عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

الجمعة، 9 يوليو 2010

بابا اشترى لى طفطف بدل ماانا عاطل كده


السلام عليكم ورحمة الله وبركاته
كيفم يارب تكونوا بيخير
وشغالين وبتجيبوا فلوس علشان مش تكونوا عاله على بابا حسنى وماما سوزان واخوكم جمال ... يعنى العائله الكريمه بصلاه على النبى. يعنى مصر .يعنى ام الدنيا وارمله الديمقراطيه . يعنى هبه النيل والنيل خلاص خلص (بح) خلوا بالكم من هبه لانى انا خايف حد يخطفها زى ماخطف مصر . يعنى مصر الحلوانيه علشان كده بتلاقى كله مسكر ودمه خفيف ومهما حصل فيه من ضرب وتعذيب فى اقسام الشرطه هو راضى . ومهما حصل فيه من شتائم من ناس مش تستاهل فى الشارع برضه راضي ...
يلا ربنا معانا ياشعب مصر ....
صلوا على النبى
بس سؤال فى حد منا مش يعرف الطفطف كما هو مشهور فى بعض القرى او ( التوك توك ) كما هو مشهور فى بعض القرى والمدن ..
اه التوك توك ..
بعد ماصليتم على النبى وعرفتم تجاوبوا . وعرفتم التوك توك .
انا فى اجازة ومش ينفع اشتغل فى العاشر او اتعلم اى صنعه علشان دورة icdl
يومين فى الاسبوع .
فقلت لبابا وزى اى حد يقول لابوه اشترى لى طفطف يابابا او اشتغل على طفطف .( لانها الموضه عند الشباب فى هذه الايام الشباب المكسل زى حال كتير من الشباب )
فرد عليا وقلى ايه . عاوز تشتغل ايه. وعلى ايه .ولا عاوز اشترى اليك ايه .
قلت تانى وبكل حسن نيه اشترى طفطف علشان اسوقه بدل ماانا قاعد على النت .
قالى اى حاجه تتعلمها الا تسوق طفطف ويويلك لو شوفتك بتسوق طفطف .
استغربت صراحه لان بابا عاوز يخلينى اشتغل بااى
طريقه فى الاجازة واول مرة يعيب على شغلانه ( ليس عيبا فيه ولا عيب على الشغلانه ولا عيب على اللى بيشتغلوها )
المهم
قلت اليه.. ليه يابابا وهى حرام ولا قله ادب ولا بندخل بيها السجن
قالى علشان وانت ماشى تشغل الاغانى بااعلى صوت زى الناس الهبل اللى بيسوقوها . ولا علشان تبقى حشيش زيهم وبتاع بنجوا .
فقلت فى سرى ولو اهو ابعدنا عن عيون الحكومة لانها عاوز كده .
وهو عمال يتكلم ..
فقلت وليه مش اشغل قراءن واو اسمع اناشيد وانا فى الطفطف . برضه الكلام ده فى سرى . فقلت دا لما اعمل نغمه التلفون نشيد ب.... .......
المهم
انا مشيت وسبتنى من الكلام اللى بينقال
وقلت يلا يعنى الشباب اللى خلصوا الكليه قاعدين فى البيت مش لقين شغل وانا يبتاعه ولا اللى بتعمل فيها بتاعه عاوز تشتغل يلا بلاها شغل روح ياض اقعد على النت دردش واقراء.. فى حد واخد منها حاجه ..
.....
فاريد ان اكتب سؤال ..
ليه الحكومة كما قلت فى موضوع سابق بااسم لو الجميل يكمل وهو يتكلم عن سواقين السرفيس ...
مش يعمل دورات تدريبه فى فن التعامل مع الناس واحترام الطرق والتنبيه على ذلك بالقانون والمعاقبه القانونيه ...
وليه اصلا الحكومة مش توفر اليهم فرص عمل فى المصانع علشان ينتجوا بدل ماهما شغالين على توصيل الناس كده ...

5 فــارس وكــتب تــــعــليـق:

زهرة(جنى)الاسلام يقول...

السلام عليكم
حضرتك لما الحكومة تعلم نفسها الول فن التعامل
تبقى تعلم شعبها

hend anwar يقول...

حكومة ايه بس
يا عم فارس
واضح انك بتتكلم عن بلد
اه اعتقد انها الغالية

العاطلين كتروا اوى
اوى
اوى
انا عمى خريج هندسة واكيد طبعا ملقاش شغل
راح للمحافظة ومصالح البلد كلها
قال ايه عيل صغير وملوش فى الشغل
دى اسمها بلد ولا ايه..
ومجرد ما سافر طبعا
دا شىء طبيعى
اخدوه وشغلوه
وظبطوه وكله بقى فى التمام
ووقت ما يكبر بقى تلاقى البلد هتموت وتخده
وزى مابيحصل كدا مع العلماء الغلابا
الواحد والله نفسوا يضرب الحكومة دى لحد مايزهق
والعيب مش فيهم.. ولا فينا
ولحد دلوقتى معرفتش العيب فى مين

يلا ربنا يسهلها مع كل العطلانين
ومايقوموش من النت ولا الاهاوى

♥ ♥ Amira Samy ♥ ♥ يقول...

يعلموا مين وز يشغلوا مين
احنا دولة فقيرة تعتمد على
المعونات و فعلاً دى ما حضرتك
قلت هى أم الدنيا و ارملة
الديمقراطية

تحياتى لك

علاء المصرى يقول...

دعوة للتعارف

كاتب مصرى

حياتى نغم يقول...

السلام عليكم ورحمة الله وبركاته

الحمد لله ان بابا ما وافق حتى لا تحرمنا من تدويناتك الخفيفه الدم الثقيله بالألم والهم
خالص تحياتى .

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )