اخلاص عــــاشق ...

قصه اخلاص عاشق ...

بسبب مناسبه حرب الفرقان ....... سااكمل قصه اخلاص عاشق ....
ولربط بين هذا الجزء والجزء السابق ....
فهذا هو الجزء السابق ...
اخلاص عاشق الجزء الثالث اضغط هنا ...
 وهذه هى التكمله ....

اصاله وحلمى بكر ومصر ..

السلام عليكم الحمد لله اخلنا من الامتحان العملى وداخلين على النظرى بعد اسوعبين دعواتكم معانا .....
...
لا اعرف لماذا ربطه المشكله الشخصيه  للفنانه اصاله مع الموسيقار الاستاذ حلمى بكر  باانها مشكله بين دوليتن .. وهذه هى مشكله الدول العربيه وهى العنصريه العربيه التى تطيح بتعاون الدول العربيه .. واتحادها واننا نعمل من الحبه قبه .. ونجعل  الخلافات الشخصيه خلافات دوليه ..

رد على قصيده امير الشعراء ....معارضه شعريه .. فى قم للمعلم ..

قال شوقى فى ابياته الشعريه ...
قم للمعلم وفه التبجيلا ......
                    كاد المعلم ان يكون رسولا .

حوار مع الموت

حـــــــوار بين الحيــــــــاة والمـــــــوت..!!!!

(هو الذي خلق الموت والحياة ليبلوكم أيكم أحسن عملا) الحياة : السلام عليكم الموت : وعليكم السلام

خامس صالون فكرى "ويكيلكس حقيقه ام كذب .

ويكيلكس

السلام عليكم ورحمه الله وبركاته ....
ازيكم وكيف حالكم يارب تكونوا
فايقين مش تعبنين
ولو تعبانين او مش قادرين تفكروا او تكتبوا مش تكمل قراءة الموضوع ...
لان الموضوع ده او الفكرة دى تسمى الصالون الفكرى ..

وهو عبارة عن

عدة اسئله اطرحها على حضرتكم ....
وعليك فقط تجاوب على الاسئله ثم اضافه اسئله علي الاجابه ان وجد او تود تستفسر عن شئ ما ..
وان شاء الله على الزائر اللى بعدك الاجابه عن اسئلتك ...
اى عليك قراءة التعليقات ..... لرد عليها ....
وكاننا فى برنامج تلفزيونى ......
حيث ان هذه الفكرة حاذت على اعجاب كثير من الزوار سؤاء كان من المشاركين بالتعليقات  او لا 
________________
ونبدأ الموضوع ...

التعصب الاعمى ...

السلام عليكم ورحمه الله وبركاته ...
انصدمت بكلمه من احد الشباب وهو يقول لى .
انا مع النائب الفلانى حتى ولو فى النار ...
صراحه انصدمت من هذه الكلام وقلت ماهذا التعصب فى سرى ..
فقلت اليه هو مع الحزب الوطنى
قالى انا اكتر الاشخاص اللى بيكرهوا الحزب الوطنى

من حقى اسأل وأقول مصر هى امى ولا بتشتغلنى ...

 من حقى اسال واقول ...
مصر هى امى ولا بتشتغلنى
انا ابنها وضناها ولا بالتبنى ..
بتفرق ليه مابينى وما بين اخويا الكبير ..

لا فائده من المطالب السبعه ويمكن ان نستغنى عنهم ..بمطلب واحد ...

السلام عليكم ورحمه الله وبركاته ...
جلست كثير وفكرت بعد مده من قرار المطالب السبعه التى اعلن عليها كثير من جميع القوى السياسيه فى  مصر ..
امثال الدكتور البرادعى والدكتور محمد بديع مرشد الاخوان ..
فركزت عليها .. وفكرت كثر ..بعده مده  كبيرة ..
حيث انا كنت من اول المشجعين على التوقيعات ..
اذا كان فى البلد او مع اصدقائى على النت ...
فبعد تفكير شديد وبعد جلسه صغيرة مع نفسى فى هدوء تام ...
ايقنت التالى
لا فائده من المطالب السبه
يمكن ان نستغنى عن المطالب السبعه ونبدلهم بمطلب واحد لان المطالب السبعه لا تاتى بفائده على الشعب المصرى ..
نعم اقول هذا ...
مع العلم انا من اول الموقعين

كما حدث ... تزوير الانتخابات...

السلام عليكم ورحمه الله وبركاته ...
اظن ان من يقرا هذا المقال اكثرهم من ابناء قريتى بل من ابناء دائرتى دائرة ابو حماد ....
وارجوا ان لا يكذبنى احد من القراء لاننى والله اقف على رجلى من الساعه 7 صباحا يوم الاحد يوم الانتخابات  الى ماوصلنا مركز فرز الاصوات ...

الحزب الوطنى يعلن افلاسه .....

السلام عليكم ورحمه الله وبركاته ...
نعتذر عن عدم تكمله قصه اخلاص عاشق وسنؤاجلها الى بعد الانتخابات كما قلت فيما قبل ....
_____________
اظن ان الحزب الوطنى الديمقراطى ... بظنين اثنين ..
الظن الاول ..
انه ديمقراطى بالفعل .. وهو اسم على مسمى ..

قصه اخلاص عاشق .......الجزء الثالث ............

 المقدمه اضغط هنا
الجزء الثانى اضغط هنا
فى الجزء السابق او البوست السابق
كنا قد توقفنا عند ولادة الطفل مصعب
اليوم سنكمل ان شاء الله ....
فى صباح اليوم الثانى جاء الاهل والجيران مهنئين فرحين مستبشرين خيرا بهذا الطفل البشوش...
وكان الاكثر فرحا هو اياد لانه طالما تنمى ان يكون له اخ ...
احب اياد مصعب حب كبير جدا ..

قصه اخلاص عاشق .......الجزء الثانى ............

تحدثنا فى البوست اللى فات عن المفدمه فقط اضغط هنا
ولقد توقفنا المرة اللى فاتت عند...........
ان مجرد التفكير فى الفراق عن المحبوبه بمجرد الموووت ...
والحب الذى نتحدث عنه فى هذه القصه هو .....

قصه اخلاص عاشق .......

بسم الله الرحمن الرحيم

اننى هذه المرة اكتب سطور قليله لاننى ........ ابحث عن شئ ليس موجود فى عالمنا  ولا واقعنا ..... 

لالالا انه موجود ولكنه ولكنه بشكل ضئيل جدا ... ولا اريد ان اقول انه ليس له وجود فى هذه الحياه .... 

فسمحت لنفسى ان اسرح بخيالى حيث يمكن الشعور بالحب والاحساس به ......

نعم 

الحب الذى اصبح منقرضا بعض الشئ

او

بالاصح منقرض بشكل كبير بسبب المطامع والاهواء والنفوس البشريه الضعيفه -

قريبا جدا ... قصه اخلاص عاشق

السلام عليكم ...
قصه اخلاص عاشق قصه جميه ومثير من تاليف احد اصدقاءى ....
اسمه مصطفى راشد .....
والقصه بااسم اخلاص عاشق .
ستقراءؤن تفاصيلها ان شاء الله قريبا جدا .. جدا ...

كل عام وانتم بخير ... وصدق او لا تصدق

كل عام وانتم  بخير بحلول عيد الاضحى المبارك .....
_____________________
وصدق او لا تصدق ...
مرشح الحزب الوطنى الديمقراطى يستغل المسجد للدعايه له ...
فخطب فى الناس بعد خطبه الجمعه   لحسهم على انتخابه فى انتخابات مجلس الشعب ...
وناسف لعدم توثيق الخبر بالصور حيث اننى عرفت بعدها بيوم ....
وموقف اخر مع نفس لمرشح ...
امرأه  جايه لبابا بتقوله انا رحت للمرشح ....... وقال احنا ادينا الاستاذ عادل فلوس علشان انتى تأخذيها .....
وهذا كذب ...
وبابا بيحلف لى والله ماخذت حاجه من ابن ستين فى سبعين ده ...
وهذه الحاله الثالثه او الرابعه ....
يكذب على الناس قبل فوزة  فماذا يفعل بعد فوزة

بعيد عن سياسه الدوله والتقرب من سياسه البنات . والولاد .

السلام عليكم ورحمه الله وبركاته
قبل الكلام اطلب من سيادكم  التصويت فى استطلاع الرائ
كنت ذاهبا للالقى التحيه والسلام  على  بعض الاصدقاء فى الكليه  .
فبعد الالقاء التحيه اخذنى صديق منهم وهو الاقرب الى قلبى . اخى وحبيبى  ............
فااخذنى وبعدنا عنهم
فاخذنا نتترك الى بعد الاحداث الموجودة والمشكلات التى تواجههنا .
فقال الى . فيه بنت اتصلت عليا

عامل المسجد من وسائل التضيق الجديده

ابدا كلامى بالصلاه على النبى وسلامى للظلم اللى عشش فى البلاد كما تعشش الدجاجه فى عشتها وكما يعيش الحمار فى ..... فلا يقدر على مفراقه .... الا بالضرب  والشد خارج ...... ؟
وسلامى للناس اللى شايفين الظلم وساكتين ...
دا مش ساكتين دا وكمان من خوفهم مع الظالم وبيحاربوا المظلوم ... ؟
واعوذ بالله من ان افترى على شخص  . او اتكلم عنه بكذب او افتراء ...
صلوا على الحبي النبى ...الذى قال " الظلم ظلمات يوم القيامه "

المشاركه فى استطلاع الرأى

السلام عليكم ورحمه الله وبركاته
ارجوا المشاركه فى استطلاع الرأى الموجود على المدونة
وهو بااسم
هل توافق على استخدام الاخوان شعار الاسلام هو الحل فى المعركه الانتخابه
الموافق يقول نعم  اوافق  ..
الغير موافق يقول لا اوافق على استخدام الاخوان شعار الاسلام هو الحل
.... او لا اهتم
.......
والله ولى التوفيق

التعصب ....من كتاب لست وحدك فى بحر الحياه . ؟

السلام عليكم ورحمه الله وبركاته ....
قررت ان اكتب عن شعار الاسلام هو الحل ويجب ان يستغنى عنه الاخوان فى الانتخابات الاتيه ... وتبديله بااى شعار اخر
مثلا
معا للاصلاح او ماشابه ... لظروف يعيشها الوطن ..

ارتفاع نسبه الاجور

السلام عليكم ورحمه الله وبركاته
عندما سمعت كلمه ارتفاع  الحد الادنى للاجور ..
فلم اعرفه الا بالبحث عن معناه ..
فعرفته ...
وعندما اسمع اناس يتحدثون عنه
فوجدهم يقولون
نسبه الحد الادنى للاجور هتكون 1200 وناس اخرى تقول لا لا  400
وناس بتقول وناس اخرى تقول .....
نترك الناس  ونتركهم يقولون مايريدون فالكلام ليس بمال فهو بغير ثمن  ....
ناتى اولا

الناس دى مش عندها دم .....

السلام عليكم ورحمه الله وبركاته ....
معذرة على كلامى ... اصل حاجه تغيظ 
ساادخل فى الموضوع على طول ولن اتحدث فى مقدمات طويله ولا اى شئ من هذا القبيل .....
نائب  من نواب  الحزب الوطنى الديمقراطى كما يطلق على نفسه ....
وهو نائب الرصاص ...  نشأت القصاص الذى امر بااطلاق الرصاص على المتظاهرين ....

فلسفه النسور فى الحياه . وكيف تعيش

 . فلسفه النسور فى الحياه
فديو اعجبنى جدا

اتمنى ان اكون مثلهم

_____________________

ماذا يريدون منا .... ونحن هكذا .. وكيف نتقدم

كنت فى احدى السكاشن فى كليتى العزيزة ..
وكانت المعيده تشرح وتفهم ونحن مركزين معاها رغم التعب الشديد الذى تعبنها طوال اليوم والسكشن كان فى اخر اليوم قبل المغرب بساعه او ساعه ونصف .
وكنا نسمع لها رغم الموصلات الصعبه التى تعبنا منها لنصل الى الكليه العزيزة
رغم قله ادب بعض السواقين..  حاربنا الموصلات لكنى نصل  الى الكليه  .

اسمه ايه من قصيده البت بتعه للشاعر الفلاح امين الديب

الشيخ امين الديب شاعر المقاومة كما يحب ان يكون
مقطع من قصيده البت بتعه وهو اسمه ايه

دوله ضد المواطن

كتب ـــ أحمد فوزى

21 عاما لم أرى ولم أسمع عن ان خفض اسعار سلعة ما ستكون ضررا على مشتريها او مستهلكها ايا كان نوعه او نوعيتها

فقط هنا فى مصر بلد الخير وبلد العز سمعت الكلام ده !! والله حاجة جميلة اوى وانا بادرس ادارة اعمال وكويس معلومة هتفيدنى فى يوم من الايام !!

فى يوم من الايام قرر ابن العز ان يرفع سعر ثمن طن الحديد الى 10 الاف جنيه مصرى وقد فعل ذالك واترفع سعر طن ووصل فعلا الى 10 الاف ...... وحينها لم يتكلم مسئول ، ولم يتلفظ وزير ، ولم يشكو مستثمر ووكيل ، ولم يتحرك حاكم حكيم ، ولم تهتز ألسنة جميع المسئولين والمسئولات لتبرير رفع الاسعار هذا برد مقنع لمواطن مطحون !!

انا اتحدث عن سعر طن وليس عن سعر دقيقة ... عن طن حديد وليس عن سعر دقيقة كلام !

الطن اللى وصل الى

سميه وخالد سعيد

ابدأ كلامى بالصلاه على النبى وسلامى لحاكم مصر ولكل اهلى الطيبين المصريين المحترمين ...
طبعا الموضوع باين من عنوانه
عن طالبه سميه اشرف والشاب خالد سعيد .....
طبعا لما حكايه خالد سعيد جت ... التلفزيون المصرى اقصد برامج التوك شو  ...
مش كان وراها الا خالد سعيد ..

كيف يستقبل الاخرون نبأ موتى

انا اعرف ان انا نشرت هذه التدوينة من زمان من اول ما عملت المدونه بس حبيت ارجعها تانى

]×?°.. أمي ..×?°

التي حملتني 9 اشهر وسهرت على راحتي ..
ستتفاجأ من الخبر ..
ستكذب الخبر ملايين ال مرات ..
حتى تقع .. !
ستتذكرني كثيرا" ..
ستفقدني كل


ليلة ..
وتفقد طيشي الذي تعدى حدوده .. !
عذرا" .. لا أستطيع التكمله ..
ف أمي الوحيده .. التي لا أجد ما يعبر فجيعتها .. !

زيارة نجاد رساله تهديد ام سلام ......

لا اظن ان زيارة نجاد لبيروت  مقصدها الرئيسى ان يريد اقامه علاقه بين ايران وبيروت وان كان كذلك ...
ولكن اظن ان سببها الرئيسى هو ان يثبت للعالم كله .
ان نفوذ ايران تقدم جدا جدا جدا جدا .
فى داخل الدول العربيه  .
والتهديد هو ..
يجب ان تصمت  اسرائيل وامريكا وكل الدول التى تقف مسانده لاسرائيل والا سنقصفها ويجب ان تصمت الدول العربيه المعاديه لايران والا سنقسم لببنان الى اربع اربع   لانه يوجد لنا حلفاء داخلكم ..  واذا امرنا  ان نحاربكم سنحاربكم وعلى ارضكم كما حارب امريكا افغانستنا والعراق ..
اظن ان هذه الرساله ...
وفعلا مع كل احترامى للبنانيين ..
لبنان مقسمه على عصابات ...
كل عصابه تعمل لمصلحتها ..
واكبر دليل ..

الفنان محمد صبحى

الفنان محمد صبحى
اقصد الفنان المثقف صاحب الفن الهادف فى كل مسلسلاته او افلامه اومسرحياته ....
وحبت اجيب اليكم لقطه من مسرحيه تخاريف
وهى لما عمل دكتاتور
صراحه جسمى حصل اليه  قشعريه  ... مش عارف بضحك على نفسى ولا بضحك على الكلام ...
فيه حته عجبنى
لما قال انا هعمل مده الحكم بتاعتى 20 سنه ومش هجدد تانى  ..

ولما  اختار الوزراء ( اقصد المسؤليين ) شوفوا اختارهم ازاى
واللى افظع من كده
حكابه العلاوة جميله جدا

تضامنا معا. ابراهيم عيسى محرر جريده الدستور

الطماطم اللهلوبه ... مواقف عن الطماطم

صلوا على الحبيب النبى
اللى يجاوب يقول ايه اللى فى الطبق ده هعطيه صلصه بالطماطم ...
......
كنت انا رايح عند اختى وجايبين سندوتشات كبده وشويه صلطه علشان ناكل عندها ...
فبفتح الكيس ووضعت اللى فى الكيس فى الطبق .
على انها صلطه والمعروف عن الصلطه بتكون بالطماطم ...
لا .... وجدنها بالخيار فقط لا غير ....
وخلى بالكم اللى الحمراء دى مش طماطم دا شويه فلفل احمر علشان يخدعونا
هههههههه
..........
ياشباب كيلو الطماطم بــــ 8 جنيهات فى بلدنا وفى فى بعض البلاد وصلت العشرة جنيهات (مش عارف لحمه دى ولا ايه )
والكيلو فيه 8 حبات طماطم

حاجه تحير من سوريا لابو مازن لامريكا لاسرائيل

حاجات كتير تحير
صراحه
مش عارف فيه حاجه بتحير
فى ابو مازن الرئيس الغير شرعى والمنتهى ولايته لفلسطين
والرئيس السورى بشار الاسد
ونتياهو اقصد نتن ياهو . رئيس الوزاء الاسرائيلى ...
اللى يشاهد كلام بشار الاسد اليوم وهو بيقول لاجدوى من المفاوضات المباشرة مابين الفلطينين والاسرائيلين
يقول بشار الاسد مقطع السمك من ديلها ....
وهو نايم فى العسل كل يوم رايح لايران ومش بيروح لاى دوله عربيه ...
نايم وسايب الجولان . دا عايشه باامان اكتر من اللى فى تل ابيب .
ولما انضرب المفاعل النووى بتاعه مش اتكلم ومش فيه رصاصه انضربت فى الجولان .

اب + سيجارة يساوى ابن بسيجارة

السلام عليكم ورحمه الله وبركاته ..
كنت اسير فى شوارع قريتنا العزيرة وقد سمعت احد اصوات ابناء قريتنا الصغار وهو ينادى وينادى واحسست انه ينادى عليا ليطلب النجده ..
فاتجهت اليه انه طفل لا يزيد عن عمرة 7 او 8 سنوات وبجوارة طفل لا يزيد عمرة عن 9 او 10 سنوات وبينها عجله ( بسكلته ) وكانت الفترة بعد العشاء وعندما رايتهم بوضوح ونظرت فى يد الطفل الذى سنه 10 سنوات ما هذا ماذا يمسك بيده شئ ابيض ربع طول القلم الازرق الابيض انه انه يشبه السيجارة ...
فقلت له عايز ايه ياقمر
قالى . شوف يااستاذ الواد ده ماسك السيجارة وعاوز يشربها لى .
قلت .. ياحبيبى عيب وحرام عليك
فقال لى

لن احلم ثانية

السلام عليكم ورحمه الله وبركاته
تذكرت فيلم مطب صناعى
عندما قال الممثل الكوميدى احمد حلمى للممثله نور وهما راكبين المركب
يلا نامى ونتقابل فى الحلم .
فقالت انا مش بحلم
فقال لها يااااه بضيعى نومك فى ايه ......
تذكرت هذا وضحكت بعد فترة من التفكير فى احلامى الكثيرة التى تمر عليها هذه الايام
وقلت يارب اكون زى نور فى اننى مش احلم .
لان احلامى غريبه اليومين دول ....
احلم مرة برئيس حزب الوفد ان هو رئيس لمصر وده من رابع المستحيلات ..
لانى الريس محمد حسنى مبارك موجود ..
وتذكرت موقف بيقول
واحد مصرى بيسأل الريس ينفع ياريس واحد مسيحى يمسك الحكم .
الريس قال ولا مسلم يابنى ....
هكذا هو الحال
حلم اخر ...

مع المفاوضات تحت مسمى هدنه او معاهده سلام لمده محددة ومش عارف اعمل ايه فى انتخابات الشعب القادمه

السلام عليكم ورحمه الله وبركات
هذه الايام يوجد اخبار تسر واخبار لا تسر ابدأ ..
ويجب ان نتكلم عن عن الاحداث الجاريه .
وياريت اللى يعلق يعلق على وجهة نظرة يعنى لو ضدى فى الرائ عادى قول رايك مش تخاف مش هغتالك . هههههه ...
والحاجات دى هبين فيها وجهة نظرى ولو مش عجباكم ممكن تردوا عليها
*عن الانتخابات نشارك ام لا نشارك ...
صلوا على الشفيع فى يوم لا ينفع فيه مال ولا بنون .
اولا .. انا مش عارف حتى الان اقاطع ولا اشارك حتى الان لا اعرف ماذا اقول فى هذه القضيه ...
وبذلك قد سمعت اراء الناس اللى اكبر منى فى هذه القضيه وقرأت للكثير
ممن قالوا قاطعوا الانتخابات او نشارك فى الانتخابات .
فى اول الامر قلت قاطع ولما قلت لواحد لازم نقاطع الانتخابات
قالى يابنى لو قاطعت هتستفاد ايه النظام مش عنده دم ممكن ينزل ناس مستقلين ويشجع فيهم وينجح عدد كبير منهم ...
او ينزل الاحزاب بتعوته ويقول فيه ناس واحزاب شاركوا كتير ....
مش هتسفاد حاجه
قلت طب نشارك
قالى برضه هتستفاد ايه هيزور الانتخابات وينجح اللى هو عاوزة
قلت الله حيرتتنى طيب نعمل ايه قالى مش عارف
فقلت فى سرى سيبك من الراجل ده وفكر ..د
ففكرت وقلت لا لازم نشارك علشان صوتى لازم يوصل لو حتى يوصل لعند الصندوق مش مهم بس لازم يطلع لى صوت مع ان انا عارف ان فيه تزوير ...
* بخصوص المفاوضات
فاانا مع وضد المفاوضات المباشرة
وبمعنى اخص انا ضد الحوار مع اسرائيل تحت مسمى المفاوضات
اظن ان الهدف من المفاوضات ان تقوم دوله جوار دوله تعترفان كل منهما بالاخرى وكانهما دولتنان تعيشان من قديم الازل
نعم انا ضد الحوار تحت مايسمى المفاوضات
ولكن مع الحوار تحت مايسمى معاهده سلام لفترة من الزمن ..
للاسباب الاتيه ان دوله اسرائيل عفوا دوله الكيان الصهيواميركى العربيى نعم دوله اسرئيل من قامها هم امريكا والعرب ....
لانها ليست دوله بالفعل فهى كيان قائم على جماجم الشهداء الفلسطينين ..
ويجب ان ترجع الى اصحابها فى اى وقت ولو حتى بعد 1000 عام يجب ان ترجع ...
نعم انا ضد المفاوضات ومع معاهده سلام ...
حتى نبنى البينه التحتيه للشعب الفلسطينى ..
ويجب ان يقوم دولتنان اما ان يكون منزوعتنان السلاح او تمتلكان للسلاح ..
يجب ان يتساووا فى الحقوق ...
مع المفاوضات التى لم توقف المقاومه فاوض على راحتك ولما تفاوض وتتم نقول نوقف مقاومة ولا لا ...
وسلام
معلشى لو مش فهمتم حاجه

حاجات تشيط " تغلى " الدماغ ياراجل ...

""ناسف مش رديت على التعليقات فى الموضوع السابق لانى مش انا اللى كاتبه ""
من فكاهات الاعلام المصرى .. سواء كانت صحف او برامج التوك شو التى اشاهدها او اقراءها ... كثير مايضحكنى الكتاب والصحفيين والاعلامين ..
من كلمات ومن مواقف ...
امثله لهذه المواقف والكلمات ...
* فى كثير من المقالات الاخباريه اقرأ ...
فى سريه تامه سيتقابل الرئيس الفلانى مع الرئيس الفلانى وسيناقشون القضيه الفلانيه فى سريه تامه ....
تضحكنى هذه الجمل .. مما يحمل معناها من فكاه وضحك .. اظن انها تنفع كاريكاتير فى جريده الدستور بتاعه زمبوووء
بالله ازاى سريه تامه ولسه ستعقد وانت عرفت ولو عرفت ازاى بقى يبقى سريه ... دا الخبر اللى انت بتكتبه شوف كام واحد بيقراءه ..
دا فى مثل بيقول السر لو خرج على الاثنين مش يبقى سر... وانت بيقراء خبرك المئات بل يصل الى الالاف ..
* اعلامى رياضى محلل رياضه بعد المباراة التى تشاجر فيها الفريقين المصريين ياأتى ويقول على المخرج والاعيبه والجماهير .. فضحتونا فضحتو مصر الكبيرة دائما بااخلاقكم السيءه هذه دى رياضة مش مصارعه الله يسامحكم فريقين زى دول يتخانكوا ويقلوا ادبهم شوهتوا صورة مصر ..
وبعد هذا الكلام المحمل بالوطنيه وحب الوطن .. يقول شوف شوف عمل ايه بيده شوف شوف قال ايه بشفايفه شوف شوف قال ايه للجماهير .. يخلى اللى مش شايف الماتش يشوف قله الادب ... خلى اللى مش اشترى يتفرج زى مابيقولوا ..
* ثالث الاشياء التى تجعل قلبى يضيق صدرا بالاعلام من استخفاف عقول المصريين وهو فى البرامج الحواريه وبالاخص مابين المعارضه والحكومة وبالاخص اكثر العلمانين او الاسلامين ..
ياتى مقدم او المعد للبرنامج بضيف من الحكومة او العلمانين قوى فى اسلوبه مؤثر بهددؤءه و من المعارضه او الاسلامين ضعيف فى اسلوبه الحوارى يناقش بصوت عالى سريع التعصب لا يعرف كيف يرد على العلمانى او الليبرالى فى اشياء كثيرة حتى يقال هؤلاء هم المعارضه او هؤلاء هم الاسلامين ..
و شئ اخر فى ..
عندما يتكلم الليبرالى او العلمانى ترئ مقدم البرامج فى سكون تام ينصت اليه فقط ولا يناقشه ولا يتكلم الاسلامى احترام للمتكلم ..
وعندما يتكلم الاسلامى ترى المقدم يتكلم ويناقش الاسلامى بطرق تستفز الشخص الذى يتكلم ...
وشئ اخر ...
عندما يتكلم الاسلامى يقاطعه الليبرالى او العلمانى طوال ماهو يتكلم ولا احد يتكلم اما لو حدث العكس يقول ايون انتوا كده يااسلامين مش بتسمعوا الرائ الاخر ارهابيين متعصيبين جعجاعين ومن هذه الكلمات البذيئه التى نشرها الاعلام ..
................
حاجات تشيط الدماغ

مصر دائمأ فى تقدم

بقلم / مواطن مطحون جداً
مصر دائما في تقدم مستمر عن باقي الجيران وأهالي الحي فنحن نتقدم ساعة صيفا ونتأخر ساعة شتاء ..

ومع مزيد من التقدم فمصر البلد الوحيدة التي يعرف من رئيسها السابق ورئيسها الحالي و رئيسها القادم دون الذهاب إلى دجال أو منجم أو حداد أو حتى رئيس حي ..

أيضا من علامات التقدم في مصر إصدار فتوى لشيخ الأزهر بالرفق بالحيوان وعدم التعامل معه بعنف ومن منطلق الديمقراطية وحرية الرأي قامت العشوائيات بعمل مظاهره كبيره تطالب فيها الانضمام إلى الفتوى لتصبح ( الرفق بالحيوان والعشوائيات ) إلا أن شيخ الأزهر لم يعلن الانضمام بعد .. ليه الله أعلم

مصر تقدمت كثيرا حتى ظهرت شيخوختها وعندما تم عرضها على طبيب متخصص في أعراض الشيخوخة ليعلن أن مصر جاء عليها الزمن وأنها أوشكت على الانتهاء قامت الحكومة بتحويل أوراق الطبيب إلى المفتى وذلك لإعدامه بعد أن طعن أمنا في سنها وفى دقائق ظهرت براءة الطبيب بعد ما اكتشفوا أن الطبيب المعالج حزب وطني وان الخطأ كان من الممرضات عندما بدلوا تحاليل أمنا مصر مع تحاليل طفل عمره 4 سنوات واتضح أن الطفل هو المصاب بالشيخوخة وليست أمنا مصر..

وأخيرا إذا أردت أن تشاهد التقدم فعليك بالصعود فوق برج القاهرة لتشاهد خطة التنمية وهى تتقدم بشكل ملحوظ دون أن تمسك تليسكوب فلكي , فهي واضحة وضوح الشمس الساعة 3 فجرا ..

شفت التقدم ؟ انزل بقى من على البرج وبلاش رخامه .. فى غيرك عايز يشوف التقدم وروح البيت وخد معاك شريط برشام صداع ونام بدري علشان تلحق التقدم من أول النهار وإياك تفتح الشباك لأن الجيران لو سمعوا هلوستك عن التقدم وانت نايم , احتمال كبير يتصلوا بالعباسية ..
معلهش لازم تعذرهم
أصلهم ما طلعوش فوق البرج
_________________________--
اسمعوا الفديو ده جميل جدا الاعلان الجديد للاتصالات

تعلموا من فيلم سبايدر مان .. " لجريده الاهرام والاستاذ مجدى الجلاد "

يعجبنى كثير الاستاذ مجدى الجلاد الذى اكن له كل احترامى وتقديرى فاانا والله احبه كثير واحب افكاره واقراء مقالاته ...
وقرات مقاله اليوم على صفحه من صفحات جريده المصرى اليوم ..
بااسم دفاعا عن الاهرام ...
صراحه لم اتخيل انها جريده الاهرام ..
فقراءت العنوان وتركت الصفحه ولم اقراء المقال . لاظنى بان المقال متعلق بالاهرام الموجوده فى الجيزة ..
ولكن بتطفلى وحب الاستطلاع قراءت الموضوع .. ووجدته عن جريده الاهرام .. واخذ يدافع عنها دفاع مستميتا" وفعلا استثار اشمأزازى وكمان زاد اعجابى بالرجل لاحترامه "
واخذ يتكلم ويكتب كثير عن فضل جريده الاهرام الذى لا ينكرها اى حقود فى تقدم الصحافه المصريه يقول ان اى جريده تحتمل الصواب والخطا وكثير منا مخطئ الا النصوص المقدسه وجريده الاهرام ليست بالمقدسه لان صانعها بشر ...
نعم يااستاذ مجدى هذه الجريده لها قراءها المحترمين وكتابها الاكثر احتراما ....
نعم يااستاذ مجدى الجريده من صناعه البشر والبشر يتحملون الصواب والخطأ ..
ولكن يااستاذ مجدى ..
الخطا مقبول فعلا ..
ولكن خطأ كهذا وفى جريده كهذه لا يغتفر ..
لانها من اكبر الصحف كما قلت
الخطأ الذى يمكن ان يغتفر له اذا اخطأ فى نقل خبر من على لسان احد الرؤساء او الوزراء . ولم يتحقق منه وهلل على كلامه ..
الخطأ الذى يمكن ان يغتفر له اذا اخطأ فى نقل او كتابه خبر كاذب يمكن ان يغتفر له ....
الخطأ الذى يمكن ان يغتفر له اذا كانت الصورة فى باب صدق او لا تصدق او باب الكاركاتير ..
اما عن صورة مفبركه صانعها بيده ووضعها فى باب الاخبار ...
اظن انه لم يغفر له ...
وتذكرت ايضا فيلم سبايدر مان اظن اظن الثالث ..
عندما فبرك احد المصورين وهو فينيوم احد اصدقاء وعدو بيتر باركر ( سبايدر مان ) فى نفس الوقت ..
عندما فبرك صورة لسبايدر مان ..
وعندما عرف رئيس تحرير الجريده بهذا ماذا فعل ...
عمل اعتذار على الجريده وفصل هذا المصور من الجريده ...
ومن هو رئيس محرر الجريده
احد اعداء سبايدر مان ...
واخير اقول...
تعلموا من فيلم سبايدر مان..

خير الله مااجعله خير. حلمت باان البدوى رئيس لمصر

خير الله مااجعله خير
الجمله دى بنقولها لما نلاقى واحد هفتان وزعلان من حاجه
وبنقوله خير الله مااجلعه خير
وكمان بنقولها لما الواحد يجى يحكى اليك حاجه
بتقوله خير الله مااجلعه خير ...
وانا عاوزكم تقولوا لى خير الله مااجعله خير ...
قلتم
طيب اسمع منى الحلم ده ..
خير الله مااجعله خير
حلمت باان رئيس حزب الوفد د. السيد البدوى رشح نفسه للرئاسه ضد الريس حسنى مبارك وفاز السيد البدوى وشكل حكومة ...
وفرحت جدا ورحت اليه وسلمت على البدوى واخذته بالاعناق ..
وقلت الحمد لله ان انا شفت رئيس سابق قبل مااموت .............
وبهذا قد تم الحلم ......
مع ان احلامى كلها عكس الحقيقه ....
الا فى الرموز زى حلمت بان تعبان قرصنى او ان قطه بتجرى ورايا او ... او ...او ...
مش عارف عبارهعن ايه الحلم ده
ياريت يتحقق والله حلمت بيه .. حلم حقيقى
مع ان فكرى مش زى فكر الوفد ...

وبقول يارب البدوى يكون رئيس لمصر او اى حد تانى
____________________________________________________________________

وبالمناسبه شوفوا الصورة دى

ينظر ويتأمل ويحلل ..

بسم الله الرحمن الرحيم
كنت انا واحد الاصدقاء المقربين الى قلبى نسير فى احد شوارع قريتنا العزيزة .
وكنا نتكلم فى اشياء تخصنا نحن الاثنين عن الدراسه واشياء اخرى داخل كلا الكليتين . كليتى وكليته .
وعن الانشطه ..
فااذا ونحن سائرون فى احد الشوراع سمعته يقول سبحان الله وينظر ويبحلق فى احد ما امامنا ..
فقلت له مالك .
قالى ياااه انظر جمال هذه البنت
قلت اليه يابنى حرام عليك غض بصرك عيب ..
قالى ايه انت هتحرمها بتأمل فى خلق الله . .
وحللها لنفسه
ههههههههه
كان عارف نفسه غلطان بس بيضحك
.
تذكرت مسلسل العار المذاع فى شهر رمضان اللى فات ..
عندما كان مصطفى شعبان يحلل الحرام ..
ربنا معاكم ياشباب

مر عام على التدوين

السلام عليكم ورحمه الله وبركاته
مر عام على التدوين.
عام من حب الانترنت .
عام من توسيع المعلومات .عام من خلق مزيد من الاصدقاء الجدد .
عام من معرفه العالم الخارجى ..

فى مثل هذا اليوم مر عام على انشاء مدونة قلب فارس ...اشربوا العصير ...

والسؤال هنا ..
اول سوال وكالعاده من انت .
ادخل على هذا الرابط وهتعرف مين انا
تعريف بنفسى نبذه قصيرة اضغط هنا
***ماهو اكثر الاشياء جذبتك حول التدوين .....
هو الايجابيه واخراج المكبوت والحريه وتعرض فيه زى ماانت عاوز.
*** كم موضوع كتبته وماهو هو اجمل موضوع ..
كتبت 169 موضوع واجمل موضوع
هو الفرق بين حسن وحسين
اخوانى المسيحين اهدوا وعذرا
يابابا اشترى لى طفطف بدل ماانا عاطل كده
وقصه حلم تائب
** كم عدد التعليقات ..
عدد التعليقات 1280 تعليق
*** كم عدد الزوار .
12913 زائر ...
*** ماهو عدد الزوار المتوسط فى اليوم ..
50 زائر
***ماهى اجمل المدوانات التى زرتها ...
يوووووووووووه كتير
***ماهى اقبح المدوانت اللى زرتها
يووووووووووه كتير
***ماهو العضو اذا لو علق على موضوعك تفرح ...
يوووووووووووووووه كتير اوى
***ماهو اول موضوع كتبته واول تعليق....الموضوع هو البدايه واول تعليق هو عاشق الجنه من الاخوان
***تشكر مين من المدوانات ..
اشكر كل من عليق تعليق على مدونتى لانه يزيد الحماسه لدى لاكتب واقرا كثير
وبالاخص ومش بترتيب يعنى علشان مش فيه حد يزعل يقول انت جبت ده الاول ليه ...
1. الريس
2. زهرة (جنى )الاسلام
3. ساسو اشعار وتاليف
4. mrmr مدونة الضحك والفرفشه مدونة ابتسامات وامنياتى
5.مرايتى ..
6.مدونة احلى ملاك
7.امه الله
8.الحب الجميل

9.محمود الباحث عن الحب
10.فشكول .

11.ام الخلود اعقل مجنونه فى الوجود .
12 .علا المصرى كل يوم
13. سلسبيل بنوته اون لاين
14.شــارم
15 . ابوالمعالى فائق ( لقمه عيش )
16. طبيب اطفال ابو مصعب ..
17. الشاعر المفضل لدى ( عمار مطاوع )

18. ويــكا ( بصراحه )
19.علاء سالم
20.جنى
21.انا حره ومش عارف ليه مش بتكتب من زمان
22.سبايدر مان
23.انا حرة
24. قل ياقلم مش بتعلق زى الاول
25.بدايات
26.افكار صغيرة اظاهر ساب التدوين
27.الاغلبيه الصامته
مش فيه حد يزعل من اللى انا نسيتهم بس والله بشكرهم كثير
***ايه المدون اللى لو علق على مدونتك بتحس ان الموضوع الى حد ما اليه فايده او منسق ؟
طبعا طبعا انا مش بعرف اكتب اى مدونتى عاميه او نصها كده والنص الاخر غير الاول ...
اما بخصوص المدونة اللى اكتر حاجه بفرح لما اشوفها عندى
مش مدون وةاحد كتير ومنهم
الريس ولقمه عيش ومرمر واشعار وتاليف وزهرة وبنوته اون لاين وكلمات من نور وعماراون لاين واستاذنا فشكول وكتير كتير والله
كل مدون بيعلق بيبعث فى الامل من جديد
*** ماهو المدون اللى بتحب تقرا اليه؟؟
صراحه انا بقرا للكل بس اكترواحد بقرا اليه
لقمه عيش وعمار والريس وزهرة ومرمر واى مدونة فيها اشعار واعقل مجنونة وسلسبيل وشارم
*** ما هى امنيتك بالنسبه لمدونتك ..؟
اتمنى ان مدونتى تكون زى مدونة لقمه عيش من حيث المحتوى والاسلوب والشهرة والفكر
*** ماهو المدون الذى تريد ان تصبح مثل اسلوبه؟

كما قلت لقمه عيش .. والريس ومدونة حمودة والاغلبيه الصامته
واخير بحبكم كثير كثير كثير ...

............

وبهذا اشكركم وكل عام وانتم بخير ونتمنى التواصل
ولو حد زعلان منى فى حاجه ممكن نتواصل على الميل
qalbfars112010@yahoo.com

كنت اتمنى ولم اعد اتمنى .. لما رائيته

السلام عليكم ورحمه الله وبركاته ...
من باب المثل الشعبى " اللى يشوف مصيبه غيره تهون عليه مصيبه نفسه " ..
انا شاب عمرى 18 سنه وحيد اى انا الولد الوحيد لبابا وماما .. كنت اتمنى ان يكون لى ولد اخر حتى يمارس معى هوايتى المفضله .و ان يكون اصغر منى بسنه او سنتين حتى يفهمنى وافهمه .. وكنت لما اشوف اصدقائى ماشين مع اخواتهم ويلعبوا مع بعض كنت بحسدهم على حبهم لبعض ودفاعهم عن بعض ...
ولكن عندما كبرت او فى سنى هذا وفى وقتى هذا ... انقلب الحال الى حال ... لا لا لا
ليس بسبب الجيش ... لا لا لا لا

ليس بسبب ذاك ولا ذاك
ولكن بسبب الذى رايته
...
اليكم ماحدث
فى ايام العيد
كنت اشارك ابى فى مواصله صله الارحام وعند سيرى معاه فى الطريق كنت اساله عن ذاك وذاك وماهو وماهى معاملاته وهل هو محترم ام انه غير ذاك ... هل اشاركه فى عمل ام لا ...
كانت كل هذه الاسئله اسئله ايها ...
الا سؤال واحد ماهى معاملاته مع اخوته "اشقاءة "
فبعد سيرى الطويل معه ...
رايت رجل يقف فى اخر الطريق الذى كنا نسير فيه رجل كبير فى السن يفوق سنه 60 .. اظنه وقف الى احد اخر ولكنه وقف الينا يسلم عليا وعلى ابى
الرجل الغريب .. ازيك ياعم الحج كيف الاحوال
بابا .. الله يسلمك كل سنه وانت طيب ..
الرجل الغريب .. وانت طيب عملت ايه فى الطلب ده
...
بابا .فقال والله خلاص هما قالوا استنى بقى لما احنا الاربعه نتفق ..
الرجل الغريب .فقال طيب انا هروح ارفع عليهم ...
فلم يلفت انتباهى لهذا الكلام ولكن بعد رد بابا بقول
بابا .. اللى انت عاوزة اعمله اعمله بس الخلاف اللى بينكم هما عوزين يجيبوا من اول ماابوكم مات لعند دلوقتى اما انت عاوز من حته معينه
فبعد هذا الرد لفت نظرى واستغربت وقلت مشكله اخوات يااااه يروح يرفع قضيه على اخواته .. ليه
فبعد ذهبنا بعيد عن هذا الرجل فقلت لبابا
ايه مشكله اخوات
قال اه
قلت ياااه يرفع قضيه على اخواته
فقال انت تحمد ربنا ان مش اليك اخوات
وبعد هذا الموقف ليس بكثير بمده لا تزيد عن ساعه او نصف ساعه تقريبا نفس الحال
بابا . بيكلم واحد ..
بابا .. هاا اخواتك عاملين ايه
الراجل اهو ياعم الحج بياكلوا ويشربوا ..
صراحه استغربت
بابا .. مش فيه اى تقربات
الرجل لا احنا كده قطعنا الميه والنور من ناحيتهم
بابا ربنا معاكم
.....
فقلت لبابا حتى ده متخانق مع اخواته
بابا .. قال اه عااادى على ان هى كلمه عاديه
قلت يااااه عاادى كده
قال يابنى وانت لسه شفت حاجه اكثريه البلد كده ...
فقلت الحمد لله
وبعدها انقطعت سيرة ان كنت اتمنى ان يكون لى اخ
الحمد لله يارب ان مش فيه لى اخ
فتذكرت قصه قابيل وهابيل
قلت ياااه المشكله من قابيل وهابيل
حتى الجيران والاخوات وحتى الدول العربيه
يااارب يهدى
للتذكره
"صوابع يدك مش زى بعضها "

اخر يوم فى رمضان .. يوم ولادتى بالهجريه .

كل سنه وانت طيبين بمناسبه العيد ومدونة قلب فارس تهنى الامه الاسلاميه والعربيه بمناسبه عيد الفطر المبارك ...
عيد ميلادى بالهجريه فى ليله العيد الموافق يوم 1 /5 /1992 ميلاديه الساعه 2 صباحا قبل فجر العيد بساعتين . ..الواحد كل لما يفتكر يوم ماتولدت حصل ايه بيضحك كتير ..... طبعا مش كنت حاسس وقتها بس من حكاوى ماما على يوم الولادة اصل انا بحب اسمع حكاوى ايام زمان بس علشان مش تقولوا عليا كذاب ههههه . بعد ماسمتنى" الحاجه ام ابويا " بعيديه على انى بنت علشان مش اتحسد . اصل عبالكم انا بعد بنتين ...والحاجه ام بابا الله يرحمها كانت بتخاف عليا كتير وكانت على طول بتشربنى ميه بليمون .الله يرحمها كل لما ازعل افتكرها ....
كل عام وانتم بخير

صالون فكرى "لا سياسه فى الدين ولا دين فى السياسه "

السلام عليكم ورحمه اله وبركاته
حياتى متعلقه على شماعه
حياتى ممكن تتغير بتعليقك
حياتى متلخبطه وتعليقك اللى هيظبتها
وانا بسمع مسلسل تشويه الجماعه (اقصد الجماعه )
لقيت الشيخ طنطاوى بيقول للامام الشهيد الاستاذ حسن البنا
" السياسه تفسد الدين والدين يفسد السياسه "
" لا سياسه فى الدين ولا دين فى السياسه "
ممكن تجاوبوا لى وبالتفصيليل الممل يعنى ايه الاجابه دى . وياريت بعد لما تعلقوا.تشوف تعليق المدونين اللى علقوا  .. قبلكم او بعدكم... علشان تردوا عليهم ولكم الحق الكامل فى الرد "هل رائتم حريه اكثر من هذه "    ... صالون فكرى اقصد صاله حــوار
يلا شدوا حيلكم ...
...
انتظروا
مش فيه حد يقول ان المسلسل اثر فيا لا والله
انا زى ماانا
. بحب الاخوان
.معاهم فى الصح وضدهم فى الخطأ ان فعلوه ..
مش هما بس
انا مع الحق فى اى وقت وفى اى زمان
وكمان ممكن اثنى على الحزب الوطنى (بس على مااظن ان هى عمرها ماهتحصل العيب مش هيكون فيا اصل هو مش بيعمل حاجه تثنى عليها )
يلااااا
ياريت اسمع تعليقاتكم

اخوانى المسيحين "اهدوأ وعذرا"

مع احترامى الشديد للمسيحين فى كل مكان وفى كل زمان . من هم فى الشمال والجنوب ومن هم فى الشرق والغرب ومن هم فوق الارض او تحت الارض ... احترمكم كثير ...
ولكن السرعه لا تاتى الا بكل شر . وكما يقول المثل المصرى . فى التأنى السلامه وفى السرعه الندامه ...
اريد ان انصحهم باان لا يتسرعوا فى عمل مظاهرات ضد اختطاف المسيحين ويقولون انهم متهضون ... يااحبابى كلنا فى الهواء سواء.
نحن وانتم متضهون مسيحين ومسلمين وكل مصرى متضهد ..... فى ظل هذا النظام المبارك... .
نعم اليكم الحق فى اتخاذ كل الاجراءت الازمه بسبب اختطاف ابنائكم وبناتكم . ولكن لا تتهموا المسلمين بااختطافهم ...
عندما قراءت للمرة الاولى عن جريمه اختطاف كاميليا حزنت حزن شديد بسبب هذا الخبر وقلت ربنا يحميك ياوطن ...
صراحه انا قرأت الخبر فى جريده الدستور وبحثت عنه فى النت للتاكد وتاكد فحزنت اكثر ..
وعندما قرأت كان الخبر ف الصفحه اليمنى وكانت الصفحه كامله تتكلم عن هذا الخبر .وعندما نظرت الى الصفه المقابله وجدت خبر ياخذ جانب فى الصفحه وهو بعنوان مقتل شاب على يد 6 مسيحين ....فقلت الله اكبر على هذه المصائب ...
هذا مقتل وهذا اختطاف (لانعلم هل هو اختطاف ام انها هربت )
انظر الى هذا الخبر وهذا الخبر
هذا الخبر موكد 100% وهذا الخبر ليس بااكيد انها اختطفت ..
وانظر الى الاهتمام بالخبر ..
وتقول انكم متهضون ....
نحن وانتم متضهون كلنا فى الهواء سوا ..
فقلت لصديقى اى نعم هو مش اليه فى السياسه ولا فى الجرايد ..
فقلت شوف بالله عليك
الواحده اختطفت عملوا مظاهرة ان هى اختطفت وقالوا ان المسلمين اختطفوها وهما متهضين . طيب نعرف ازاى ان هى اختطفت ماهو ممكن تكون هربت من زوجها ولا ايه . ماهو برضه كمان 6 مسيحين قتلوا شاب مسلم ..
قال ياعم ناس فاضيه ...
فبعد كام يوم
وجدت الخبر بيقول ..
هربت كاميليا .. او اسلمت وهربت .. اهم شئ هربت ..
فاانظر الى التسرع ..
مظاهرات واشياء كثير متسرعه
ومظاهرات اخرى بعد ساعات قليله من اختفاء فتاه مسيحيه من قرية التوفيقية بمركز سمالوط في المنيا....
بعد ساعات مش بعد يوم ولا يومين يوم ولا يومين
ارجوكم
ايها الاخوة المسيحين ارجوكم
لا تتسرعوا
البلد من ناقصه مصايب وفتن ...
وارجوا من الاخت كاميليا ان تظهر على شاشات التلفزيون او احد يااخذ معها حوار ويضعه على النت اذا كانت اسلمت او هربت واو حتى المختطفين لازم يظهروا ..
او ننتظر عندما تزداد الفتنه
اللهم احمى هذا البلد واجعله امنا مطمأنا ....

الف باء تاء لسيد ابو حفيظة تحفه

________
وانتظروا المزيد للمبدع سيد ابو حفيظة الفكاهى جدا .....

اظن ان الحكومة باعت القضيه .....

عندما يقول لى احد من الشباب ان مسلسل الجماعه يعرض قضايا الشباب الفقير زى الشاب
حسين على هارون شحاته
السن 21 سنه
محل الاقامه حارة منتصر المتفرعه من عبد الجليل المتفرعه من حارة مسعده ام الخلفيل اسطبل عنتر
شاهد الفديو للتاكيد واتمنى ان تبحثوا عليه لمشاهده هو فى الحلقه السابعه ..
مشهد مبكى ومحزن فعلا . و تكون دى حاله مصر ام الدنيا (وارمله الديمقراطيه )(وهبه النيل هبه ضاعت انا خايف على النيل ليضيع )... اسمع الفديو للاخر ..
اظن ان وحيد حامد اخذ بااسلوب الشد والجذب لشباب الاخوان وامن الدوله ولكن المنتصر فى الاخر هو امن الدوله ....
اسمع الفديو ثم اقراء اللى تحت الفديو ...
___________

_______________
معلومه كنت اخذتها فى الثانويه فى تربيه الابناء وفى مادة علم النفس ومن تربيه الابناء العقاب الذهنى وهذا العقاب يقف على التوبيخ دون ان تمد يدك ..
ولكن اذا زاد عن حده. يصبح الابن بليد ويستقبل كل التوبيخات دون الرد عليها او ان يصبح كهذه التوبيخات ..
فعند توبيخ ابنك وتقول له يافاشل يافاشل كثير الكثير .
فسوف يصبح فاشل وعندما يكبر اذا قلت يافاشل
فيرد عليك ويقول
هذا ليس بغريب دا انا فاشل من صغرى ..انت جبت الديب من ديله ياخى..
او عندما تقول لاحد شباب البانجو او شباب النت او شباب المعاكسات تقول له ياصايع .. ممكن ان يضحك عليك كثير فيقول اليك انت جبت الديب من ديله او ياماجاب الغراب لامه ..
مااحنا عارفين ان احنا صايعين ...
فلا يهمه احد لا اب ولا ام ولا عم ولا خال ولا اخ ولا اخت ...
حاله كحال الحكومة اليوم فا من اول ماطلعنا على وجه الدنيا واحنا بنقول الحكومة خايبه هى السبب اللى احنا فيه دلوقتى ... من اول ماطلعنا على وش الدنيا تزوير تزوير حصل تزوير فى الانتخابات سواء فى مجلس الشعب او الشورى او نقابه الصحفيين او المحامين الا نقابه الفن (التمثيل )
فياشباب لازم ندلع الحكومة شويه مش كده
ياشباب مش كده
يلا دلعوها لازم الحكومة تدلع شويه ... مش ينفع كده ..
ياحكومتى يلا قولى انت الاحسن من من الكل
انتى الافضل بين الكل
انتى انتى
...
ياشباب بااختصار
الحكومة باعت القضيه خلاااص
اى انها مش بهمها حد
فقالت انما الحاله خربت عليا فلازم تخرب على الكل ..
مش انا لوحدى

سيقيم شباب الاخوان على وحيد الحد ...

لقد قررت فرقه من مليشيات طلاب الاخوان الذين نظموا مظاهرات فى جامعه الازهر باانهم سيقومون الرد على وحيد حامد مؤلف مسلسل الجماعه .. بالرد عليه بالقوة والعنف وسيقام عليه الحد عاجلا ام اجلا .. والحد هو تركيب لسان وعين واذن وانف وعقل غير التى موجوده فى وجه ليرى اين الحق واين الباطل...... ...
هذا مايريده وحيد حامد من شباب الاخوان فى هذا الوقت ليثبت كلامه عن الاخوان صحيح انهم اصحاب عنف وارهاب من اول حلقه ..
هيات هيات ياوحيد حامد فلم يسير الاخوان فى طريق العنف فهم من هم فهم جماعه الاخوان المسلمين ...
شكرا على مافعلته ياوحيد حامد .. هذا ما يقوله شباب الاخوان المثقفين الواعين للسياسه ..
لقد جعلت شباب الاخوان ينظرون الى انفسهم ويضاعفوا جهدهم لتوضيح ماهى جماعه الاخوان للراى العام بعد مده من الكسل لدى الشباب . فاانا سمعت باام اذنى ورائت باام عينى شاب من احد شباب الاخوان يقول لاخيه لازم نضاعف عملنا فى هذه الايام بسبب الملسل فلا يوجد وقت للعب . انظر يااستاذ وحيد ماذا فعلت فيهم . فقد عمل شباب الاخوان على الفيس بوك اكتر من مجموعه للرد على هذا المسلسل وتعريف الناس بجماعه الاخوان المسلمين ففى مجموعات بااسم ضد مسلسل الجماعه وفاقت عدد الاعضاء او المشتركين فيها الالفين واخر بااسم ماذا تعرف عن جماعه الاخوان المسلمين )... وفى اى مكان فى الشارع ترى احد الشباب الذين كانوا يكرهون الاخوان بسبب الاعلام ( يكرهون الاخوان ولا يعرفون ماسبب الكراهيه . يكرهون الاخوان عن جهل ) يجلس مع احد شباب الاخوان يسمع راى الشاب الاخوانى فى المسلسل بكل تركيز ووعى ....
وبهذا
كثير من الناس سينظرون الى الاخوان ثانيا ... ويقراءن عنهم ويسمعون من افواههم ..
وسيضاعف مجهوداتهم ...
ويمكرون ويمكر الله والله خير الماكرين

حوار مع احد طلاب الاخوان فى الازهر حول الحلقه الثانيه من مسلسل الجماعه

انفراده جديده لمدونة قلب فارس
حوار مع احد طلاب الاخوان المشاركين فى مظاهرات الازهر الشريف
وستشاهدون الحوار على هذا الفديو ....

________

مسلسل ستندمون ان لم تتابعهوه

السلام عليكم ورحمة الله وبركاته
أرجوكم تابعو هذا المسلسل في رمضآن

....

هل تعلمون !ما هو اروع مسلسل

يستحق المتابعة بالشهر الكريم ؟؟

كل حلقة منه تكـــســـبك الربح الخيالي

انه مسلسل من بطولتكو

اخراجكو

تصويرك وتحضيرك

انه مسلسل
العودة الى الله

..

الذي يبتدي من الأن وينتهي بدخولك الجنة

واتمنى ان نستفيد منه جميعنا

وكلنا ذنوب

وكلنا نقص

والله الستار

و............... الله الغفار

وهو ارحم الراحمين
المسلسل هذا يبغضة الشيطان

ويحبه الرحمن

ويهابه الانسان

ويعرف قدره كل حريص على زيادة الايمان

يبدأ اولا بترك الشهوات وكبائر الذنوب

وينتهي بمن الله تعالى على العبد بالتوبة والغفران

وفي خلال المسلسل يا خوان

يمن الله تعالى على المداومين بمتابعته براحة في النفس والجنان

وضياء بالووجه

وانشراح بالصدر

وسعة في الرزق

ومحبة في قلوب العباد

وقبول الصيام والقيام

]

والتوفيق للمزيد من العمل الصالح

في رمضان وبعد رمضان

.....................

/\

/\
ان الله جل وعلى يوفقنا

للإستفادة من ليلة القدر

الله

هذا اروع شئ فعلا

فكيف يجود علينا رب العزة بشهود ليلة القدر

ونحن نتسكع من مسلسل تافه الى ما هو اتفه منه ...
اخواني // اخواتي

من منا يحب ان يتابع معنا هذا المسلسل خلال رمضان !

يحجز من الآن ..

لأن النية مطلع عليها رب العباد من الآن

والنية وتوقيع الاتفاقية محلها القلب

وليست صفحات المنتدى او آذان الناس

فلا تكتبوا استعدادكم لمتابهة هذا المسلسل هنا

اكتبوا استعدادكم بينكم وبين الرحمن

لأن الله تعالى اذا رأى استعدادنا قبل دخول وقت الطاعة

يرزقنا حلاوة هذه الطاعة والخضوع فيه

تمنياتي لي ولكم برمضان مبارك

ملئ بالبرامج الايمانية التي يحبها الله تعالى

ويكرهها الشيطان الرجيم

صور رمضانيه جميل