عزيزى الزائر

استاذى القارئ خلى بالك ... كتباتى لا تتبع اى قواعد نحويه .... يعنى من فضلك مش تنقد النحو

اليكم

اليكم

السبت، 17 يوليو، 2010

الفرق بين حسن وحسين ... اختصارا للحياه


السلام عليكم ورحمه الله وبركاته
كيفكم ياشباب اتمنى ان تكونوا بخير . ومش يكون حالكم اتقلب زى البلد بالضبط ....
الفرق بين حسن وحسين .
لالالا
مش تفتكروا ان السؤال ده فزورة عاوزكم تحلوها ... او علشان تقولوا لى الفرق حرف الياء او حرف الواو
لالالا
بس علشان اختصر الحياه التى تشقلبت ( انقلبت ) راسها تحت ورجلها فوق .
وحتى المناخ الصيف بقى صيف والشتاء بقى صيف ...
الحال تغير فى كل الاحوال
الفرق بين حسن وحسين ..
اول فرق
حسن طالب ذكى وممتاز زاكر واجتهد . ذاكر ليلل ونهار . لم يلعب قط . هدفه التفوق على اصدقائه ويكون الاول عليهم .. وها قد نال حلمه اصبح الاول فى الشهاده الابتدائيه والاعداديه والثانويه وتفوق على جميع اصدقائه فى كل المراحل . وهاقد اتمم الثانويه ذهب ليختبر فى كليه حربيه لم يقبل فيها مع انه كامل الاوصاف ولكنه لم يقبل لان لم يجد وسطه . دخل كليه ممتازة كليه الهندسه وتخرج منها ذهب ليجد عمل ما هنا وهناك فلم يجد فجلس بجوار امه .........
حسين طالب مستهر وخايب لم يذاكر ولم يفكر قط فى التفوق على اصدقائه يلعب لليل ونهار . كان ينجح بالصعوبه البالغه فقد تخرج من الابتدائيه والاعداديه ودخل الثانويه تخرج منها بـــ 60 % . وكان اهله مرموقين فى اوساط مجتمعهم ودخل الشرطه واصبح ضابط وفتح بيت واصبح من اغنياء البلد ..........
ثانى فرق
حسن عامل فى احدى الشركات موظف يشتغل بضمير لياكل هو وابنائه منذ ثلاثين عام لم يترقى عن العمل لانه لم يجد وسطه فى عمله
حسين عامل مستهتر يعمل مع حسن فى الشركه لا يحبه اصدقائه بسبب مشاكسته وكبريائه وغرورة لا يحب الا نفسه لم يكمل 5 سنوات ترقى فى عمله واصبح المسئول عن حسن لان له وسطه كبيرة فى العمل ...
ثالث فرق
حسن شاب محترم مش اليه دعوة بحد بيقف مع الحق دائما . مش بخاف طول ماهو على الحق . بقول للظلم لا والحق اه . دخل المعتقل بتهمه الارهاب ومخالفه القانون وتلفيق تهم ...
حسين شاب بلطجى وقح لا يهمه احد . يجلس على المصطبه يسب ويشتم ويعاكس البنات . يشرب البانجو الحكومة تركاه . الناس بيخافوا منه مش بيقدروا يقولوا اليه تلت التالته كام
..................................................
هذه هى الفروق
الدنيا تحولت
ليه بجد
ليه بجد البلد بقي حالتها كده ...الحرامي بقي وزير والشريف بقي سجين ... اللي يدافع عن حقه يبقي مجنون اللي يحاول يخده يبقي موهم ...ليه بجد

12 فــارس وكــتب تــــعــليـق:

محمد أشرف يقول...

صباح الفل يا حاج بلال
ازيك عامل ايه ؟؟
اللهم اجعلنا حسن ولا تجعلنا حسين
بس أختلف معك في نقطة :: بلاش تعقدنا في كليتنا
ان شاء الله الشغل كتير يا أخي وكل حاجة
وهو حسن لو كان شد حيله ودور على سفرية بره البلد كان هيبقى أحسن عشرميت مرة من حسين
اللهم يسر لكل حسن وانتقم من كل حسين

Sharm يقول...

على كده البلد كلها بقت حسين

قلــ"بـــلال"ــــــب فارس يقول...

ازيك
ياهندسه
كيف الاحوال
امين يارب العالمين
ياعمى مش بعقدك ولا حاجه بس الحكايه كلها فى البطاله انت مش بتسمع برووف ولا ايه على قناه مودرن مصر كان عامل حلقه لبطاله هندسه بترول البطاله من سنه 2001
تحياتى وتقديرى

قلــ"بـــلال"ــــــب فارس يقول...

الر على شارم
لالالالا مش كل البلد
هى كل الحكايه
اللى ابوه حسين بيبقى حسين والابوه حسن بيبقى حسن
ربنا مع الشعب والشعب على الحكومة
وصلى على النبى
تحياتى وتقديرى

سلسبيل يقول...

كل دى علشان الى ماسكين
البد حرمية و بيعملوا كل
دى علشان يحفظوا على اماكنهم
فبيعتقلوا الشريف و يسيبوا البلطجى
بل بالعكس بيستأجرو البلطجية للأعتداء على الشريف
حسبنا الله و نعم الوكيل

SHAHEENSHY...فوضى منظمة يقول...

بكره الدنيا تتعدل ان شاء الله ..وصدقني حسين ده أخرته مش كويسه وهفكرك يا بلال

أعجبني المقال كثيرا

بالتوفيق

قلــ"بـــلال"ــــــب فارس يقول...

الرد على
سلسبيل
نعم اللى ماسكينها حراميه
وبااذن الله الشريف من هيقعد ساكت هيدنه يتكلم
وحسن مش هيقعد ساكت
تحياتى وتقديرى

قلــ"بـــلال"ــــــب فارس يقول...

الر على
الزائر الجديد او المعلق الجديد
فوضى منظمه
جميل والله الاسم
بااذن الله هتتعدل وبااذن الله حسين ده هيتادب
جزاك الله خير على الزيارة
تحياتى وتقديرى

زهرة(جنى)الاسلام يقول...

السلام عليكم
عارف ليو حضرتك لية حسن دخل المعتقل وبقى هو اللى غلط
عان بيدافع عن حقة لوحدة
مش لاقى الشعب كلة كدة
لازم كل الشعب يطالب بحقة عشان نكون كلنا حسن

أم الخــلـود يقول...

السلام عليكم ..

في آخر الزمان تنقلب كل الموازين لصالح الجهل لأن العلم يرفع ويبقى القلة القليلة من تحافظ عليه وتجاهد من أجله.

تحياتي الصادقة أخي في اللله بلال على هذه التدوينة المميزة.

الحب الجميل يقول...

اختصرت الحياه فى الفرق بين حسن وحسين
ومع الاسف حسين هو الفيرس المنتشر حاليا

بوست متميز .. تسلم افكارك
دمت فى حفظ الرحمن

قجر يقول...

مقال رائع
ربنا يصلح الحال ان شاء الله

إرسال تعليق

( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )