عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الخميس، 8 يوليو 2010

والذاكرة رجعت شويه . وسؤال للاستاذ معتز ولمدحت شلبى والمعلقين الرياضيين

السلام عليكم ورحمه الله وبركاته
طبعا بعد كسر بعض من الخصام بين المصريين والجزائرين
بسبب زيارة الرئيس المصرى مبارك الى الجزائر لتعزيه الرئيس الجزائرى فى اخيه .

فرجعت بالذاكرة للخلف مدة لا تزيد عن 9 شهور وهى ميعاد الازمة بين مصر والجزائر اى (المباراه بين مصر والجزائر فى ام درمان.
وافتكرت هيافه الشعبين المصرى والجزائرى . (ناسف للالفاظ بس الواحد بيضايق لما يفتكر الحاجات دى ) .
وبالاخص هيافه الاعلام المصرى اللى نزلنا فى الارض واخص الاعلامى المصرى
1.مدحت شلبى نمرة one
2.وخالد الغندور صاحب برنامج الزمالك اليوم ( الرياضه اليوم ) نمرة two .
والباقى من المذيعين الرياضين .
وحتى الجمهور المصرى ذهب وراء هولاء الاعلامين .. الذين فجروا الازمة بين مصر ام الدنيا وهبه النيل وجند الله فى الارض وبين الجزائر بلد المليون ونصف المليون شهيد ..
وحتى الان يوجد خلافات حاده وجمهور متعصب لا يقبل احد ان يقال امامه كلمه الجزائر او مصر .
وكمان فى يوم الازمة او بعدها لا اتذكر والله .
كنت اسمع برنامج 90 دقيقه وكان الاستاذ معتز كان اللى ماسك الفقرة .
وكان فيه تقرير فى الشارع المصرى بااسم هل تتوقع ان المصريين هيشتروا العلم بعد مباراه مصر والجزائر ..
طبعا لو السؤال ده اتسال لى كنت هقول بصوت عال
المصريين مش هيفكروا يشيلوه وهما ماشين فى الشارع كده .... ايون كان ردى كان هيبقى كده . مش هنافق ولا اتاثر بالموقف اللى كنت هكون فيه .. ...
والحمد لله كان واحد فى التقرير ده قال كده برضه قال مش هتوقع ان المصريين هيشتروا العلم بعد المباراة ....
المهم فى الموضوع ده كله .....
كان الاستاذ معتز تعليق على التقرير قال علم مصر فوق الجميع والناس هتشتريه ..............
وياااااااااااه لو الواحد شاف الصالون اللى كان فيه الاستاذ معتز كان علم مصر بيرفرف فى الصالون وكان جميل جدا جدا جدا جدا جدا جدا .................
طيب دلوقتى
يااستاذ معتز فين العلم دلوقتى وهل فعلا العلم بنشوفه كتير ...
فين العلم فى الصالون اللى حضرتك قاعد فيه ...
____
وسؤال اخر مين اللى كان بيحرك الاعلام المصرى ايون ميـــن اللى بيحرك الاعلام المصري
فبعد زيارة مبارك انقلب الحال الى حال
الدليل
اضغط هنا ماذا قال المعلقون الرياضيون بعد زيارة مبارك الجزائر
وان شاء الله لنا وقفه اخرى لمدحت شلبى .......
والفديو ده هديه منى اليكم اه هى غنيه بس حلوه وانا بقلب فى اخبار مصر والجزائر لقيتها

9 فــارس وكــتب تــــعــليـق:

Mahmoud Ahmed يقول...

الأثنين الى انت ذكرتهم دووول اكثر اتينن عملوا مشاكل و اثاره للشعب
وا نا حتي قلت في مدونتي انهم اكثر اثنين هيتشوا في النار ان شاء الله و الناس هتقعد تتفرج عليهم بسبب الى كانوا بيعملوه في الناس

Mahmoud Ahmed يقول...

التهدئه بتيجي من فوووق
في برنامج مديا سبورت على الاهلي من كام يوم
كانوا قالوا ان رئيس الوزارء تقريبا او وزير الأعلام مش فاكر بالضبط طلع قرارات بالمعالجه الهادئه لمبارات الأهلي و الاسماعيلي مع الفريق الجزائري في بطوله افريقا للأنديه

^____^

Alaasalim2 يقول...

السلام عليكم

من أول يوم وانا رأيي إن الأزمه بين مصر والجزائر أزمه مخزية للشعبين
لأننا مهما حصل عرب ومسلمين ولازم الأزمه هاتمر مهما أخدت من وقت

ومن أول يوم وأنا عندي يقين إن كل اللي كانوا بيسبوا ويشتموا في الفضائيات هايرجعوا تاني يتكلموا بعكس الكلام
دا لأنهم لا عندهم أخلاق ولا مبادئ ولا يستحقوا إنهم يقفوا وراء الشاشات أصلا

بأحييك يا بلال على موضوعك الجميل

جنّي يقول...

السلام عليكم

الكورة في النهاية لعبة وعيب ان لعبة تسببت في كل ما حدث ..

غير معرف يقول...

السلام عليكم

ماليش فى الكوره اوى بس طبعا عرفت وسمعت وشفت اللى حصل والواحد زعل واتأثر من اللى حصل وربنا يهدى الجميع
كلنا فى الاخر امه اسلاميه واحده وربنا الهادى والشعوب توعى ان دى مجرد لعبه

بوست جميل

تحياتى

♥ ♥ Amira Samy ♥ ♥ يقول...

فعلاً المشكلة مكنتش كبيبرة
زى ما صورها الأعلام المصرى
و الجزائرى تقريباً
الأعلام لية دور كبير جداً
فى المشكلة دى ربنا ينتقم منهم
تحياتى لك على الموضوع الراااائع
و الأغنية الأجمل

محمد أشرف يقول...

الله ينور عليك يا عم بلال
كلام مظبوط جدا

ليلي الجزائر يقول...

الجزائر و مصر اخوه و اكثر و لن يفرق بيننا شيطان

اخبار سيارات يقول...


thank you

اخبار السيارات

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )