عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

السبت، 12 ديسمبر، 2009

علشان جنابك يا سياده الرئيس مبارك .... انا معاك












من أجلك يا (ولي العهد).........


من أجلك أنت ....

هندوس كرامة الشعب اكتر ماهي منداسة

هنجوَّع الشعب ونفقره ونخلي


اناس محتاسة

هنخلي الكل زعلان طهقان وبيطلب اغاثة

هنوفر لك الأمن والأمان وكرسيك عليه حراسة


هننفذ أوامرك بدون تحليل أو دراسة



والموظف الحكومي هنسوق عليه الغلاسة



اشتغل واتعب واتمرمط حتى في يوم الأجازة



واذا فكر بس يكون عريس نبوظله الجوازة



واذا مات ما يلاقي حتى تكاليف الجنازة



طبعا ما الكل خدامك وتحت طوعك يا لذاذة

وكل اللي بنعمله علشان جنابك يا رياسة

علشان جنابك يا رياسة



ــــــــــــــــــــــــــــــــــــــــــــــــــــــــــ



من أجلك أنت....

الشعب فقير

--------

-----------

غلبان طالع عينه

قرفان زهقان ولاحدش سائل فيه


شايل هموم وهموم فوق كتفه



ومحدش عاجبه وطايحين فيه



لا حد يساعده ولا يعينه



والغلب كتير من حواليه

وهو يا عيني مسلِّم وراضي



وبيبوس في ايدين البيه



ويقول له انا خدامك يا باشا



ويوطي يبوس رجليه



وكل ده ومش عاجب



ومحدش بيفكر يرضي



سايبينه في مشاكله غرقان



وعايش لا بيه ولا عليه



ملوش دعوة بأي حاجة



ما هو نفسه يربي عيِّليه



وياريتهم سايبينه في حاله



لأ دول يقبضوا عليه



يا باشا أنا نفسي أفهم



هو انا يعني عملت إيه؟



دا انا عايش والله في حالي



حتى حقي مش بطالب بيه



أنا بس عايز اربي عيالي



بعرقي وتعبي أوصل للجنيه



أشوف الواد بيكبر قدامي

غلطان انا بقى ولا إيه؟

ولا ده كمان حرام

وسيادتك مش سامحلي بيه؟؟

يا ناس حرام عليكوا

حسوا بيا وباللي انا في

قدروا تعبي وشقايا

شوفوا اللي بتعملوه معايا

وانا صابر وساكت ورافع راية

وبعد ده كله عايزين مني إيه؟

قلتوا امشي جنب الحيط

مشيت ووافقت ورضيت

قلتوا متقراش جرايد .. ومن وقتها ما قريت

قلتوا خليك في حالك .. خليتني قاعد في البيت

مليش شغلة تشغلني .. غير بيتي والغيط


أبقى انا غلطان؟ .. ما تقول لي يا بية


سقيتونا المر يا عالم

روحوا ربنا ع الظالم


والمفتري وابن الإيه

يارب خدلي حق ى

من المفتري والحلنجي

من الباشا وابنه البيه

يارب نفسي اعيش

آكل لقمتين عيش

ابني يروح الجيش

بس أبقى مطمِّن عليه



يا عالم ده حقي



بخلانين عليَّا بيه؟



وكل اللي بيحصل فيا



بيحصل كله ليه؟؟

ما هو علشانك ياريس


علشان جنابك يا بيه



علشان جنابك يا بيه



ــــــــــــــــــــــــــــــــــــــــــــــــــــ



من أجلك أنت .....



من أجلك يا ريسنا .. هنربي جمايسنا .. ونجوز عرايسنا .. وندوق الويل

هنعيش في خرابة .. لا صحبة ولا قرابة .. ونتاكل في الغابة .. ونضيَّع الجيل

لا نوصِل ولا نزُور .. ونخلي ابن الأصول .. صايع ضايع علطول .. وننسى الجميل



ولا ف يوم نفكر .. نبحث وندور .. ولا لمصيرنا نقرر .. ونبقى زي الحمير

تسوقوا فينا .. تلعبوا بينا .. رفضنا أو رضينا .. هتحددوا لنا المصير

عايشين في مجاعة .. صياعة وخلاعة .. وبقى عندنا مناعة .. م الرشوة والتزوير



والكبير فوق الصغير .. وهيوصل اللي يدفع أكتر .. والغني قبل الفقير

الفلوس هي اللي بتمَشي .. واللي مش عاجبه يمشي .. الكل هنا بيرشي .. المدير والغفير

يا ناس في ايه؟.. كل ده ليه؟.. علشان سعادة البيه .. يطمن على ابنه قبل الرحيل

علشان سعادة البيه .. يطمِّن على ابنه قبل الرحيل



تأليف ....... (محتاسة مبتدئة)



24 فــارس وكــتب تــــعــليـق:

محمد الجرايحى يقول...

أخى الكريم : بلال
السلام عليكم ورحمة الله وبركاته
هذه الكلمات رغم قساوتها
إلا أنها تعبر عن الواقع الأليم
الذى يعيشه المواطن المصرى
وحسبنا الله ونعم الوكيل
فهو القادر فوق عباده

تقبل تقديرى واحترامى
أخوك
محمد

اللؤلؤة يقول...

السلام عليكم
قلب فارس
كلمات شجاعة من مواطن أشجع
ولكنها كلمات قاسية تعبر
عن الواقع الأليم
خالص تقديرى

محمد صفوت سويلم يقول...

تسلم ياابلال موضوعك عسل وجااااامد جدا جزاك الله خير يا جميل

بــــلال عـــادل يقول...

الرد على
الاستاذ . محمد الجرايحى
استاذنا الكريم فانا والله احبك فى الله
نعم هذه الكلمات قاسية جدا وربنا هو اليعلم اننى كنت وانا بقرأها كان قلبى يتقطع ..... ولكـــن هى الحقيقة هذه هى الحقية ويجب علينا عدم الهرب من الواقع
اليك يااستاذى خالص حبى وتقديرى

بــــلال عـــادل يقول...

الرد على
مدونة اللؤلؤة
وعليك السلام
نعم يا اخى فهى كلمات قاسية ولكن ماذا تقول هذا الواقع......؟؟؟؟؟؟
اليك خالص احترامى

بــــلال عـــادل يقول...

الرد على
الدكتور محمد صفوت سويلم
المدونة نورت بتعليقك
انت التسلملى يادكتور ويارب ينفع بك الاسلام والمسلمون

طويلب علم يقول...

السلام عليكم
والله اخى كلمات معبرة تعبر عن واقع الاليم الذى نعيش لكن من الاشياء التى تعلمتها فى مدرسة الاخوان العظيمة ان نكون ايجابين فلا نبكى فقط على حالنا وكان احد الاخوة لما حكم علية بالسجن اول ما قال دعا للقاضى ان يهدية الله فتعجب من حولة فقال لهم انظروا لو هداة الله لن يظلم بعدى احدا لكن لو دعوت علية لظلم كثيرا من الناس اينعم هذا مذهب لكن هذا ما اميل الية واحبة

الرئيس مبارك اثرتة شهوة الحكم وغلبت علية فالواجب ان ندعوا لة بانة يرفع الله عنة الغشاوة وان يهدية
نعم وقد حمل الامام احمد الدعاء للحاكم فى مرتبة الوجوب فهو يقول الإِمام أحمد بن حنبل رحمه الله : ( إِني لأدعو له [أي للسلطان ] بالتسديد والتوفيق - في الليل والنهار – والتأييد وأرى ذلك واجبا على )
وقال سماحة الشيخ عبد العزيز بن باز رحمة الله : ( من مقتضى البيعة النصح لولى الأمر ، ومن النصح الدعاء له بالتوفيق والهداية وصلاح النية والعمل وصلاح البطانة ).
والدعاء للحاكم علامة من علامات اهل السنة يقول الإِمام أبو محمد البربهاري رحمه الله : ( وإِذا رأيت الرجل يدعو على السلطان فاعلم أنه صاحب هوى ، وإِذا رأيت الرجل يدعو للسلطان بالصلاح ، فاعلم أنه صاحب سنة إن شاء الله )
اخى بلال والله انا لا اقصد ان اخالفك لكنى اقول ان رايك هذا راى معتبر لكنى اميل الى الراى الاخر وقد سقت لك من الادلة ما يؤكد رايى
اسال الله ان يديم الود بيننا وان يصلح علينا امرائنا
والسلاااااام

غير معرف يقول...

تسلم ياأبو الفوارس
بس هو ليه المعاشات ساكته كل ده
مش برضه سن المعاش على 60 سنه ولا اتغير ل 90سنه ده بقى عنده 85 سنه وماحدش بيقوله حاجه
عموما ربنا يقدرنا ويعيننا علي ما ابتلانا بيه زى ماقال الشيخ الشعراوى قبل مايموت
ولله الأمر من قبل ومن بعد
ولا حول ولا قوة إلا بالله

محمد الجرايحى يقول...

أخى الكريم : بلال
أحبك الله وأعزك
وأشكرلك هذه المشاعر الطيبة النبيلة
وأدام الله تعالى بيننا المحبة الصادقة
والأخوة فى الله
اللهم آمين

بــــلال عـــادل يقول...

الرد على طويلب العلم
ازيك يابشمهندس
انا معاك فى كل كلمة انت بتقولها فلا يوجد فى كلامك اخطاء ويارب يهدى حكامنا العرب ولو حضرتك صليت الاعتكاف رمضان اللى فات وسمعت دعاء بابا وهو يدعوا الى الحكام العرب كااااااان هههههههههه
وجزاك الله خير

بــــلال عـــادل يقول...

الرد على غير معروف
والله ماعارف مش المعاشات بس دا الحكومة ساكته عن المجرمين وبتمسك العايزة العيش فى ظل الاسلام وتمسك اللى عايز يتغير ويغير
يلا ياعمى الدنيا بايظة يارب يهدينا ويهدى الحكومة اميـــــــــن يارب العالمين

بــــلال عـــادل يقول...

الرد على
الاستاذ محمد الجريحى شكرا على ردك الجميل

مدونتى إسمها مرايتى يقول...

السلام عليكم ورحمة الله وبركاته

بجد الله عليك تسلم ايدك لو ينفع كنت اروح اسلمها للريس بايدى علشان يقراها ويشوف حالنا ويحس بوجع الشعب الى بيتفرج عليه من قصر الرياسه
ربنا يهديك ياريس وتعمل حاجه تنفعك بين ادين ربنا لما يسالك عن رعيتك
(كفى بالمرء اثما أن يضيع من يعول)

تقبل تحياتى

بــــلال عـــادل يقول...

الرد على مدونتى اسمها مرايتى
وعليكى السلام ورحمة الله وبركاته
شكرا الى مرورك الكري
يعنى افهم من كلامك ان جد جدو حسنى مبارك انا عظمتة خلى بالكى وقلت عليه جدى مش شتيمة دى هههه..
مش يعرف حالنا لا يعرف حال الشعب المصرى كويس بس هو واكلها والعه ( نار ) يلا يارب يهديه الينا يارررررررررب

كريم مصطفي سيد يقول...

السلام عليكم
والله اخي لا اقدر الا ان اقول اللهم ولي علينا خيارنا فهذا كله بذنوبنا ومعاصينا وبعدنا عن الاسلام والقران والسنه

بــــلال عـــادل يقول...

الرد على
الاستاذ كريم مصطفى السيد
شكرا للزيارة الكريمة
ويارب يهديه

المجاهد الصغير يقول...

السلام عليكم
كلمات معبره فعله
خلاص الشعب فاض بيه
حسبنا الله ونعم الوكيل
ويارت جت علينا همنا ومستحملين بس ايه زنبهم اخوتنا فى فلسطين حسبنا الله ونعم الوكيل

وفقكم الله

المجاهد الصغير يقول...

شاركنا فى حمله مليون توقيع لوقف بناء جدار العار

زهرة الاسلام يقول...

السلام عليكم رائع للغاية
جميللللللللللللللل جدا
ولاكن هذا هو الواقع الذى نعيش فية
لاكن لازم نفوق من الظلم دة انا عن نفسى تعبت
نفسى نكون زى ايام الرسول صلى الله علية وسلم عايشين فى سلام وايمان
ونفسى نكون زى زمن عمر العدل والقوة
يلا اهو حلم بحلم بيسة معرفش امتى هيتحقق
لاكن انا لسة عندى امل ومش هيأس ابدا
علفكرة ان كنت لسة بكتب زجل بردة عن مصر بس هاعرضة بعد الامتحانات انشاء الله

بــــلال عـــادل يقول...

الرد على المجاهد الصغير
ايوة الشعب فاض ومش عارف مستحمل ازاى صابر صبر ايوب هى الحاجة الوحيدة اللى للشعب المصرى فيها الية صبر
او بمعنى اخر الريس بيلعب علينا مخلينا مشغولين فى دنيتنا علشان مش نبص لحد غير انفسنا

بــــلال عـــادل يقول...

الرد على زهرة
وعليكى السلام
ان شاء الله منتظرينك

زهرة الاسلام يقول...

اخى قلب فارس اريد المساعدة
عاوزة انزل قالب جديد ومش عارفة
القالب مش من بلوجر
اعمل اية
حاولت كتير وفشلت

بــــلال عـــادل يقول...

زهرة الاسلام لو عايزة تنزلى قالب جديد غير الموجودين على مدونتك يوجد ثلاث طرق
الاول والاسهل .. من على مدونتك الخاصة
الثانى. من على مدونة الاحرار
الثالث من على مدونة حسن تكتبى فى جوجل اشكال بلوجر
واحنا فى الخدمة

جنة الخلد يقول...

جزاكم الله خيرا وبارك الله فيكم

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )