عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الثلاثاء، 19 أكتوبر 2010

دوله ضد المواطن

كتب ـــ أحمد فوزى


21 عاما لم أرى ولم أسمع عن ان خفض اسعار سلعة ما ستكون ضررا على مشتريها او مستهلكها ايا كان نوعه او نوعيتها
فقط هنا فى مصر بلد الخير وبلد العز سمعت الكلام ده !! والله حاجة جميلة اوى وانا بادرس ادارة اعمال وكويس معلومة هتفيدنى فى يوم من الايام !!





فى يوم من الايام قرر ابن العز ان يرفع سعر ثمن طن الحديد الى 10 الاف جنيه مصرى وقد فعل ذالك واترفع سعر طن ووصل فعلا الى 10 الاف ...... وحينها لم يتكلم مسئول ، ولم يتلفظ وزير ، ولم يشكو مستثمر ووكيل ، ولم يتحرك حاكم حكيم ، ولم تهتز ألسنة جميع المسئولين والمسئولات لتبرير رفع الاسعار هذا برد مقنع لمواطن مطحون !!
انا اتحدث عن سعر طن وليس عن سعر دقيقة ... عن طن حديد وليس عن سعر دقيقة كلام !
الطن اللى وصل الى
10 الاف ومحدش اتكلم ...... وطبعا عدت وخلاص واللى كان كان وربنا يخلى لينا الحديد التركى اللى نصفنا وقلل سعر الطن رغم انف الجميع حكومة ومحكومين ومسئولين !!
سيبوكو بقى من الحديد وتعالو للمحمول ... طبعا زى ما كلكم عارفين ان دقيقة المحمول وصلت ل 5 قروش فى شهر رمضان من محمول لمحمول ووصلت ل 15 قرش من محمول لارضى كمان ..... دا ايه العسل ده تمام ؟!
لكن الكلام اللى انتو شايفينه ده وفرحانين بيييه ...... مش عاجب الحكومة :) هه !!
وزير الاتصالات طارق كامل اللى مش كامل بيقول : "ان مثل هذه العروض تضر بالسوق المصرى وايضا المواطن المصرى وامهل الشركات حتى نهاية رمضان لكى يعود الوضع كما كان عليه من قبل والدقيقة ترجع بى 35 قرش لجميع الخطوط والشركات"
طبعا الكلام ده قيل بعد طبعا ما اشتكى رئيس الشركة المصرية للاتصالات عقيل بشير شركات المحمول للجهاز القومى لتنظيم الاتصالات
وقال هو كمان :" ان اسعار شركات المحمول ليست فى صالح المواطن "
والنبى يا جماعة ده كلام ناس وزراء ومسئولين كل شغلهم هو ارضاء المواطن المصرى والعمل على راحته !!!

مصلحة المواااااطن !!


انا عمرى ما شفت فى الدنيا ولا اى دولة فى العالم وزير ولا رئيس شركة ايا كان شغلها بيقول ان رفع الاسعار ليس فى مصلحة المواطن !!
امال ايه فى مصلحة المواطن بالظبط ؟
انه يدفع 50 جنيه كل ثلاثة شهور من غير ما ينطق بكلمة او يتنفس نفس فى سماعة تليفون فقد صلاحيته ؟!!
مصلحة المواطن انه يتكلم من محافظة لمحااافظة بى 25 قرش بدلا من 5 قروش ؟!!
مصلحة المواطن انه يتكلم فى الشهر بى 100 جنيه بدلا من 40 جنيه ؟!!
مصلحة المواطن انه يتكلم من التليفون الارضى الى المحمول بخمسين قرش بدلا من 15 قرش ؟!!
مصلحة المواطن انه يشترى تليفون ارضى ويشترك فيه بى 300 او 500 جنيه بدلا من شراء محمول وخط مجانا بخمسين جنيه ؟!!

انا عايز اعرف فييييييييين مصلحة المواطن بالظبط ......... يبدو ان مصلحة المواطن فى جيوب المسئوليييييييييين !!

ما معنى ان مسئول بيرفض خفض الاسعار .... بالرغم انه لن يخسر شيئا ابدا !
بما تفسر ان رئيس شركة المصرية للاتصالات يتنفض اول ما سمع ان شركات المحمول خفضت اسعارها ..... وهو من فترة كان عامل اعلانات وبيفرح الناس ان الدقيقة وصلت لى 7 قروش !!
بماذا تفسر رفض وزارة الاتصالات لعروض شركات المحمول الخاااصة بخفض الاسعار على المكااالمات !!
انا اتعجب لتلك القرارات العجيبة ...... والغير منطقية انا مش عارف الناس دى بيختاروهم على اساس ايه انهم يبقو مسئولين وزارات وشركات اتصالات !
طيب طالما الشركة المصرية للاتصالات زعلانة اوى كده والوزارة زعلانة اكثر منها طيب ما تعمل زى شركات المحمول كروت شحن من غير اشتراك ولا يحزنون وبسعر متوسط زى مثلا شركة اتصالات
بدل ما هى بقى شكلها مش كويس كده قدام العالم بتصريحاتها الغريبة دى !
يا جماعة العالم بيتقدم والتكنولوجيا خلاص يا سيادة الوزير خلت كل شئ ميسر جدا جدا .... يعنى مش عشان يبقى ده ضد التليفون الارضى اننا نرفع الاسعار على الموااااطنين
هو حضرتك مع احترامى ليييييييك جاى الوزارة عشان تخدم الناس وتريحهم وتقدم ليهم خدمات ميسرة ولا جااااااى عشان ترفع عليهم الاسعار كل يوم ويوم وتدمر قطاع الاتصالات بالقرارات دى !
دا النهاره عروض المحمول وامبارح كان تحديد سرعة الونلوووود واو امبارح رفع دقيقة الارضى واول اول رفع نسبة الضريبة
ايه الحكااااية يا جماعة ........ دى سياسة ايييييييييه دى
انا اول مرة احب القطاااع الخاص وافضله تماما عن القطاع العام بالرغم انى كنت من مؤيدى القطاع العام !
يا سيادة الوزير التليفون الارضى لم يعد له قييييييييييييييمة ........ وياريت بدلا من ترفعو الاسعار على الموااااطنين اعملو شركات محمول افضل من شركتكم اللى بوظت الاتصالات فى مصر !

المكسب بالمليار !!


التخفيض مهما وصل سوف يكون في صالح كلا الأطراف حتي لوكان الاتصال ببلاش بمعني ايه اقولكم
اولا تكلفة الاتصالات حاليا اقرب مايكون الي الصفر في ظل التطور الكبير في تكنولوجيا الاتصال يعني شركات الاتصالات اللاسلكيه بتبيع الهوا للناس
احسب معايا الحسبه دي هي بسيطة بس ارقامها كبيره
افترض ان الاشتراك الشهري لاي شركة محمول هو 15جنيه بس مع حرية اجراء الاتصال بدون قيود وعدد مشتركين الشركه دي هو 20مليون مشترك تعالو نحسب رقم الاعمال للشركة دي علي اشتراك 15جنيه شهريا
رقم الاعمال الشهري هو 15جنيه مضروب في 20مليون مشترك الناتج هو 300مليون جنيه شهريا
رقم الاعمال السنوي علي نفس الاشتراك 15جنيه شهريا
300مليون جنيه مضروب 12شهر الناتج هو3.6مليار جنيه خلال العام
لو عملنا تقدير لمصاريف الشركة ب60%وده طبعا رقم كبير جدا
يكون صافي الربح هو 3.6مليار مضروب في 40% بيساوي 1.44مليار جنيه !!


ليييييييييييه كده ؟!

يا حكومتنا الكريمة الله يكرمكم شوفو حل للى بيحصل ده
شباب البلد دى كل يوم بيزيد كهه ليها يوم بعد يوم اكتر واكتر ........... الله يكرمك متخسرووووش شباب البلد دى اكترمانتو خستو كتيييييييييييير من عباقرة هذا البلد
الوضع فى مصر عاد مخجل جدا جدا والفساد فى كل قطاع اكثر من هم المصرين على قلبهم من فسادكم
يا حكومتنا ليه وضعنا مختلف عن البلاد الاخرى ؟..ليه مفيش قناعة من شركاتنا فى مصر ؟ ليه مفيش رضاء وارضاء للمستهلكين فى مصر ؟... ليه النهب وليه النصب وليه السرقة وليه الاحتيال طالما فيه بديل وممكن كلنا نعيش بارتياااااااح ؟
ليه كل حاجة مصر صعبة ؟ الحياة والعيشة والاستقرار فى مصر بقى من المستحييييييييل ؟؟

ـــ ابن خالتى شاب زى كل الشباب مش عارف يبنى حياته ولا عارف يشتغل فى مصر ولا عارف يعمل اى حاجة فى بلده
فقرر انه يسافر لاى دولة خارج مصر المهم انه يخرج من البلد دى باى طريقة
المهم ربنا وفقه وكتب له الخروج وسافر وقعد بره لمدة سنة ورجع تانى لمصر ......... قال يعنى ميقدرش يستغنى عن مصر !
المهم وهو راجع تشوفه ماتعرفووووش ......... راكب عربية هوندااااى ...... لو قعد يشتغل فى مصر خمسين سنة متتالية مش هيقدر يجيب واحدة زيها !
بنى بيت باتنين طابق لو اشتغل فى بلده 100 سنة ولا عمره فى حياته هيعرف يعمل زيه !
اتجوز عروسة بنت حلال لو قعد خمسماااائة سنة مش هجيييييب زيها فى جمالها وطعاااامتها واحترامها وجمال ادبها !
ليه كده يا جماعة ليه الواحد ميعرفش يعمل كل ده فى بلده ......... ليه العربية اللى تمنها فى الخارج فى دول الخليييييييييج 4000 ريال بيبعها المصريييين هنا بى 400000جنيه مصرى !
ليه البيت اللى بيتبنى فى من مرتب خمس شهور بره ..... بيتبنى فى مصر بعد 100 سنة شغل !
ليه عشان الشاب المصرى يتجوز ويستقر ويبقى راجل بجد ............ يتبهدل ويطلع روحه ويتحول على المعااااش عشان يتجوز !
انا مش عارف لييييييييييييه
لو حد منكم يعرف ليييه كده ........ ياريت والنبى ما يبخل علينا ويقولينا يمكن تتحل !
وعجبى !

5 فــارس وكــتب تــــعــليـق:

Unknown يقول...

هى دى مصر اليوم.....
مصر التى لانعرفها، ولكنها ستستعيدصورتها الحقيقية قريباً مع أبنائها الشرفاء

sweet angel يقول...

هو فين المواطن اصلا

mrmr يقول...

انت بتحكى عن ايه !!!
افتخر وزقطط
انت فى مصر
زمان كنا بنتغنى مصر هى امى
دلوقتى مبقناش نعرف فين امى دى من كتر القسوه والغلاء
ربنا يرحمنا جميعا

بلال عادل رجب. يقول...

الاستاذ محمد الجرايحى
بااذن الله قريبا

المجهول يقول...

هذه الظاهرة عزيزي - ظاهرة غلاء الأسعار - هي ظاهرة عالمية وليست مصرية فحسب .. وإن كانت متفاوته من دولة لأخرى حسب المستوى المعيشي ومتوسط الدخل لأفرادها ..

ثم المسؤول بيدفع حاجة من جيبه هي الحكومة ربنا (......) إنت عارف الباقي هي اللي بتدفع من جيوب الشعب فما أخذ منا بالقوة لا يرجعوه لنا بالمروءة!!!

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )