مذكرات مواطن مطحون ..... الاختام والايام

بقلم / مواطن مطحون جداً وزيادة فى العمل قلب فارس
المذيعة : ممكن نتعرف عليك
سيد : اسمي سيد فوت علينا بكره
المذيعة : ويا ترى اسم والدك فوت علينا بكره؟؟
سيد : لأ دا اسم الشهرة واسمي الحقيقي سيد عبد الصمد
المذيعة : أولا أحب أقولك ألف مبروك , ثانيا اذاى طلعت الأول في المسابقة دى ؟
سيد : والله في الحقيقة
المذيعة : قاطعته يلاش في الحقيقة
سيد : بصراحة
المذيعة : مقاطعة له يلاش بصراحة
سيد : والله دا بفضل ربنا
المذيعة : احرجتنى طيب باريت تقول للسادة المشاهدين إيه نوع المسابقة بالضبط؟
سيد : نوع المسابقة هي اكتر واحد بيحصل على اكبر عدد من الأختام في ورقه واحده
المذيعة : حصلت على كام ختم؟؟
سيد : الحمد لله حصلت على 9 أختام ولسه
المذيعة لسه إيه بالضبط ؟؟ لسه المسابقة ما خلصتش ؟؟
سيد : لأ أنا قصدي لسه المصلحة اللي بحاول أخلصها ماخلصتش
المذيعة : اذاى مش فاهمه؟؟ باريت توضح اكتر
سيد : يعنى لسه باقي حوالي من15:10 ختم واخلص ورقى واخذ المعاش
المذيعة : معاش إيه ؟
سيد : معاشي الخاص بالشغل بتاعى أصل أنا من زمان بجري على المعاش الخاص بىا
المذيعة : من آمته بالضبط؟
سيد : من حوالي 25 سنه
المذيعة : يعنى أنت عايز تفهمني انك بتجرى على المعاش من قبل ما تطلع أصلا ؟
سيد : ايوه وفيها إيه ؟؟ ما أناعقبال الورق بتاعى ما يخلص أكون طلعت على المعاش وبعدين أنا مش لوحدى
المذيعة : ومين معاك تانى ؟؟
سيد : ابن رئيس المعاشات أبوه بيكمله أوراقه علشان التعيين وكمان كان ماشى فى إجراءات المعاش علشان أول ما يطلع على المعاش يلاقى المعاش بتاعه على طول
المذيعة : إحنا بنشكرك خالص وقبل ما نختم ...
سيد : ايوه كده هو ده الكلام خدي الورقة بتاعتى واختمي
المذيعة : أنا قصدي قبل ما اختم الحلقة ياريت تقولنا إيه نوع الجائزة بالضبط اللي اخدتها فى مهرجان كان للأختام
سيد : اخدت ختامه و تمثال لمواطن مصري ظهره محنى
المذيعة : طيب ومحنى ليه ؟
سيد : علشان دا دليل على إن الإنسان مهما طال بيه العمر لازم يستحمل ويتعلم الصبر وكمان من كتر طلوع سلالم الحكومة ونزوله ظهره انحنى
المذيعة : ياترى ناوي تكمل فى المسابقات دى ؟
سيد : أكيد طبعا وان شاء الله احصل على الرقم القياسي فى عدد الأختام واحصل على 40 ختم فى ورقه واحده لأثبت للشعب إن الحكومة بتختم الشعب وليست تخدم الشعب
المذيعة تحب تقول حاجه للمشاهدين
سيد : أحب أقولهم استحملو وشدوا حيلكم وان مشوار الطابور بيبدأ بنفر واحد وكمان أنا فاتح صالة للجيم والتخسيس والألعاب الرياضية ودي لأصحاب المعاشات علشان تطلع وتنزل السلم برشاقة لحد ماتخلص أوراقك من أي جهة حكوميه وبسعر خاص جدا وفيه تخفيض يعنى اللي معاه اكتر عدد من الأختام هايدخل ببلاش الصالة لان ده دليل على اجتهاده وتعبه
المذيعة تركت سيد مسرعة
سيد : يامدام يامذيعه رايحه فين؟؟؟
المذيعة : رايحه اخلص الورق بتاع المعاش بتاعى

----------------

قلب فارس

دا الحصل معانا فى التقدديم بسى مش اختام دا كان ايام الواحد يروح يوم يجى واقف فى الصف معدول يقف معدول فى الصف لانة مش بيحب الظلم وبيحب النظام فى الحاجة الهوا داخلها ونفسة يبقى زى الناس الموجودين فى اليابان يعنى النظام ثم النظام ثم النظام بس تقول لمين تقول لناس مش عايزة تتقدم لناس بتموت فى التخلف والرجعية لناس بتحب الهرجلة (يعنى مش بتحب النظام) تقول لواحد عايز يعمل نفسة شاطر انا بقول يعمل نفسة يعنى هو مش شاطر لواحد ماشى ومعاه بنوتة واخدها فى يده زى مش يكون اليه اهل ولا اليها اهل ناس بتموت فى الحرام ناس بتموت فى الرجعية

احنا طلعنا من الموضوع كنا بنقول ايه ياربى

ايوة

كنا بنقول فى مشكلة الاختام قاصدى الايام يوة الاتنين زى بعض مش فارقة كتير كله اعمال حكومة .....تيجى تكون عايز تتم شغل تروح لواحد يقلك تعال بكرة. الورق جاى بكرة. نيجى بكرة تروح اليه تقلة جينا . يقلك معلشى تعال بكرة لما حفظناها قبل مايقول تعال بكرة نكون فهمناها يعنى انا بقالى بقدم كدة شهر من اول ما التنسيق ظهر يقولوا تعال بكرة لما تمت فلوسى على المواصلات ولسة مش تميت ادعوا لى ان انا اتم

اما الناس الكبار يجى علشان يتم شئ من اى مكان حكومى ان لو رشيت تتم وان لو مش رشيت مش تتم ممكن يقلك تعال السنة الجايه فى نفس المعاد ايوة السنة الجاية مش مصدقين اسالوا ..........اليسال مش يتوه

------------------------------

انا تمتيت بس الكلام دة ..كلة مش اليه اى فايدة...

قدمها اليكم مواطن مطحون عبارة عن حكاية علشان نفهمها بس

كل واحد يقعد مع نفسة يفكر يقول لنفسة

ان لو عملنا كل شئ فى نظام هيحصل ايه

ان لو مش اجلنا شئ لبكرة هيحصل ايه

ان لو مش رشينا هيحصل ايه

ان لو البلد مش فيها وسطة هيحصل ايه

ان لو مش رضينا بالظلم هنعيش ازاى

مش عايزين نبقى زى اليهود فى عصر الفرعون اليهود قبلوا الظلم على انفسهم وسيدنا موسى ايجا حررهم ولا ناسين

انا عارف العيب مش مننا ولا العيب من الحكومة عارفين العيب من مين العيب مننا احنا الاتنين والنتيجة السلبية بترجع علينا احنا الاتنين ايوة والله بترجع علينا....

ليه مش بنتكلم

نقول لاى حد

مش بيتقى الله فى نفسة لاى حد مش يتقى الله فى شغلة

اى حد برتشى اى حد بياكل حرام اى حد ماشى فى طريق الحرام

ليه مش نقول للحكومة

نقلة الانتى بتعملة دا

حرااااااااااااام

ليه مش بنقول

نفسى افهم خايفين

خايفين من مين وليه

خايفين من الحكومة

الحكومة

الحكومة مش هتقدر تعمل الينا حاجة والله ماهتقدر تعمل الينا حاجة

هتحبسنا

عاااادى سيدنا يوسف انحبس احنا احسن منه فى ايه

يلا عايزين نقوم ونقول احنا عايزين نتقدم احنا عايزين نبقى بنى ادمين

لازم نحكم العالم لازم نكون اول ناس فى التقدم السياسى والاقتصادى

الناس المش مسلمة احسن مننا فى اية وليه

لازم احنا نكون مكانهم واحسن منهم

ياامة اقرا ولم تقرا حتى الان لازم نحارب الظلم لازم نحارب الفساد لازم نقاوم

لازم

سنحاسب يوم القيامة امام ربنا

ولازم تفهم كلامى مضبوط

نعم كلامى مش مفهوم بالدرجة الازم تعرض موضوع وكلام زى دة بس كنت منتظرة من ناس احسن منى تفكر فيه وتكتبة فى ناس زهقت من الكلام دة بس لازم نتكلم لازم نعبر عن انفسنا لازمــــــــــــــــــــــــــــــــــــــ