان الناس بعدت عن الدين وخصوصا المعاملات من الدين

ربنا يرحم الجميع .
ويهدي الجميع

قادر يا كريم .

أنا - الريس يقول...

واجب اختياري لو مكنتش حليتووه لمعرفة إطلاعتكم فلو عايزين تحلو خير وبركه ، ولو مش عايزين متقلقوش الواجب مش هيتحط في أعمال السنة .
اللي بعت الدعوه ؟
ما هي كتب الطفولة التي بقيت عالقة في ذاكرتك؟
مَنْ أهم الكتاب الذين قرأتَ لهم ؟
من هم الكتاب الذين قررت ألا تقرأ لهم مجددا؟
في صحراء قاحلة ، أي الكتب تحمل معك؟
ما هو الكاتب الذي لم تقرأ له أبدا ، وتتمنى قراءة كتبه ؟
ما هي قائمة كتبك المفضلة ؟
ما هي الكتب التي تقرؤها الآن ؟
أرسل الدعوة لمدون واحد علي الأقل من أجل مشاركتنا باطلاعهم في القراءة ؟

زمبووووووووووء يقول...

موقف للاسف يعبر عن حال كثييييييير
من الشعب المصرى وعلاقته مع بعضه
لكن اظن العيد مناسبة مهمة لصلة
الارحام وجمع الشمل

mrmr يقول...

يا ابنى انت مش عايش فى الدنيا علشان تعرف الخلافات الكتيره دى

خد من ده كتير قوى
مصارين البطن بتتخانق يعنى جات على الاخوات

ثم انت بتشكر ربنا انك مش ليك اخ بالعكس مش كل صوابعك ذى بعضها يا ما اخوات اصدقاء كتير والمحبه بينهم ليس لها حدود

وبعدين كل شئ بالمحبه تسير وتصبح على ما يرام

ربنا يهدى عبيده

عيد سعيد عليك

ساسو يقول...

تصدق بالله الاخوات نعمه من عند ربنا
اجمل ما في الوجود
الاخ يبقي سندك
مرايتك اللي بتشوف بيها الصح والخطأ

ومش كل الاخوات كده
في صحيح اخوات تحس انهم اعداء

لكن صدقني في كتير بيحبوا بعض
وبيخافوا علي بعض
ويبقوا وقت الشده ايد واحده

كل سنه وانت بخير

بلال عادل رجب. يقول...

الريس
ان شاء الله هجاوب على الاسئله قريبا جدا

بلال عادل رجب. يقول...

وكل سنه وانتم طيبيبن ياللى كتبتم تعليق

الميكروباص يقول...

أظنر إلى أي منزل أو عماره يسكن فيها عائله واحده اخوات او أقارب وسوف ترى عجب العجاب!

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )