عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

السبت، 19 ديسمبر، 2009

انت بتحبها ولا لا



كل عام وانتم بخير بمناسبة السنة الهجرية الجديدة ويجب علينا هجرة الذنوب الى هجرة الطاعات ..........

بسم الله

بتحبها .....ايوة بحبها ....ايه الدليل..دليل ايه ....ان انت بتحبها .....اه فهمت ان كل يوم برسل رساله اليها على التلفون عن الحب والعشق والهيام....انت كده بتحبها ...ايوة انا بحبها انت عايز اكتر من الحب ده ايه


بتحبها ؟؟...لو بتحبها خاف عليها ...انت كده هتوديها جهنم !!!
ترضى تكون انت السبب أن يشتعل عليها قبرها نارا ؟؟
ترضى تكون انت السبب أن تزل قدمها من على الصراط فى النار؟؟
ترضى تكون انت السبب إنها تتعذب فى جهنم؟؟
تذكر...كما تدين تدان...زوجتك فى المستقبل جالسة الآن مع شاب آخر فى مكان ما بيقولها نفس الكلام


اللى بتقوله لهذه الفتاة !!!...ويفعل نفس ما تفعله الآن !!
كل نظرة بتنظرها ليها دين سيرد من عرض زوجتك !!
كل كلمة بتقولها ليها دين سيرد من عرض زوجتك !!
كل مسكة إيد دين سيرد من عرض زوجتك !!
تريد أن لا تعاقب فى عرض زوجتك ؟؟...توب الآن واتركها فورا ..
احذر ...إن بسبب هذه العلاقة ربنا بيقول للملائكة يوم القيامة عليك " خُذُوهُ فَغُلُّوهُ "
فتجد 70 ألف ملك ينقضوا عليك لينفذوا حكم الملك ...فتصرخ ... ياخدونى فين يارب ؟
· أنا لم أكن أحتمل عود كبريت مشتعل فى الدنيا ...أتحبس فى تابوت جمر إزاى يارب ؟
· أنا لم أكن أحتمل ماء ساخن يشوى جلدى فى الدنيا ...
أصبح وأنام أشرب من الحميم والمهل ...إزاى يارب ؟؟...فتسمع النداء الأخير " خُذُوهُ فَغُلُّوهُ "
مش إنت اللى مشيت معاها وإنت عارف إنك كده بتغضبنى ؟؟
" كنت بحبها "... حب حـــرام ...قائم على أساس حرام ...هى دى عاقبته يوم القيامة ...
تخيل نفسك لحظة البعث ...الكفن يتمزق من حول جسمك..بتتنفض من تحت التراب...
صراخ من حولك من كل جهة لكنك لا ترى أى شئ ...وإذ بيد على كتفك من الجانبين ..
فتصرخ بكل فزع...مين؟؟...سائق وشهيد...ستساق للعرض على الله ...
عاوز تمشى معاها؟...امشى معاها...لكن لو هتنجيك يومها من العذاب الرهيب...
تخيل يوم القيامة ينادى عليك...فلان بن فلان...استدعاء للتحقيق معك...
وانت ذاهب كل شعرة فيك بتتنفض...يا ترى أى مصيبة من المصائب اللى عملتها ؟!!
تنظر من بعيد فتراها ...يا للمصيبة...تحاول إنك تهرب منها ... وهى تبحث عنك بجنون فى أرض المحشر ...أول ما تراك تتعلق فى رقبتك وتصرخ ...يارب هو اللى ضحك عليا !!
"وَلَن يَنفَعَكُمُ الْيَوْمَ إِذ ظَّلَمْتُمْ أَنَّكُمْ فِي الْعَذَابِ مُشْتَرِكُونَ "
احذر ...أن ينظر الله لك وأنت تقول لها كلام الحب الحرام ...فينظر لك نظرة غضب ..
ولو نظر الله لك نظرة غضب فقد ضعت وضاع كل شئ فى دنيتك وآخرتك ...وستظل غارقا فى غضب الله عز وجل إن لم تتب
لسة بتقول بتحبها ؟...لو بتحبها سيبها ...أنت كده سبب فتنتها فى دينها ...والله يقول :
" إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ "
من ترك شيئا لله عوضه الله خيرا منه..لو تركتها لأجل الله.. لو هى الخير إليك سيأتى ها الله إليك فى الحلال ولو ليست الخير ليك سيعطيك من هى خيرا منها.. دى اختيارك لنفسك.. ما تترك الله يختار ليك!
ألم تسمع عن الحادثة المروعة عندما انحرفت سيارة نقل إلى جانب الطريق ...فسحقت عدة سيارات وأثناء إنتشال الجثث من إحدى السيارات ...وجدوا جثة شاب وفتاة كانوا فى حالة زنا معا فى هذه اللحظة ...فنزل عليهم انتقام الله وسحقهم الله أمام الدنيا كلها ...
هل أنت مستعد تموت وأنت معها الآن ؟؟...وتلقى الله على هذه الخاتمة !!
تذكر قبل أن تخطو خطوة واحدة معها ...أنت ماشي فى طريق آخره جهنم !!
جهنم...يعنى شعرة شعرة فى جسمك ستحترق
جهنم يعنى عضو عضو فيك سيلتهب
إيه اللى يستاهل
لا تقول "دى مجرد علاقة بريئة ...وإحنا مبنعملش حاجة حرام "...بالله عليـــك قف مع نفسك واسألها :
· هناك ملك يمين وملك شمال بيكتبوا كل شئ...وقفتك معاها...نظراتك لها...
كل (مسد)..وكل (مسيج) أرسلته لها ...هيكتبها ملك اليمين ولا ملك الشمال ؟؟؟
· الأرض اللى انت واقف عليها معاها...هتشهد لك أم عليك ؟؟
· لو رسول الله صلى الله عليه وسلم جاء الآن وأنت بتكلمها هتقوله إيه ؟؟...صاحبتى ؟؟
· لو ملك الموت جالك الآن وأنت بتكلمها هتقول لربنا إيه ؟؟...حبيبتى ؟؟
لو هذه الفتاة انت أول واحد فى حياتها فكل سيئاتها فى ميزانك لأنك أول واحد عرفتها هذا الطريق
تذكر ...إنها لكى تقابلك الآن أو تحدثك فى الهاتف 6 ساعات...خانت أبوها وخانت أخوها وخانت أمها وقبل هذا خانت ربها ودينها ...هل تتوقع أنها لن تخونك يوما ما ؟
وأخيرا ...هذه الورقة رسالة لك من الله ...والله يقول " وَمَا كُنَّا مُعَذِّبِينَ حَتَّى نَبْعَثَ رَسُولاً "
وممكن تكون دى آخر رسالة توصلك قبل الموت
الآن حالا ...خذ قرار أن تتركها ...اختار ...هى أم الله ؟؟ .. قول لها إن بكت لترجع إليها ...
أنا مستعد أضحى عشانك بأى شئ...إلا ربنا ...أنا مستعد أخسر عشانك أى شئ ... إلا ربنا
صفقة :
تسيبها ...وتنجو من عذاب القبر ؟؟

تسيبها ..ولا تقع من الصراط فى جهنم ؟؟

15 فــارس وكــتب تــــعــليـق:

زهرة الاسلام يقول...

السلام عليكم
أول تعليق واوووووووووووووووووووو
نعم أخى فالموضوع اللى معرروض خطير
لان الفتيان او البنات بقم شايفين انة
دى حاجة عادية ميعرفوش انهم بغضبوا ربهم
موضوع رائع

mimi يقول...

ما شاء الله عليك
البوست هينطق

برافو بجد

متعك الله بحبه وقربه

تحياتي

طويلب علم يقول...

السلام عليكم
بارك الله قلمك رسالة غاية الروعة والله الى العصاة امثالنا
اخى العاصى او اخى الحبيب او اخى المسلم يا مسلم اما سمعت قول الله فى وصف عبادة الومنين ولا متخذى اخدان
اختااااااااااااة اما سمعتى قولة لك ولا متخذات اخدان
اخى ادخل البيت من بابة بتحبها اتقدم لها
اخى ربما سترت عن اعين اهلها فى الدنيا لكن يوم القيامة فضيحة على رؤس الاشهاد
يقول رسول الله (يحشر الغادر يوم القيامة ومعة لواء مكتوب علية هذة غدرة فلان من فلان )اااااااااااااة منتا غدرت باهلها ........متخيا منظرك
اللهم تب على العصاة والمذنبين يارب العالمين
والسلام

قلب فارس يقول...

الرد على
زهرة الاسلام
وعليكم السلام ورحمة الله وبركاتة
غلبتى مدونة سجود مش عارف هى بقت بتتاخر ليه كدة ومنورة المدونة مع اول او تانى تعليق اليك من اول ما مدونة قلب فارس ظهرت على النت
------------------
الرد على
mimi
وعليكى انتى كمان ويارب يحينى يارب
----------
الرد عل
طويلب العلم
وبارك فيك يابشمهندس لما تعلق على اى كلمة انا قيلها بهذه الطريقة اعرف ان هى حلوه وتحياتى اليك يا حبيب قلبى وصديق دربى

سجود يقول...

السلام عليكم
انا هنا بحجز بس واروح اقرا وارجع

سجود يقول...

السلام عليكم
جزاكم الله خير
ويارب احفظنا واغفر لنا ذنوبنا
وحرر المسجد الاقصي
بس انا عندي تعليق صغنون لو الشباب شاغل باله بقضية فلسطين وشايل همها مش كان عمل او فكر في اي معاصي
وربنا يهدي الجميع

mohandsawy/ eslam يقول...

موضوع مهم جدا ..وللاسف بدا ينتشر وبكثرة بين جموع طلاب ثانوى ..وهم فى مرحلة المراهقة ..اسال الله ان يعافينا ويعافيهم ..وينور قلوبنا وقلوبهم بحب الله ورسوله وحب الرسول والصحابة وحب الوالد والوالدة ..تحياتى لقلب فارس وطويلب علم ...

قلب فارس يقول...

الرد على
سجود
وعليكم السلام ورحمة الله وبركاتة
وجزاكى الله خير امين يارب العالمين يحفظ شبابنا شباب المسلمين
تعليقك صحيح ميه فى المية ياسجود الشباب مش شايل هم اى شئ دا حتى مستقبلة مش بيفكر فيه
--------------------------
الرد على
mohandsawy/ eslam

ايوة للاسف يامهندساوى وهذا الموضوع بسبب وصيتك لى فكتبت عن الحب انى احبك فى الله يامهندساوى وياريت طويلب العلم يشوفك ويرد عليك

سمسم/سما يقول...

السلام عليكم
قلب فارس
بصراحة مش عارفة ايه المشكلة
لاني ضفتها عندي
على قائمتي انا
وانضافت عادي
من غير مشاكل
جرب تاني

سمسم/سما يقول...

السلام عليكم
بوست رائع
لا استطيع ان اعقب
سوى
ربنا يهدي كل بنات وشباب المسلمين
جزاك الله كل خير

طويلب علم يقول...

السلام عليكم
طبعاانا شوفتة والبشمهندس اسلام من الناس الى باعتز باخوتة
مش جديد عليك يابشمهندس انك تتطرح افكار زى دية ومش جديد على قلب فارس انة يكتب فيها
لانكم احسبكم والله حسيبكم ولا ازكيكم على الله انكم شغلتكم الدعوة الى الله فاصبحنم تنامون ولا تروا فى احلامك الا ارص الاسلام قد عمها الخير الا وشباب الاسلام قد عادوا مرة اخرى الى رحاب الاسلام اسال الله ان يجعلنا حسنة من حسناتكم وان يجعلنا ممن يطلبون العلم على ايديكم
والسلااااااااااااااام

طويلب علم يقول...

السلام عليكم
معذرة جئت ابكى
جئت اذرف الدموع اسفا
جئت اسال بعد هذة الهجرة التى تحمل فيها النبى ما تحمل
بعد 13 ستة تعذيب وايذاء فى مكة
بعد رحلة الطائف وما فيها بعد الحصار فى شعب ابى طالب بعد التجويع
بعد القاء سلا الجذور على ظهرة وهو نائم
صلى الله علية وسلم
بعد كل هذا تكون الكافئة جامعة الزقازيق تقيم حقلا صاخبا تدعوا فية كبار المطربين
ياااااااااااااااالله لطفك بنا لا ينزل بنا عقابك
يوم نراة على الحوض نقول هكذا كنا نحتفل بسيرتك هكذا كانت هجرتك
والله تبكى العين وحق لها ان تبكى دما بدل الدمع
اهذا طريق النصر فليخبرنى احد
والسلام

قلب فارس يقول...

الرد على
سمسم/سما
ماشى خلاص ياسمسم ولا انا عارف ايه المشكلة مش مهم انما مدونتك عند ناس كتير باادخل عليهم علشان اعرف اليك كل جديد وجزاك الله خير ويارب يهدى شباب المسلمين سواء كانوا اناث او ذكور
--------------------
الرد على
البشمهندس طويلب العلم
انت ماذا تريد من هذه الجامعة سواء ان هى تأتى بالحفلات الغنائية التى ليس لها هدف او كلمات معبرة حقيقى يلا هى دى الدولة والدولة مستنياك يا هندسة انت والشباب العسل الزى حالاتك علشان يحسونها يلا شد حيلك والامتحانات قربت
واواواواواواواواواواو انا بعيط علشان الامتحانات قربت سيبنى اعيط شوية كمان وكل عام وانت بخير

miroooo يقول...

السلام عليكم
اخى العزيزاحييك على هذا الموضوع الغايه فى الروعه بجد الموضوع ده خطير وانتشر جدا الاختلاط بين البنات والشباب شىء صعب وخصوصا فى الجامعات
ربنا يهديهم ويهدينا ياااارب
كل عام وانت بخير
تحياتى

كلمات من نور يقول...

صلى الله على محمد صلى الله عليه وسلم ...يا الله لو كل شاب يقرا بقلبه كلامك داه ..لو كل شابة تخاف الله وهي بتقرا كلامك داه .كان زماننا أعلى شأننا من هذا الهوان ...ربي يبارك فيك أيها الفارس ذا القلب الذهبي

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )