عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الأربعاء، 30 مارس، 2011

قصيده 60 سنه

القصيده للمهندس احمد بوجه ابن بلدى وقريتى ....
60 سنه شايلين هموم.
60 سنه ولا حد قال لاء فى يوم
60 سنه فى اوهمنا عشنا كل يوم
60 سنه بتقول لروحنا بكرة احلى .
وبكرة كل يوم بيجى والحكايه هى هى
شايل فى قلبى كتير بحلم بيوم تغير

60 سنه بنحلم بيوم
نحلم نرجع اسمنا
نحلم رايتنا تضمنا
او حتى يرجع مجدنا
60 سنه بنحلم بثورة انتصار
60 سنه بنحلم تكون الرمله نار
نحلم بيوم يزول معاه الاعتصار
ملوك حضارة وانسانيه وأفتخار
60 سنه ننام ونحلم لبكرة انو يتغير
لحياتنا تتبدل ونتحرر
واللى كان بيقول كفايه كانت هى دى النهايه
كانوا بيسكنوا "يشلوا " لسانه
كان بيهرب بعدها حتى منامه
كان خايف أنوا يقول لاء فى كلامة
60 سنه معشتهمش كلهم
بس حاسس ظلمهم
بس شوفت أنجازتهم
قصدى شوفت تخريبتهم
شوفت ارض بتتنهب
شوفت صاحبى بيتشتم
وانتوا عارفين الحكاية
مش هقولها مالبدايه
بس هنفكركوا بيها
عيشونا فى المسلسل
كانت حكاية وخططوها مابين ايديهم
ووزعوا الادوار علينا وعليهم
 أنت تنهب وأنت تسكت وانت ما عاوزين منك كلام

كرهونا فى السياسه
عودونا عالخساسه
كانوا بيلعبوا بعقلنا الكورة الشراب
عيشونا دايما فى السراب
بنتسرق وبنتشتم
وكل مرة غصب عنا بنبتسم
كل واحد فينا فكر انو يتهزم
...........
وأتجمعوا الشباب هناك
 عملوا ثورة وانقلاب 
عملوا للاجيال دى قيمه 
عرفوا الناس القديمه
يعنى ايه كلمه شباب 
عرفوهم أن حقك لو تسأل عليه فى يوم يجيلك
وأن سكت خلاص ياعمى
مش هيرجع غير بدمى
أيوة مات خالد سعيد
ويوم شهادته ده يوم بقيمه الف عيد
مش هنسكت مالنهاردة
مش هنعيش فى الظلم تانى
شبابنا فى التحرير قالوها
كل ظالم له نهاية
وهى دى كل الحكاية
مصرى أنا قطاوى يمكن "اسم قريتنا القطاوية "
مسلم أكون أو حتى قبطى
واو سنى او حتى شيعى
بلدى أنا عاشق ترابها وحابب هواها
يابلدنا ياأصيله كونى جوانا جميله
يايبدنا سكتى كتير
وجه بقى وقت التغيير
مش هنخاف من حد تانى
من ضابط وان حتى حرامى 
مش هنتقل الضمير
.....

7 فــارس وكــتب تــــعــليـق:

mrmr يقول...

جميله يا بلال
شكرا لك ولابن بلدك وقريتك
ربى يسعدكم

MR.PRESIDENT يقول...

60 سنة متعلمين يا معلمين
بس وقت العلام خلاص انتهي .. حان وقت الدراسة اللي بجد
معدش لعب
معدش حلمنتيشي ياما حلمنتيشي
خلاص الجد جد والهزار هزار

كلمات طيبة وإن كان فيها بعض الكسور بس يمكن من طريقة قرايتي أنا ..

أنا عارف إني مقصر بس والله أنا حتي مأثر مع المدونة .. سامحني يا معلم .

ماجد العياطي يقول...

شكرا يافارس

على تشجيعك لاهلك في وجيرانك

تحياتي

محمد الجرايحى يقول...

قصيدة بليغة لخصت مشوار 60 سنة فى حياة الشعب ......

سجود يقول...

السلام عليكم
ماشاء الله جميلة
المهم اننا بقينا في حرية ومش هنخاف من حد تاني

Entrümpelung يقول...

شكرا على الموضع المتميز
Entrümpelung
Entrümpelung
Entrümpelung Wien
Entrümpelung Wien

مريم مر العمراوى يقول...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )