عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الجمعة، 22 أكتوبر، 2010

اسمه ايه من قصيده البت بتعه للشاعر الفلاح امين الديب


الشيخ امين الديب شاعر المقاومة كما يحب ان يكون
مقطع من قصيده البت بتعه وهو اسمه ايه

هو انت من دوله
قوم فذ من هنا قوم فذ ماتحبسناش
بتجيب فى سيرة اسمه ايه والفجر لسه ماجاش
فاكر فى يوم اسمه ايه
يوم احتفال اسمه ايه
ساعه مامات اسمه ايه
 وجه بداله اسمه ايه
عمل قانون اسمه ايه
وبيه مخلى اسمه ايه
باشا فى أمن اسمه ايه
يقطع لسان اسمه ايه
لو جاب فى سيرة اسمه ايه
عقبال سلامه ابن ايه
ويحطه فى اللى اسمها ايه
من غير محاكمه اسمها ايه
تقعد سنين منحاش
فكرك تحوش اسمه ايه
هو اسمه ايه ينحاش
قال ياام بتعه انتى ايه
قاصدك تخلى اسمه ايه
يحبسنى فى اللى اسمها ايه
من غير محاكمه اسمها ايه
اقعد سنين منحاش
انا جبت سيرة اسمه ايه
وفرضنا قلت اسمه ايه
ماهو برضه ماغلطناش
_____________________
المطلوب منكم تفسروا لى من اللى اسمه ايه فى كل بيت

10 فــارس وكــتب تــــعــليـق:

MR.PRESIDENT يقول...

بعد السلام والتحية
أما بعد
من رئيس الجمهورية

أزيك يا فارس اتمني انك تكون بخير
أمين الديب الشاعر الفلاح الاخواني الجدع
شعره يسمع أكثر مما يقرأ زي شيطانة الشعر " أنا ناسي اسمها " بس هيا قالت قصيدة اسمها الحاجة ويطلق عليها أيضا " سيدة الشعر العامي "

تحياتي لاختيارك

قلــ"بـــلال"ــــــب فارس يقول...

سيدى الرئيس من مواطن مطحون السلام عليكم ورحمه الله وبركاته
امين الديب شاعر المقاومة والفلاح الفصيح
تحياتى وتقديرى

mrmr يقول...

؟؟؟؟؟؟؟؟؟؟؟؟؟؟؟

جميل اسمه ايه ده

محمد الجرايحى يقول...

فعلاً الفلاح الفصيح
إلقاء مؤثر جداااااا

شكراً لك ( بلال) على الهدية الرائعة

يوميات شحات يقول...

شعر جميل

سلسبيل يقول...

جميلة جداً القصيدة
تحياتى لك لحسن الاختيار

قلــ"بـــلال"ــــــب فارس يقول...

الرد على
mrmr
كلامك الاجمل

قلــ"بـــلال"ــــــب فارس يقول...

استاذى الفاضل
زيارتك لى تعنى لى الكثير
الشيخ امين الديب .
شاعر الفلاحين

قلــ"بـــلال"ــــــب فارس يقول...

انت الاجمل
يايوميات شحات

eng_semsem يقول...

الشاعر امين الدب كان منزل شريط ايام انتخابات 2005 كان جامد واعتقل بعدها وده نهاية اللي يجيب سيرة اسمه ايه على لسانه
وعلى فكره ان بحب اسمع ليه جدا

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )